Lisyoma lya Jeremia 1:8 - KITABU KITAKATIFU

⁸ Avandu va Jerusalemi vaakora uvwoni vwi livereriza ligali, na vagwiyi kuli kindu kifunyaa vugundu. Vosi avahaana uluyali kuvo vavalegerizaa kigira vamali kolola chahonyo chavo. Vakenya aveene kandi agirung'ana nukwivisa mu zisoni.

Lisyoma lya Jeremia 1:8 ပူးပေါင်းရင်းမြစ်များ

Litanga 3:7

Nonoho lwa vaali nivakalia makuyu, vaali nilimanyiriza ndi vombi vaveeye viahonyo. Kunangwa vaavugura matu gi misaala ja makuyu nivahambanyia harara ma nivikunika.

1 Avami 9:6

Navuzwa niiva ivi anoho visukululwi vivio vilaleka kononda niiva ulavula kuhulira malago ni miima ja mali kuha munyi, nukusigamira avanyasaye vandi,

1 Avami 9:7

Maku ndatuliza vandu vange Isiraeli mu kivala cha mali kuvaha. Kandi ndaleka Litembeli yili lia mali kutakasa kuli havundu ha sigamirwa. Vandu havundu hoosi valakolera Isiraeli kehenyahenye

1 Avami 9:9

Avandu valativura, ‘Gaveeye kigira valeka Yahova Nyasaye wavo, watuliza avaguuga vaavo mu kivala cha Egebeti. Vatumikira kandi nivasigamira avanyasaye vandi. Yicho nicho chagira Yahova naleta kivi yiki kuvo.’ ”

Isaya 47:3

Avandu valalola chahonyo chiinyu, kandi mulava mu zisoni. Ndatunga kisaalia, na sindaleka mundu kali mulala mba.”

Jeremia 13:22

Nimuva nimuteeva kigira ki ivindu yivi viosi vimali kwekoleka ku munyi, kigira ki zinguvu zienyu zimali kutanduka kandi mumali kwonogonywa, gaveeye kigira vwoni vwinyu voveeye vudamanu ligali.

Jeremia 13:26

Yahova mwene alamutuliza zinguvu nukumuviika muzisoni.

Jeremia 15:4

Ndakora vandu vu mukivala choosi kuva nu vuti ovonene ligali kigira vindu vidamanu via Manase mwana wa Hezekia yakola mu Jerusalemi lwa yaali mwami wi Ivuyuda.”

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 32:23

Lwa vaduuka mukivala yiki, vaavugura miandu josi jaali mucho, navuzwa si vaatia amalago googo anoho si vamenya kolondekana na amagizu googo mba. Si vaakora kindu ku viosi via waali ni wavalaga mba. Kulwayago, ivi waleeta lidiviza yili liosi kuvo.

Jeremia 34:17

Kunangwa kalunu, Inzi, Yahova, mboraa ndi munyi simwatia inzi mba: Simwavoholola vandu va Isiraeli vache vinyu mba. Nivulahi, nitali inzi ndamuha ovovoholore vwavo mba. Nivulahi, nitali inzi ndamuha ovovoholore: Ovovoholore kukuzira muvulwani, nuvulwaye kandi ninzara. Ndakora vuli ihiiri mulirova kuva nuvuti vonene ligali kuli agamungolera.

Jeremia 4:31

Ndaahulira ililira kuli liu mukali oveeye mulilumwa liu mwana, ndaahulira iliayura kuli mukali wivuraa mwana weve wukutanga. Liali lilira lia avandu va Jerusalemi vaagamuraa imvika, nivanyiraa imikono jiavo nivavoora, “Kumali kudiva! Vazaa kunzita!”

Jeremia 6:28

Vaveeye vosi avibaali vahindagirizi, avadinyu kuli mugasa nikivia. Vosi vaveeye avuvwoneku vazizaa yiyi nayiyi nivalandiza vovehi.

Lisyoma lya Jeremia 1:11

Avandu vosi vi lidaala linene vakenya lwa venya chukulia, chukulia, vakenyanga, vakiranyaa mavikiru gaavo kigira viukulia, kunangwa vaduuki kuva mwoyo. Avandu va Jerusalemi vavoola, “O, Yahova, henza ku kunyi, kigira kumali kolegerizwa.”

Lisyoma lya Jeremia 1:17

Muporofeti avoora: “Avandu va Ziyoni vaanyiira makono gaavo valeminywe mwoyo, navuzwa si yaliho mundu waali anyala kuvaleminya mwoyo mba. Yahova amali kulaga ndi visukululwi via Yakobo vave avasigu vaavo. Jerusalemi imali kugwa kindu kifunyaa vugundu hagati haavo.”

Lisyoma lya Jeremia 2:10

Avakulundu va Ziyoni viikara hasi ni vachiring'ani machiriri, niviiyuhiyi uluguchi ku mitwi jaavo kandi viviki zinguvu zia magunia. Avakaana va Jerusalemi vinaminyi mitwi jaavo hasi.

Lisyoma lya Jeremia 4:21

Museke O, munyi avandu va Edomu, na avamenyi mu kivala cha Uzi, musangare kuli munyaliza. Navuzwa munyi kandi muladuuka mukivi; mulatuliza zinguvu nukutigara chahonyo.

Ezekieli 23:29

Kigira vandu yava vakudunyira, valavugula vuli kindu choosi cha wanyoola kologeli lwulwo, na valakoleka umwere kandi ni chahonyo. Uvudamanu vwuvwo vulaloleka havulavu. Uvudamanu vwuvwo nu vulaya vwuvwo

Ezekieli 23:46

Yaga nigo ga Yahova Wuvunyali avoora, “Ndaleta muganda gwa vandu kutihiza vakali yava kandi kuvanura.

Ezekieli 39:23

Zihiiri zilamanya ndi, avandu va Isiraeli vazia mu lihaminywa kigira uvwoni vwa vaangolera. Ndaagirung'ana kutura kuvo kandi nindeka avasigu vaavo ni vavaguuta kandi ni vavitira mu vulwani.

Hosea 2:10

Ndamutuliza zinguvu zizie atigale chahonyo imbiri wa vasaza veve, kandi si naveho mundu kali mulala ulimuhonyia kutura mu zinguru ziange mba.

Hosea 2:3

Niiva si alaleka mba, ndamutuliza zinguvu atigale chahonyo kuli yiivulwa. Ndamukora ave kuli changalangwe kandi kuli kivala chumu, kandi alakuza kigira uvuluhu.

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.