Likunula 17:12 - KITABU KITAKATIFU

¹² “Zinziga likomi zia walola ziveeye avami likomi, avakikiri konyoora zinguru ziu kutanga iliamiiha, navuzwa avaazaa vahevwe uvunyali kwamiiha kuli avami, ku ing'inga yi isa ndala harara ni king'ang'a.

Likunula 17:12 ပူးပေါင်းရင်းမြစ်များ

Danyeli 7:20

Ndeenya kandi kumanya kigira zinziga likomi ku mutwi nu lwiga lwamera lwinyima nu kutuura zinziga zindi zivaga. Lwali ni zimoni kandi munwa gwu kwidaya no kwevoora. Chaali king'ang'a chu kutihiza kuvita ving'ang'a vindi.

Danyeli 7:24

Zinziga likomi na vami likomi valiamiiha mu vwamihi yivu. Maku mwami wundi alakaze; alakave lugano kutura ku vami vo kutanga kandi alakaguuti avami vavaga.

Likunula 10:11

Kunangwa ndavoolerwa, “Gakuduukiraa wilwaze amakuva ga Nyasaye ku avandu avanyingi, ku zihiiri zinyingi, ku zinimi zinyingi, kandi ku avami.”

Likunula 12:3

Kelolekizu kindi chokogenyia chaloreka mwigulu. Henza, gwaali ho ogoyoka gonene gwakanyu, ni mitwi saba kandi ni zinziga likomi; ku mitwi jagwo gwaali ni zitaji kandi zisuywa saba.

Likunula 13:1

Ndaalora iking'ang'a nikizaa kutura munyanza. King'ang'a yicho chaali ni zinziga likomi; kandi imitwi saba. Ku vuli lwiga lwayo, kwaali ni itaji, kandi ku vuli umutwi gwayo, kwaali ni lieta lio konyega Nyasaye.

Likunula 17:16

Izinziga likomi zia walola, kandi iking'ang'a valadunyira umukali liraya. Valavugula kindu choosi cha aveeye nacho nu kumuleka chahonyo. Valalia inyama yu muviri gwigwe kandi valamusaamba nu kumudiviza ligali nu muliru.

Likunula 18:10

Vasingiyi ihale kigira vatiiyi kusanga mu uvusaliri vwalio. Vavoola, “O, vayaayi, vayaayi! Kivi keveeye ku lidaala linene lia Babiloni, Babiloni, lidaala lie zinguru! Kigira mu ing'inga onyooye mageri!”

Likunula 18:17

Mu isa ndala amali kogotiza vutugi vwosi. Avanene vosi vizimeri na aveelemaa mu meri vosi na vosi avanyoora limenya liavo kutura mu likiranyia munyanza, vasingira ihale.”

Likunula 18:19

Viyuhira uluguchi ku imitwi jaavo, ni vaahanzuka, nivalira nu kusioma, nivavoora, “O, Vayaayi! Vayaayi! Kivi keveeye ku lidaala linene! Liveeye lidaala linene lia vosi avaveeye ni izimeri ku zinyanza vanyoola vutugi kigira uvuhinda vwalio. Kandi mu isa ndala vuzwa limali kogotiza ivindu viosi.”