Lisyoma lya Jeremia 1:18 - KITABU KITAKATIFU

¹⁸ Avandu va Jerusalemi vavoola: “Yahova aveeye mulungi, kigira kumali kwibaala ku likuva lilie; navuzwa muhuliri munyi avandu vosi, muhenze kuvusaaliri vwitu. Avasoleri viitu kandi avakaana viitu vamali kuhirwa muvuhambe.

Lisyoma lya Jeremia 1:18 ပူးပေါင်းရင်းမြစ်များ

1 Avami 13:21

Yahanzukira muporofeti kutura Ivuyuda navoora, “Yahova avoora ndi ivi uvuli kumuhulira na siokoli sia akulagi mba.

Ezara 9:13

Kali inyima wi vindu yivi viosi vimali kokoleka ku kunyi mu lihevwa mageri kigira uvwoni vwitu nu vudamanu vwitu koveeye ni limanya ndi, ivi Nyasaye wiitu, umali kuhaana mageri ku kunyi. Navuzwa uvwoni vwitu vwali uvunyingi ligali kuvita mageri ga kumali konyoora. Nitali mulikola yaga goosi, umali kuvugilira kunyi komenya.

Nehemia 9:26

“Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Nehemia 9:33

Ivi wakola vulahi nu hana mageri ku kunyi, ivi waali musuuvirifu, kali niiva kunyi kwakora uvwoni,

Zaburi 107:11

Kigira vaali niliebaala ku malago ga Nyasaye Wuvunyali, kandi vaali ni vachaaya amigizu geege.

Zaburi 119:137

O, Yahova, ivi oveeye mulungi, kandi likalaga lia malago googo liveeye lirungi.

Zaburi 119:75

O, Yahova, inzi manya vulahi ndi likalaga liilio liveeye lirungi, kandi wamba amageri kigira oveeye musuuvirifu.

Zaburi 145:17

Yahova aveeye mulungi mu zinzira zizie ziosi, kandi aveeye wi livererera mu viosi via okolaa.

Kutwula 9:27

Maku mwami yatumana Musa na Haruni navoora, “Ing'inga yiyi mali kokora uvwoni; Yahova aveeye mulungi, na Inzi harara na avandu vange kokoli vudamanu.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Jeremia 32:23

Lwa vaduuka mukivala yiki, vaavugura miandu josi jaali mucho, navuzwa si vaatia amalago googo anoho si vamenya kolondekana na amagizu googo mba. Si vaakora kindu ku viosi via waali ni wavalaga mba. Kulwayago, ivi waleeta lidiviza yili liosi kuvo.

Jeremia 4:17

navalakumbiriza Jerusalemi kuli avasaza valindanga umulimi kigira avandu vaavo vamali kwibaala ku Yahova. Yahova umali kovora.

Jeremia 49:12

“Kali niiva yavo avataduukanaa vahevwe mageri, muganaganaa mulavula kohevwa mageri? Awa munyi kuduuka munyore mageri malala mere!

Lisyoma lya Jeremia 1:12

Vavoolera vuli mundu woosi uvitira ahimbi navo ndi, “Muhenze kunyi!” Siaveeye ho nu mundu uwanyola uvusaliri kuli uvwitu mba, uvusaliri vwa Yahova yaleeta ku kunyi mu ing'inga yu vutima vwivwe.

Lisyoma lya Jeremia 3:42

“Kunyi kumali kokora uvwoni nukwibaala, na ivi, O, Yahova, siukusamihi mba.

Lisyoma lya Jeremia 5:16

Uluyali tula ku kunyi O, vayaayi kivi keveeye ku kunyi, kigira kwamala kokora uvwoni!

Danyeli 9:5

“Kumali kokora uvwoni, koveeye avadamanu, kumali kokora vuchamu, kwaleka guwakulaga kokole, kandi kwagirung'ana kutura ku gawakumanyia agaveeye malungi.

Danyeli 9:7

Ivi, Yahova, zing'inga ziosi okolaa agaveeye malungi, navuzwa kunyi kweletera zisoni zing'inga ziosi. Yaga gaveeye agiligali kukunyi vosi avamenyi mu kivala chi Ivuyuda kandi mu lidaala lia Jerusalemi kandi avandu vosi va Isiraeli vawasalanya muvivala via himbi ni ihale kigira sivali avasuuvirifu ku ivi mba.

Amosi 8:13

Ku lidiku liene yilio, kali vayaayi na vakana vagima valahi valagwa hasi nukukinda kigira vuluhu.

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Zekaria 1:6

Kuvitira mu vaporofeti vatumikiri vange, ndahaana ku vaguuga vinyu malago kandi lieganihiza, navuzwa vagachaya ma nivasaalira kigira likora liavo. Maku, viganira kandi vambugilira ndi: Inzi Yahova Wovunyali, ndaali nimbani kuvo mageri kuli gavadukiraa kandi kuli ndaali nindovoye kokora.’ ”

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

Varumi 3:19

Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Vakalagi 1:7

Adonibezeki yavoola, “Avami sabwini ni vatemeeywi videte viavo vinene, ni vino viavo vinene vamali kolola madanye isi wemesa yange; Nyasaye umali kongolera aga ndavakolera.” Vamuhira Jerusalemi ma nakuzira yo.

1 Samweli 15:23

Uvwibaali kuye voveeye uvudamanu kuli ovologi kandi kizalo keveeye kuli uvwoni uvwu kusigamira misambwa. Kigira wasuula lilago lia Yahova, naye umali kusuura ivi kuli mwami.”