Lisyoma lya Jeremia 1:20 - KITABU KITAKATIFU

²⁰ “Henza, O, Yahova, kigira koveeye mu kivi, kunyi koveeye muvudinyu; mioyo jietu jimali kukuza kigira kumali kugwa avibaali ku ivi ligali. Muzinzira zie lidaala linene avandu vitiywi ni vivavi; kali mu zinyumba, likuza liveeye mu.

Lisyoma lya Jeremia 1:20 ပူးပေါင်းရင်းမြစ်များ

Ayubu 30:27

Mwoyo gwange gukubaganaa mu linyang'ana, na sigwituliraa mba; amadiku gi kivi gaduuki ku inzi.

Ayubu 33:27

Alavoora imbiri wa vandu vosi, “Ndamala kwona, na sindakola malungi mba, navuzwa Nyasaye siyamba amageri mba.

Zaburi 22:14

Zinguru ziange ziikami kuli amazi gasunduliywi ichova. Vigumba viange viosi viitiguki; mwoyo gwange guuyiinguki kuli ihura isalulukiziywi.

Zaburi 38:8

Zinguru ziange zifeye kandi mali kuduvulanywa ligali. Mwoyo gwange goveeye mu vudinyu nzoyaa nuvuzunu vululu ligali.

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Isaya 16:11

Kunangwa, siomeraa Moabu na Kiri Heresi novovereri vonene ligali.

Isaya 38:14

Mwoyo gwange gwaali mudedekere, kandi ndasioma kuli likuulu. Zimoni ziange zialuha kigira kohenza mwigulu, O, Yahova, osoore kutura mu vudinyu yivu vwosi.

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 14:20

Kunyi kumali kokora uvwoni imbiri woovo, O, Yahova; kwiyaama uvwoni vwitu aveene, kandi uvwoni vwa avaguuga viitu.

Jeremia 2:35

‘Kunyi si koveeye nimbara mba; gaveeye agiligali ndi Yahova siaveeye nu vutima ni kunyi mba.’ Navuzwa inzi Yahova ndamuha amageri kigira muvooraa ndi simwakola uvwoni mba.

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Jeremia 4:19

Uvuzunu! Sinyala kwikuzira kuvuzunu mba! Mwoyo gwange! Mwoyo gwange gukubaganaa vudinyu ligali! Sinyala kuchiring'ana mba; mbulira visiliva kandi liyoga lie liihi.

Jeremia 48:36

“Kunangwa siomaa kigira avandu va Moabu kandi avandu va Kiri Heresi, kuli umundu yimbaa zinyimbu zie likuza mu lilere, kigira vindu viosi viaveeye navio vimali kudiva.

Lisyoma lya Jeremia 1:11

Avandu vosi vi lidaala linene vakenya lwa venya chukulia, chukulia, vakenyanga, vakiranyaa mavikiru gaavo kigira viukulia, kunangwa vaduuki kuva mwoyo. Avandu va Jerusalemi vavoola, “O, Yahova, henza ku kunyi, kigira kumali kolegerizwa.”

Lisyoma lya Jeremia 1:18

Avandu va Jerusalemi vavoola: “Yahova aveeye mulungi, kigira kumali kwibaala ku likuva lilie; navuzwa muhuliri munyi avandu vosi, muhenze kuvusaaliri vwitu. Avasoleri viitu kandi avakaana viitu vamali kuhirwa muvuhambe.

Lisyoma lya Jeremia 1:8

Avandu va Jerusalemi vaakora uvwoni vwi livereriza ligali, na vagwiyi kuli kindu kifunyaa vugundu. Vosi avahaana uluyali kuvo vavalegerizaa kigira vamali kolola chahonyo chavo. Vakenya aveene kandi agirung'ana nukwivisa mu zisoni.

Lisyoma lya Jeremia 1:9

Uvwoni vwa vandu yava vwaloleka havulavu, navuzwa si vahenda mwoyo ku kivi chavo mba. Liavo liali lidamanu ligali; si yaliho numundu waali anyala kuvaleminya mwoyo mba. Vanira Yahova avavererer mu vudinyu vwavo kigira avasigu vaavo vaali nivamali kuvaguuta!

Lisyoma lya Jeremia 2:11

Zimoni zietu ziiluhi kigira lisioma, mioyo jiitu jizuuyi ovovereri; koveeye novovereri vunyingi kigira lidivizwa lia vandu viitu. Avana kandi zindanya vakuziraa kuzinzira zie lidaala linene.

Lisyoma lya Jeremia 5:16

Uluyali tula ku kunyi O, vayaayi kivi keveeye ku kunyi, kigira kwamala kokora uvwoni!

Ezekieli 7:15

Lilwaana liveeye mu zinzira, kandi vulwaye ninzara viveeye mu zinyumba. Mundu woosi oveeye mu mulimi alitirwa yo ni kivavi, na ku oyo oveeye mu lidaala linene inzara nu vulwaye vilamudiviza.

Danyeli 9:5

“Kumali kokora uvwoni, koveeye avadamanu, kumali kokora vuchamu, kwaleka guwakulaga kokole, kandi kwagirung'ana kutura ku gawakumanyia agaveeye malungi.

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Habakuk 3:16

Lwa mbulira yaga goosi, ndegeraa ligali, minwa jange jidegeraa nu vuti. Muviri gwange gwatanga kuguunda kandi ndikigitara vilenge viange. Ndaalindilira galaha ku ing'inga iduuki, lwa Nyasaye ahaanaa mageri ku vandu vakwingilira.

Kwidzulitsa 32:25

Liihi lilaleeta likuza mu zinzira; litihiza linene lilavingilira mu zinyumba. Avayaayi na vakana valakuza; avana vadoto anaho avasaakulu sivalalekwa mwoyo mba.