Likunula 16:21 - KITABU KITAKATIFU

²¹ Imbura ya amagina enene yakuba; vuli ligina liali nu uvulitu vwi zikilo 50 gagwira vandu kutura mwigulu, vaanyega Nyasaye, kigira amaduywa gi imbura ya amagina yeyo liduywa lie imbura ya amagina yilio liali lidamanu ni liu kutihiza ligali.

Likunula 16:21 ပူးပေါင်းရင်းမြစ်များ

Ayubu 38:22

“Wayingira ku mu zinyumba zia mavikiru gi likonza. Anoho walola ku mavikiru ga magina gi imbura?

Ayubu 38:23

Inzi ndaaviviika vietegekere ing'inga yu vudinyu vuduuka, kandi kigira ing'inga yu kukubana kandi yu kulwaana.

Kutwula 9:18

Mugamba ing'inga kuli yinu inzi ndakubiza imbura enene ya magina, ikikiri kuva ku ho mu Egebeti kali lidiku lindi kutura lilombwa lie kivala.

Kutwula 9:22

Maku Yahova yavolera Musa, “Ginga mukono gugwo mwigulu, kandi amagina gimbula galakuba, mukivala choosi cha Egebeti, ku vandu, ku mitugu kandi ku vitagwa ni misaala.”

Isaya 30:30

Avandu vosi valahulira mwoyo gwa Yahova gwilitiihiza kandi valahulira vululu vwu vutima vwivwe. Uvutima vwivwe vulava kuli olomemo lwu muliru gusambaa, kandi kuli liatuluruka lia malesi, imbura yamagina kandi imbura yizingulu.

Isaya 8:21

Avandu valagendagenda mu kivala, mu linyang'ana kandi ninzara. Mu inzara nu vutima vwavo, valalaama avami vaavo kandi Nyasaye wavo. Vanyara kohenza igulu mwigulu

Ezekieli 13:11

Ovoolere avaporofeti ndi amadigi ga vaporofeti yava gazizaa kugwa. Nangubizi imbura enene ya magina, kandi imbuza enene kuhunguza lidigi yili.

Ezekieli 13:13

Kalunu yaga nigo gu Yahova Wuvunyali avoora, “Mu vutima vwange, ndatuma imbuza yi kiihi kandi, imbura enene ya magina kudiviza lidigi.

Joshua 10:11

Lwa vandu va Amori vaali ni virukaa kutura ku liihi lia vandu va Isiraeli kuvitira ha kivitiru cha Bezi-horoni kuduuka Azeka, Yahova yakola magina manene gimbula kukuba kuvo kutura mwigulu. Avanyingi kuvo vaakuza ligali kuvita aviitwa nivivavi via vandu va Isiraeli.

Likunula 11:19

Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.

Likunula 16:11

Kigira uvusaliri, ni lizuunwa lie zingwagu ziavo, vaanyega Nyasaye wu mwigulu, navuzwa siviganira mba.

Likunula 16:9

Avandu vasaambwa ligali nu kuhaka. Vaanyega lieta lia Nyasaye oveeye ni izingulu ku amaduywa yaga. Navuzwa vasuura kwiganira no koleka vwoni vwavo, nu kuha Nyasaye ilizominywa.

Likunula 8:7

Engelosi yukutanga yakuba kisiriva chiche. Imbura ya amagina nu muliru vizuganyiywi mu na amasahi, viasunduka ku lirova. Kidieli kilala ku vivaga chi lirova chaahia, kandi kidieli kilala ku vivaga chi misaala chaahia, kandi uvulimu vwosi uvuvisi vwaahia.