Lisyoma lya Jeremia 1:13 - KITABU KITAKATIFU

¹³ “Yatuma muliru kutura mwigulu, umuliru gwaaza nigusamba vigumba vietu. Yaatega mutego kigira kunyi kandi yaakwilanya inyima. Maku akoleki muligenya kandi muvodedekere.

Lisyoma lya Jeremia 1:13 ပူးပေါင်းရင်းမြစ်များ

Ayubu 18:8

Virenge vivie mwene vimuviiki mu mitego, kandi agendaa kovogo vuvisiywi magwa mu

Ayubu 19:6

mumanye ndi Nyasaye ongoleeye vudamanu, kandi yaandegi nu mutego gwigwe.

Ayubu 30:30

Ligodo liu muviri gwange ligwiyi limwamu, kandi limali kulanduluka; muviri gwange gusambiywi nuluya.

Zaburi 129:5

Leka sa mulala udunyiraa Ziyoni, avikwi mu zisoni zie liguutwa nukwiranywa inyima.

Zaburi 140:5

Avikirage vategegi mutego mu vwivisu kugumira inzi vamali kotega imiveto jaavo ku inzi, kandi vavisi mitego kunzira vaduuki kung'umira.

Zaburi 22:14

Zinguru ziange ziikami kuli amazi gasunduliywi ichova. Vigumba viange viosi viitiguki; mwoyo gwange guuyiinguki kuli ihura isalulukiziywi.

Zaburi 31:10

Ovovereri vumaliiyi zinguru zie livamwoyo liange liosi kandi lisioma limbihiizi livamwoyo liange. Mbeeye mudedekere kuturana nu vudinyu vwange vwosi, kali vigumba viange viumi.

Zaburi 35:4

Leka yavo avagerizaa kunzita vaguutwi kandi valeganywe! Leka yavo avaang'anaganira uvudamanu mu vwivisu viranywe inyima nukudandana!

Zaburi 38:8

Zinguru ziange zifeye kandi mali kuduvulanywa ligali. Mwoyo gwange goveeye mu vudinyu nzoyaa nuvuzunu vululu ligali.

Zaburi 66:11

Ivi wakukokola kugwa mu mutego, kandi umali kuviika misigo miliduhu ku kunyi.

Kutwula 12:9

Mutagilia imbisi anoho edekeywi namazi mba, navuzwa mulie isambiywi yoosi, mutwi, vilenge, kandi viumunda.

Isaya 42:17

Yavo vosi avasuuviraa mu vifananyi, avalanga, vifananyi muveeye avanyasaye viitu, valakolwa kuva mu zisoni ligali.”

Jeremia 44:6

Kulwayago ndaviika uvutima vwange uvululu ku madaala goosi gi Ivuyuda kandi kuzinzira ziosi zia Jerusalemi, kandi nimbambiza muliru kugo. Amadara yaga gaatigala hazwa vugira mundu komenya mugo, kuduuka na Kalunu.

Lisyoma lya Jeremia 1:22

“Uvakalagiri kigira likora liavo lidamanu; uhaane amageri kuvo kuli wahaana amageri ku kunyi kigira uvwoni vwitu. Kunyi kokenya haali kanyingi kandi mioyo jietu jiveeye midedekere.”

Lisyoma lya Jeremia 3:11

Yangunga kutura kunzira nukundanduranyia muvidonye; ma niyandeka.

Lisyoma lya Jeremia 5:17

Kigira yaga mioyo jiitu jiveeye midedekere; kigira ivindu yivi zimoni zietu zizengeye.

Ezekieli 12:13

Navuzwa ndaavambura eneti yange kandi ndakamugimilimu. Maku ndakamuhili mu lidaala linene lia Babiloni, walikuzila vugira kulilola.

Ezekieli 17:20

Ndaavambura mutego kumutega, na gulamugumila. Ndamuhila Babiloni nu kumuherayo amageri, kigira siyaali musuuvirifu ku inzi mba.

Ezekieli 32:3

Ndakuviika mumuluvu gwange na ndaleka muganda gwa vandu vanyingi vang'usi muluvu kutura munyanza.

Hosea 7:12

Navuzwa inzi ndaavambura muluvo kandi nandavagumira kuli manyonyi gumuvwerefu lwavaziizaa. Inzi nambahe mageri kigira uvudamanu vwavamali kokora.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Habakuk 3:16

Lwa mbulira yaga goosi, ndegeraa ligali, minwa jange jidegeraa nu vuti. Muviri gwange gwatanga kuguunda kandi ndikigitara vilenge viange. Ndaalindilira galaha ku ing'inga iduuki, lwa Nyasaye ahaanaa mageri ku vandu vakwingilira.

Kwidzulitsa 28:65

Hagati hi zihiiri yizio, simulanyora mirembe havundu hoosi anoho vweremelizi kali hakuzu mba. Simulava na hokosoosizira zinduvatiru zienyu mba. Yahova alamukola munyangana mu zing'anagani, kandi zimoni zienyu zilaluha kulindilira, kandi mulakuza mioyo.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Vahebraina 12:29

kigira Nyasaye wiitu aveeye muliru gusambaa nukudiviza ligali.