Lisyoma lya Jeremia 1:14 - KITABU KITAKATIFU

¹⁴ “Yahova yaamanyiriza uvwoni vwitu ma navuviika harara yaavusunga mu magoti giitu vwali vuliduhu ku kunyi ligali kandi nikuva vadedekere kigira vuliduhu. Yakuviika mu makono ga vasigu viitu avaari nizinguru ligali.

Lisyoma lya Jeremia 1:14 ပူးပေါင်းရင်းမြစ်များ

Tsing'ano 5:22

Uvwoni vwu mundu muchamu voveeye mutego. Agumililwa mu muluvu gwu vwoni vwivwe.

Isaya 14:25

Ndadiviza avandu va Asiria avaveeye mu kivala change cha vandu vange Isiraeli, kandi ndavaduvagira hasi ku vigulu viange. Ndahaana vovoholore ku vandu vange kutura ku iniira ya avandu va Asiria, kandi ndatuliza misigo miliduhu kutura ku mavega gaavo.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 27:12

Ndaavora makuva malala mere ku Zedekia mwami wi Ivuyuda, “Wegehizi ku mwami wa Babiloni. Umutumikiri harara na avandu veve, na mulamenya.

Jeremia 27:8

“Navuzwa niiva ihiiri yoosi anoho uvwami vwosi si vulatumikira Nebukadineza mwami wa Babiloni, kandi niiva si valamutia nu kwegehiza imbiri weve, inzi Yahova ndahaana amageri ku ihiiri yeyo mu liihi, ninzara enene kandi nuvulwaye kuduuka lwa mwami Nebukadineza avadiviza ligali.

Jeremia 28:13

nzie na mbolere Hanania: “Yahova avoora ndi, unyala kuvunanyia iniira yu musaala, navuzwa alalomba iniira yi kivia mu vogono vwayo.

Jeremia 28:14

Yahova Wuvunyali, Nyasaye wa avandu va Isiraeli, avoora ndi, alaviika iniira yi kivia ku zihiiri ziosi kandi zilatumikira mwami Nebukadineza wa Babiloni. Yahova avoora ndi, kandi alakola kali zinyama ziu mbulimu kutumikira mwami Nebukadineza.”

Jeremia 32:3

Mwami Zedekia yaali ni yangoli kuva muhambe, kandi niyanzaala kovora ndi, inzi mboraa ndi Yahova avoora, “Inzi ndahaana lidaala linene yili ku mwami wa Babiloni,

Jeremia 32:5

Zedekia alahilwa mu Babiloni, na alavayo kuduuka lwamukolela agadukanaa naye. Kali niiva alalwana avandu va Babiloni, si alaguuta mba. Inzi Yahova mali kovora.”

Jeremia 37:17

Lwinyima mwami Zedekia yatumana nzie, kandi hene yaho munyumba yu vwami yaandeva mu vwivisu, “Likuva liveeye kuho kutura ku Yahova?” Ndaamutivulira kandi nimeeda kovora, “Liveeyeho, Ivi uraviikwa mu zinguru ziu mwami wa Babiloni.”

Ezekieli 11:9

Ndamuvugura kutura mu lidaala linene nukumuhira kuvageni. Inzi mali kumukalagira likuza,

Ezekieli 21:31

Vutima vwange vululu vulamusaliriza kuli muliru. Ndakuvika mu makono gavandu valulu avamanya kudiviza ligali.

Ezekieli 23:28

Yaga nigo ga Yahova Wuvunyali avoora, “Ndakuviika mu zinguru zia vandu va ivi udunyiraa, kandi ava ivi uvihiliraa.

Ezekieli 25:4

Kigira mwayanzilira, Inzi ndakaleke zihiiri kutura muchangalangwe chi Ivugwi kumuguuta. Navumbake mahema gaavo mu kivala chiinyu ma navamenye mu. Navalie makuyu kandi navanwi maveere agaali gave ginyu.

Ezekieli 25:7

Kigira mwakora ndio, ndamuviiki muvunyali vwi zihiiri zindi iziaza zimunuuli kandi zimulanye. Ndamudiviza ligali kuduuka; si namuve ihiiri kandi mba, anoho si namuve kandi ni kivala chiinyu aveene mba. Maku namumanye ndi inzi mbeeye Yahova.”

Hosea 5:14

Inzi ndalwana avandu va Isiraeli kandi avandu vi Ivuyuda kuli isimba enene. Inzi mwene ndavatandulanyia mu vidonye nukuvaleka. Lwa nambahili ihale ligali, si naveho numundu waza avahonyie mba.

Mika 2:3

Kunangwa Yahova avoora, “Saaviraa koleta kivi ku munyi, na simulakahononoke kucho mba. Muzizaa kunyooleka munyi vene mu vudinyu, maku simulagenda ni liegingira kandi mba kigira ilava ing'inga yi kivi.

Kwidzulitsa 28:48

Kunangwa mulatumikira avasigu vinyu va Yahova azizaa kutuma kumulwaana. Mulava ni inzara, nu vuluhu kandi chahonyo, kandi vudaka vwi vindu viosi. Yahova alamudambiza nu vululu kuduuka lwa mudivizwa ligali.