Likunula 6:15 - KITABU KITAKATIFU

¹⁵ Maku avami vanene vi lirova, vimiliri vuvulwani avatugi, vizingulu na avatugwa vosi harara na vandu vosi avaveeye avavoholore, viivisa mu zimbangaywa nu mu magina gi vigulu.

Likunula 6:15 ပူးပေါင်းရင်းမြစ်များ

Litanga 3:8

Mu ing'inga yu mugolova musaza nu mukali vahulira Yahova Nyasaye nagenda mu mulimi. Vombi vazia kwivisa kutura imbiri wa Yahova Nyasaye, hagati hi misaala mu mulimi.

Zaburi 76:12

Agehizaa vayaayi va avami vigingiraa, kandi atihizaa avami vanene ligali.

Isaya 2:10

Valingira mu zimbangaywa zie vigulu kwivisa mu, anoho valayava malina kunangwa vagelizi kwiluka kutura ku vutima nukwivisa kutura kuzinguru zia Yahova, nuvukumi vwivwe.

Isaya 2:19

Avandu valakingiri mu zimbangaywa zia magina gi vigulu, kandi mu malina gu mu lirova kunangwa vahononoke kutura ku vutima vwa Yahova, kandi kwivisa kutura kuzinguru zizie nu vukumi vwivwe, lwa yaza kodegeriza lirova.

Isaya 2:21

Lwa Yahova yaazaa kodegeriza lirova, avandu valakivisi mu zimbangaywa zia magina gi vigulu kandi mu malina, nokogeliza kwiruka kutura ku vutima vwivwe, kandi kwivisa kutura kuzinguru zizie kandi ku vukumi vwivwe.

Isaya 42:22

Navuzwa kalunu avandu va Nyasaye vamali kulanywa, vamali kotegwa nu kugumirwa kandi vavikiywi mu vuhambe, Siyaali ho nu mundu kali mulala uwaali anyala kuvahonyia mba, anoho kwilanyia ivilanye viavo mba.

Mika 7:17

Valakomba luguchi kuli enzoka, valamoola kuli viguguli ku marova. Valatura mu zimbinga ziavo, nivihikaa novodegeri kandi nuvuti. Valagirung'ana koyeeka ku Yahova Nyasaye wiitu mu vuti. Kandi valatia kigira ivi.

Vahebraina 11:38

Lirova si liali lilahi kuvo mba! Vavodong'ana kuli viruki mu changalangwi; kandi mu vigulu, nivamenyi mu zimbangaywa, nu mumalina.

Likunula 18:23

Uvulavu vwi itaya sivulaaka mu ivi kandi mba; mwoyo gwa osereywi, nu gwumwiha sigulihulirwa mu ivi kandi mba. Avakiranyi vovo vaali avanene ligali kuvita avilirova liosi. Ivi wagaada zihiiri ku lirova nu vukumu vuvwo.”

Vakalagi 6:2

Avandu va Midiani vaali ni zinguru kuvita vandu va Isiraeli, na kigira ageene yaga, vandu va Isiraeli vivisa mu zimbanganywa na havundu handi muvigulu nu muviguuti.

1 Samweli 13:6

Maku vingilira vandu va Isiraeli ni induta enene ligali nivavakola kuva avadedekere. Avalala ku vandu va Isiraeli viivisa mu zimbangaywa numumaliina, anoho hagati mu zinyanda, anoho m'mbogo kandi mu visima.