Likunula 16:7 - KITABU KITAKATIFU

⁷ Ndaahulira kandi umwoyo nigutura mu vwali nigovoora, “Ligali, O, Mwami Nyasaye Wuvunyali, amaduywa ga watuma gaveeye amalungi na giligali.”

Likunula 16:7 ပူးပေါင်းရင်းမြစ်များ

Isaya 6:6

Maku indala ku zingelosi yaaburuka kuuza ku inzi nigingi lianda liu muliru liayaali nivuguyi ni kigumiliru kutura ku vwali.

Ezekieli 10:2

Nyasaye yavolera mundu yaali ni yiviiki inguvu yuluvaala, “Uzie hagati ha magurudumu isi wa vakerubi ma uvuguli amanda gu muliru ugasalanyie mu lidaala linene.” Ndaalora mundu uyu nazizaa.

Ezekieli 10:7

Mulala ku vakerubi yavika mukono gwigwe mu muliru gwaali hagati haavo, navugura manda gu muliru, nagaviika mu makono gu mundu waali niyiviiki zinguvu ziu luvaala. Mundu uyu yavugula manda ma nazia.

Likunula 1:8

Yahova Nyasaye Wuvunyali avoora “Inzi mbeeye Alufa kandi Omega, wukutanga kandi wukumaliriza oveeyo, waaliho kandi uzaa.”

Likunula 13:10

Mundu wenyaa kugumirwa, alagumirwa. Mundu wenyaa kwitwa nikivavi kuduuka yitwi ni kivavi. Yili nililangwa liu kwikuzira kandi liu kusuuvira kolovega lwa vandu va Nyasaye.

Likunula 14:10

Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.

Likunula 14:18

Kandi engelosi yindi, eveeye nu vunyali ku muliru, yatura mu vwali. Yalanga, engelosi yaali nengonono, inzugi, nu mwoyo munene nemuvolera, “Vugula engonono yooyo inzugi ukalage muzabibu gwi lirova; kigira amazabibu gagwo geengi ligali.”

Likunula 19:2

Likalaga lilie liveeye lie ligali kandi lirungi! Ukalagiyi umukali liraya munene, uwaali naagotiza lirova no voheyi vwivwe; Nyasaye umali kumuha amageri kigira yita avatumikiri veve.”

Likunula 6:9

Maku Mwana wi Ligondi yaavoholora umuhuri gwakatano, ndaalora hasi hu vwali, imioyo ja yavo aviitwa ni kivavi kigira vilwaza likuva lia Nyasaye kandi kigira vaali avasuuvirifu mu lilolekiza liavo.