Lisyoma lya Jeremia 1:15 - KITABU KITAKATIFU

¹⁵ “Yahova yalegeriza avasikari viitu vizingulu hagati hiitu; yatuma iliihi kudiviza avasoleri viitu; yaaduvagila hasi avandu viitu ve Ivuyuda kuli vamiina iwaini kutura mu mazabibu.

Lisyoma lya Jeremia 1:15 ပူးပေါင်းရင်းမြစ်များ

2 Avami 9:33

Jehu yavavolera, “Musiuvi haasi!” Vamusiuva hasi kutura igulu na masahi geege guhuka ku lidigi nu ku zibarasi, kandi zibarasi ziamuduvaga.

Zaburi 119:118

Ivi usulaa sa mulala utahulira malago googo; zing'anagani ziavo zindamanu ziovovehi ziveeye zia vuzwa.

Isaya 28:18

Hene yaho, lilagana lia mumali kolomba nilikuza lilatulizwa ho, na livugilirizana lia mulombi ni kivala cha vakuzu lilatulizwa ho. Lwikivi kiduukaa, mulaguutwa ligali.

Isaya 41:2

“Nivwaha waleeta Sairasi kutura Ivugwi, kandi namukora muguuti vuli havundu hoosi ha yaazizaa? Nivwaha wamuha liguuta ku avami kandi ku zihiiri? Kivavi chiche kilavatozera hasi kuli vaveeye luguchi. Mivano jije ju vuta jilavasalanyia kuli vunyasi vwumu vuhuzwa nimbuuza.

Isaya 5:5

“Kalunu ndamuvolera aganzizaa kokora ku kizabibu change; Ndatuliza ho lungaga lwacho, kandi ndasambura lidigi liakinga zimbega ziacho ziosi, na ndaleka zinyama ziu muvulimu kulia nu kuduvagira hasi mizabibu.

Isaya 63:3

Yahova yativura, “Inzi mali kuduvaga zihiiri kuli mazabibu, na siali ho nu mulala waza kongonya. Ndaziduvaga ligali mu vutima vwange, na amasahi gaavo giivaki ku zinguvu ziange ziosi.

Jeremia 13:24

Yahova alamusalanyia kuli mukuzi guhuuziywi ni mbuuza yumuchangalangwi.

Jeremia 14:17

Yahova yandaga mbore amakuva yaga ku avandu yava: “Leka zimoni ziange zidorokaa amaliga mbasu nu vudiku, kandi mburi kolekera kusioma kali hakuzu, kigira avandu vange vamali kwatwa zing'oma nukusalirizwa ligali.

Jeremia 18:21

Navuzwa kalunu, Yahova, oleke avana vaavo vakuzi kigira inzara; oleke vakuziri mu liihi. Oleke avakali vagotizi avasaza vaavo navana; oleke avasaza vakuzi kigira uvulwaye kandi avasoleri vakuziri mu vulwani.

Jeremia 37:10

Kali niiva mulaguuta liihi liosi lia vandu va Babiloni, mavatigale avamali kurumindwa veng'ine nivagoni mumahema gaavo, avandu yavo vanyara kuvuka nukusamba lidaala yili nu muliru.”

Jeremia 50:26

Mwingiliri lidaala yili kutura muzimbega ziosi na mwingiri havundu ahuvuswage vwaviikwa! Muvungizi vitumi vialanywa kuli vitumi vwuvuswage! Mudiviza kivala! Mutaleka ku kindu kali kilala mba!

Jeremia 51:34

Nebukadineza, mwami wa Babiloni amali kwononyia Lidaala linene lia Jerusalemi kandi kuliduvuranyia. Alikoli kuva hazwa kuli ikiju; alamili vugara kuli ogoyoka ogonene. Avuguyi viosi via yenya kandi asiuvi ivindi viosi vitigaye ihale.

Jeremia 6:11

Uvutima vuvwo kuvo vwaka kandi mu inzi, Yahova sinyala kuvuviika kandi mba.” Maku Yahova yambolera, “Manyia uvutima vwange ku avana muzinzira kandi kuviduma via vasoleri. Avasaza na vakali valahirwa ihale kandi avakulundu sivalahononoka mba.

Lisyoma lya Jeremia 2:21

Avasoleri kandi avasaakulu vaagoni avakuzu mu luguchi lwa madaala manene. Avayaayi kandi avakaana vamali kwitwa ni vivavi via vasigu. Ivi wavita mulidiku liilio liu vutima; umali kuvasinza vugira kuvavererera.

Lisyoma lya Jeremia 3:34

Yahova yamanya lwi mioyo jietu jisionolonyiywi mu ijera;

Danyeli 3:13

Lwene yilwo, mwami yaali nu vutima vonene kandi nalaga vasaza vavaga yava valetwe imbiri weve

Joeli 3:13

Ziveeye ziu vuchamu ligali, ndazitemagira hasi kuli vuswage mu ing'inga yiligesa; ndazishonolanyia kuli mizabibu jishonolanywa mulimiina lie iwaini yizuuye duu.”

Mika 7:10

Hene yaho avasigu vange valalola yaga kandi valava mu zisoni; Oyo owavoolera kuinyi, “Yahova Nyasaye woovo aveeye haliha?” Zimoni ziange zilarora liigwa liu musigu wange. Kalunu valaduvagirwa hasi kuli ovodohi kuzinzira.

Malaki 4:3

Ku lidiku lia ndikola yaga mulakaguuti avandu vachamu kandi valakave kuli luguchi isi wi vilenge vienyu.

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Kwidzulitsa 28:33

Zihiiri zing'eni zialalia viamo viosi via mwayinzira vudinyu kuvitaaga, na munyi simulanyora kindu nitaveeye lidambizwa ni likolerwa vudamanu kazozo.

Vahebraina 10:29

Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

Likunula 19:15

Kivavi ichuugi chatula mu munwa mwimwe, cha liguutira zihiiri. Alavamiha ni imbimbu yi kivia. Aladuvaga kandi iwaini mu kiminilu chi iwaini yu uvululu vwu uvutima vwa Nyasaye Wuvunyali.

Vakalagi 10:8

Ku mihiga komi na nane vadambiza vandu va Isiraeli ligali avaamenyaa mu kivala cha vandu va Amori ivugwi wu mugera gwa Jorodani mu Gileadi.