Lisyoma lya Jeremia 1:16 - KITABU KITAKATIFU

¹⁶ “Yiki nicho kigira nikusioma kandi amaliga nigidoloka kutura mu zimoni zietu. Siaveeye ho nu mundu unyala kukuleminya mwoyo mba, kandi siaveeye ho nu mundu unyala kukudinyiriza mba. Avana viitu vatigaye hazwa, kigira vasigu viitu vamali kukuguuta.”

Lisyoma lya Jeremia 1:16 ပူးပေါင်းရင်းမြစ်များ

Zaburi 106:42

Vadambizwa ligali navasigu vaavo, na vaali hasi huvwamiihi vwavo mbitilira.

Zaburi 119:136

Zimoni ziange zidorokaa amaliga kuli migera ja amazi, kigira avandu si vahuliraa amalago googo mba.

Zaburi 69:20

Amanyego gamali kuvunaga mwoyo gwange, kandi mali kukuza mwoyo. Ndasuuviraa ndanyoora liverererwa, navuzwa siliali ho mba; ndasuuviraa konyoora lileminywa mwoyo, navuzwa sindalinyoola mba.

Kohelethu 4:1

Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Isaya 54:11

Yahova avoora, “O, Jerusalemi Ivi usalirizangwa, lidaala linene litinyalizaa, vugira mundu wukuleminya mwoyo, ndumbaka vuhia imise jijo na magina guvuguli ovonene.

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Jeremia 14:17

Yahova yandaga mbore amakuva yaga ku avandu yava: “Leka zimoni ziange zidorokaa amaliga mbasu nu vudiku, kandi mburi kolekera kusioma kali hakuzu, kigira avandu vange vamali kwatwa zing'oma nukusalirizwa ligali.

Jeremia 15:5

Yahova avoora, “O, munyi avandu va Jerusalemi, nivwaha ulimuvererera? Kandi nivwaha ulimulirira? Nivwaha ulakave nu vwiyangu kumuteeva kuli muzizagiliraa?

Jeremia 8:18

Ovovereri vwange si vunyala kohonywa mba; mwoyo gwange gulwaye.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Jeremia 9:10

Ndaavoora, “Ndasiomera ivigulu kandi ndalilira iviayiru. Kigira vimali kwuma kandi umundu siavitaa mu mba ilihulirika lie mitugu lihulirika mba; amanyonyi kandi zinyama ziu muvulimu zimali kuburuka nu kuzia.”

Jeremia 9:21

Likuza liayingira kuvitira mumadirisia kandi liziiyi muzinyumba zietu ziuvwami; liiti avana kuzinzira, kandi avasaza vasoleri liviti.

Lisyoma lya Jeremia 1:2

Avandu va Jerusalemi vasioma vululu vudiku vwosi, amaliga gidolaa kutura mu zimoni ziavo. Siaveeye ho nu mundu kali mulala ku avalina vaavo unyala kuvaleminya mwoyo mba. Avalina vaavo vosi vamalikuvazama, kandi vamali kugwa avasigu veve.

Lisyoma lya Jeremia 1:9

Uvwoni vwa vandu yava vwaloleka havulavu, navuzwa si vahenda mwoyo ku kivi chavo mba. Liavo liali lidamanu ligali; si yaliho numundu waali anyala kuvaleminya mwoyo mba. Vanira Yahova avavererer mu vudinyu vwavo kigira avasigu vaavo vaali nivamali kuvaguuta!

Lisyoma lya Jeremia 2:11

Zimoni zietu ziiluhi kigira lisioma, mioyo jiitu jizuuyi ovovereri; koveeye novovereri vunyingi kigira lidivizwa lia vandu viitu. Avana kandi zindanya vakuziraa kuzinzira zie lidaala linene.

Lisyoma lya Jeremia 2:18

O, munyi avandu va jerusalemi, mwaniri vudinyu ku Yahova! Muleke maliga ginyu gituruki kuli mugera vudiku nu mbasu! Muzizagiliri kwanira ku Yahova, kandi maliga gazizagiliri kwituruka!

Hosea 9:12

Kali niiva valiivula vana, ndaviita vosi. Lwa nanduli kuvo, navave mu kivi kenene ligali.”