Likunula 13:1 - KITABU KITAKATIFU

¹ Ndaalora iking'ang'a nikizaa kutura munyanza. King'ang'a yicho chaali ni zinziga likomi; kandi imitwi saba. Ku vuli lwiga lwayo, kwaali ni itaji, kandi ku vuli umutwi gwayo, kwaali ni lieta lio konyega Nyasaye.

Likunula 13:1 ပူးပေါင်းရင်းမြစ်များ

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Danyeli 2:41

kandi walola zinduvatiru ni vino viveeye halovega kivia kandi halovega madohi. Yaga ni kovora ndi vwamihi vulakavukane. Vulakave ni zinguru zie kivia kigira haveeye ho ni kivia kizuganyiywi na madohi.

Likunula 11:7

Lwa vamala lilwaza liavo, king'ang'a kitulaa mugehena kilavalwaana, nu kuvaguuta, kandi kuviita.

Likunula 12:3

Kelolekizu kindi chokogenyia chaloreka mwigulu. Henza, gwaali ho ogoyoka gonene gwakanyu, ni mitwi saba kandi ni zinziga likomi; ku mitwi jagwo gwaali ni zitaji kandi zisuywa saba.

Likunula 13:11

Ndaalora kandi iking'ang'a kindi nikizaa kutura mu lirova. King'ang'a zana chaali ni zinziga ziviri kuli zie kememe chi ligondi, kandi chamoloma kuli enzoka.

Likunula 13:14

Chagaada avandu vosi avamenyaa mu lirova kuvitira ku vilolekizu viachavugilirwa kokora imbiri wi king'ang'a chu kutanga. Iking'ang'a yicho chavoolera avandu vakelombere ikifananyi kuhaana luyali ku king'ang'a chaali ni zimbala zie kivavi iziali zinyala kuchita navuzwa si chaakuza mba.

Likunula 13:15

Nyasaye yaakivugilira kuviika umwika gwi livamwoyo mu kifananyi chi king'ang'a chu kutanga kuduuka kemolome, nu kwita yavo vosi avatasigamiraa kifananyi chi king'ang'a yiki.

Likunula 15:2

Ndaalora kandi kindu chaali kuli inyanza yi gilasi enengeru, izuganyiwi mu muliru. Ndaalora kandi avandu yavo avaguuta king'ang'a yicho ni kifananyi chacho, kandi oyo wi lieta lilie ni livaliza lisingira mu vogono vwalio ninamba. Avandu yavo vaali nivasingiyi kundulu kwinyanza yi gilasi enengeru yeyo nivaveeye nu vukana vwa Nyasaye yavaha.

Likunula 16:13

Ndaalora kandi roho jivaga midamanu ijifaanaa amakere nijitula mu munwa mwo ogoyoka, nu mwi king'ang'a kandi mwo umuporofeti wo ovovehi.

Likunula 17:16

Izinziga likomi zia walola, kandi iking'ang'a valadunyira umukali liraya. Valavugula kindu choosi cha aveeye nacho nu kumuleka chahonyo. Valalia inyama yu muviri gwigwe kandi valamusaamba nu kumudiviza ligali nu muliru.

Likunula 17:3

Kunangwa ndizulwa na Roho kandi engelosi yang'inga niyambira mu changalangwi. Ndaalora mukali niyikaye ku king'ang'a ichakanyu. King'ang'a yicho chaali chizuuyi amita go konyega Nyasaye, agang'odwa ku muviri gwacho gwosi. Iking'ang'a zana chaali ni mitwi saba kandi ni zinziga likomi.

Likunula 17:5

Mu uvweni vwivwe: yaali ni lieta ling'odeywi lie kivuni chalio chaviswa, “Babiloni enene mama Munene wa malaya goosi kandi mama wu vuvihilirizi vwi lirova.”

Likunula 19:19

Maku ndaalora kandi iking'ang'a, avami vi lirova na amahi gaavo, ni vavugani harara kulwaana iliihi na uyu uwikaye ku ibarasi, kandi ku amahi geege.