Lisyoma lya Jeremia 1:5 - KITABU KITAKATIFU

⁵ Avasigu vaavo vaguuta, vavaviiki mu zinguru ziavo. Yahova uvakoli kusalira kigira uvwoni vwavo vunyingi. Avana vaavo vamali kugumirwa nukuhirwa ihale muvuhambe.

Lisyoma lya Jeremia 1:5 ပူးပေါင်းရင်းမြစ်များ

2 Avami 21:15

Ndakora yaga ku vandu vange kigira vamali konzonela, kandi vamali kuvukiza vutima vwange kutura ing'inga ya vaguuga vaavo vatura lwa vaatura Egebeti kuduuka lero.”

Zaburi 80:6

Ivi oleki zihiiri ziakukumbiriza kukulwaana nu kuvugura kivala chietu; avasigu viitu vakonyega nokokolera kehenyahenye.

Zaburi 89:42

Umali kuhaana liguuta ku avasigu veve, kandi umali kuvakola vosi kuva nu vusangali.

Isaya 22:5

Yiyi ni ing'inga yu vuti liguutwa kandi yiligoyana mu Livona lia malola. Amadigi gi Lidaala Linene lietu gamali kusambulwa kandi lianira lio ovokonyi vwitu lihuliriki ku vigulu. Mwami munene Yahova Wuvunyali umali koleta yaga goosi ku kunyi.

Isaya 63:18

Kunyi avandu vovo vatakatifu, kwavugula ahatakatifu hoho ku ing'inga ngekeeke, navuzwa avasigu viitu vaduvagira hasi Litembeli liilio.

Jeremia 10:20

Amahema giitu gayononywa; migoye jiagumiraa mahema jimali kukalika. Avana viitu vosi vazia ihale; siaveeyeho kali mulala watigala kwumbaka amahema giitu mba; siaveeyeho kali mulala unyala kusunga zisuka ziago mba.”

Jeremia 12:7

Yahova avoora, “Inzi ndaaleka avandu va Isiraeli; inzi ndaasuura ihiiri yange endovole. Ndahaana avandu vange vandayaanza kuzingulu zia vasigu vaavo.

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Jeremia 39:9

Mu limaliriza, Nebuzaradani munyabara wa avalindi yavugula avandu vaali nivatigaye mu lidaala, harara na avandu vaali nivamwiruki naavahira mu lihaminywa mukivala cha Babiloni.

Jeremia 5:29

“Navuzwa inzi Yahova, ndahaana amageri kuvo kigira vindu yivi; ndavanza kisaalia ku ihiiri yiyi.

Lisyoma lya Jeremia 1:16

“Yiki nicho kigira nikusioma kandi amaliga nigidoloka kutura mu zimoni zietu. Siaveeye ho nu mundu unyala kukuleminya mwoyo mba, kandi siaveeye ho nu mundu unyala kukudinyiriza mba. Avana viitu vatigaye hazwa, kigira vasigu viitu vamali kukuguuta.”

Lisyoma lya Jeremia 1:18

Avandu va Jerusalemi vavoola: “Yahova aveeye mulungi, kigira kumali kwibaala ku likuva lilie; navuzwa muhuliri munyi avandu vosi, muhenze kuvusaaliri vwitu. Avasoleri viitu kandi avakaana viitu vamali kuhirwa muvuhambe.

Lisyoma lya Jeremia 1:8

Avandu va Jerusalemi vaakora uvwoni vwi livereriza ligali, na vagwiyi kuli kindu kifunyaa vugundu. Vosi avahaana uluyali kuvo vavalegerizaa kigira vamali kolola chahonyo chavo. Vakenya aveene kandi agirung'ana nukwivisa mu zisoni.

Lisyoma lya Jeremia 2:17

Yahova amali kokora aga yatihiza, kuduukiza. Amali kudiviza vugira kokovererera kuli yaakwiganihiza zing'inga zia kale. Yaaha avasigu viitu liguuta kandi yavakoli kusangalira liigwa lietu.

Lisyoma lya Jeremia 3:46

“Avasigu viitu vosi vakonyega nokokokolera kehenyahenye.

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Kwidzulitsa 31:29

Manyi ligali ndi inyima wilikuza liange, avandu valagwa avadamanu kandi vasuuli icha ndaavigiza. Mu ing'inga yizaa, maduywa gukutihiza galavagwira, kigira valava ni vakora Yahova kuva nu vutima mulikola ga yavagaya vavuli kokora.”