Likunula 8:10 - KITABU KITAKATIFU

¹⁰ Engelosi wa kavaga ya kuba kisiriva, eng'ereng'ani enene ligali yaaguluka kutura mwigulu, niyaaka kuli ulumuli lonene. Yagwa ku kidieli kilala ku vivaga vie migera nu ku visinukiru via amazi.

Likunula 8:10 ပူးပေါင်းရင်းမြစ်များ

2 Kyetsinyinga 32:3

oyo harara na vanene veve kandi na vasaza veve vizingulu vavolerana harara ma nivatovola kwigalira vidaho viosi iviali ichova wi lidaala linene; na vaamukoonya.

Isaya 12:3

Kuli amazi makindu galetaa uvusangari ku yavo avuvuluhu, nindio avandu va Nyasaye vasangala lwa avahonyiaa.”

Isaya 14:12

“Mwami wa Babiloni, eng'ereng'ani yu mumavwevwe, Ivi umali kutulwa hasi kutura mwigulu! Ing'inga ya kale ivi waguuta zihiiri ziosi, navuzwa kalunu umali kusiuvwa hasi ku lirova.

Zekaria 13:8

Avandu viduma viviri ku vivaga mu kivala choosi valitwa, ni kiduma kilala ku vivaga kilatigala mwoyo.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Matayo 25:1

“Ku ing'inga yeyo Uvwami vwu mwigulu vulakave kuli vakana avagima likomi avaavugura zitaya ziavo nivazia kwaganira oyo osereraa umwiha.

Luka 10:18

Yeso yavativulira, “Ndaalora Setani niyaguluka kutura mwigulu kuli oloheni.

Yudasi 1:13

Avandu yavo vaveeye kuli iviguvuli vinene vie inyanza ivitiigalilangwa ni ivikolwa viavo vie zisoni vilolekaa kuli ulufulu. Vaveeye kuli zing'ereng'ani zivodong'ana nga, izia Nyasaye yavikira uvwiyangu mu kisundi mihiga ni mihiga.

Likunula 1:20

Yaga nigo amivisu gi zing'ereng'ani saba ziololaa mu mukono gwange umulungi na agaviswa gi ivinaara saba, izing'ereng'ani saba ni zingelosi zia amakanisa saba. Nivinaara saba viveeye amakanisa saba.

Likunula 12:4

Mukira gwagwo gwakulula ku lirova kidieli kilala ku vivaga vie zing'ereng'ani ziu mwigulu. Ogoyoka zana gwa singira imbiri wu mukali uyu uwaali ahimbi kwivura, ku guduuki kumira mwana ing'inga yiivulwa.

Likunula 14:7

Yavoola kandi nu mwoyo umunene, “Muhe Nyasaye luyali kandi mumukuminyi, kigira ing'inga yi likalaga lilie imali kuduuka. Musigamiri uyu walomba ligulu, lirova, inyanza, ni ivisinukiru via amazi.”

Likunula 16:4

Engelosi ya kavaga yasundula ichaali mu bakuli yacho ku migera ni visinukiru via amazi, navio viagwa amasahi.

Likunula 6:13

Izing'ereng'ani nazio ziaguluka hasi ku lirova. Kuli umukuyu guvungulura amakuyu gagwo amagingi, ing'inga guhuzangwa ni imbuza enene.

Likunula 8:7

Engelosi yukutanga yakuba kisiriva chiche. Imbura ya amagina nu muliru vizuganyiywi mu na amasahi, viasunduka ku lirova. Kidieli kilala ku vivaga chi lirova chaahia, kandi kidieli kilala ku vivaga chi misaala chaahia, kandi uvulimu vwosi uvuvisi vwaahia.

Likunula 9:1

Engelosi wa katano yakuba kisiriva. Ndaalora eng'ereng'ani yaali niyaguluki ku lirova kutura mwigulu. Eng'ereng'ani yeyo yahevwa lufungu Iwo mu gehena.

Likunula 9:15

Zingelosi vane yavo vavoholorwa avaari nivategekiziywi kwita kidieli kilala ku vivaga via avandu kigira isa yeyo, ni lidiku yilio, nu mweli yigwo numuhiga yigwo.

Likunula 9:18

Ikidieli kilala ku vivaga via avandu viitwa na amaduywa gavaga yaga; nago gaveeye muliru, numwooki nu uvurudi, agaatula mu minwa jazio.

Vakalagi 15:11

Avandu 3,000 va Yuda vazia mu luhangaywa mu lwanda ha Etamu, vavoolera Samusoni, “Siwamanya vandu va Filisitia vaveeye avamihi viitu? Kigira ki okokoleeye ndi?” Na Samusoni yavativulira navoora, “Mbakoleeye vuzwa agayavo vangoleeye.”