Likunula 17:9 - KITABU KITAKATIFU

⁹ “Yaga geenya vogeri kandi limanya lidukiru. Imitwi saba jiveeye vigulu saba viu mukali yikalaa ku. Vaveeye kandi avami saba.

Likunula 17:9 ပူးပေါင်းရင်းမြစ်များ

Danyeli 12:4

Yamuvolera, “Danieli kunika kitabu, kandi ukevohe vudinyu ligali kandi uviiki ku muhuri, kuduuka ing'inga yi keheri chi lirova. Avandu vanyingi valakanyaguli yiyi ni yiyi kandi limanya lilakameedeke.”

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Matayo 13:11

Yeso yavativulira, “Munyi muheveywi kumanya agaviswa gu Vwami vwu mwigulu, navuzwa yavo sivaheveeywi ndio mba.

Matayo 24:15

“ Lwa mulilora “Kindu kidamanu ligali keleetaa lidiviza” lia mu muporofeti Danieli yavoola nasingiyi Havundu Hatakatifu, hene yaho osomanga amanye.

Likunula 13:1

Ndaalora iking'ang'a nikizaa kutura munyanza. King'ang'a yicho chaali ni zinziga likomi; kandi imitwi saba. Ku vuli lwiga lwayo, kwaali ni itaji, kandi ku vuli umutwi gwayo, kwaali ni lieta lio konyega Nyasaye.

Likunula 13:18

Yaaha niho ahenyekaa have no vogeri. Oveeye ni limanya anyala kokora livaliza lie kivuni chi inamba yi king'ang'a kigira inamba zana isingiraa mu ovogono vwi lieta liu mundu. Inamba yeyo ni 666.

Likunula 17:18

“Umukali wa walola aveeye lidaala linene zana, iliamiiha avami vi lirova.”

Likunula 17:3

Kunangwa ndizulwa na Roho kandi engelosi yang'inga niyambira mu changalangwi. Ndaalora mukali niyikaye ku king'ang'a ichakanyu. King'ang'a yicho chaali chizuuyi amita go konyega Nyasaye, agang'odwa ku muviri gwacho gwosi. Iking'ang'a zana chaali ni mitwi saba kandi ni zinziga likomi.

Likunula 17:7

Navuzwa engelosi yandeva, “Kigira ki ogenyaa? Inzi ndaamutivulira kivuni cha gimbisu yu mukali uyu kandi agi king'ang'a kimugingi yiki keveeye ni mitwi saba, kandi zinziga likomi.