Likunula 11:10 - KITABU KITAKATIFU

¹⁰ Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.

Likunula 11:10 ပူးပေါင်းရင်းမြစ်များ

1 Avami 18:17

Lwa Ahabu yamulola, yavoola, “Ng'ani oveeye hano! Mudambizi munene kuvita vosi mu Isiraeli!”

1 Avami 21:20

Lwa Ahabu yalora Elija, yavoola, “Unyooye kandi, O, musigu wange?” Elija yativura navoora, “Yee, mali kokonyoola. Ivi wihaani mwene kokora agaveeye madamanu mu zimoni zia Yahova.

1 Avami 22:18

Mwami Ahabu yavolera Jehoshafati, “Singovoleye ndi siaporofetaa ku kindu kilahi ku inzi mba, navuzwa uvudamanu vweng'ine?”

1 Avami 22:8

Mwami Ahabu yativura navoora, “Akikiri ho musaza mulala wa kunyala koteeva likuva lia Yahova, Mikaya muyaayi wa Imula. Navuzwa ndamuvihilira ligali, kigira siaporofetaa ku kindu kilahi ku inzi mba; nitali vudamanu vwere.” Jehoshafati yavoola, “Utavoola ndio mba!”

Zaburi 13:4

Utaleka avasigu vange vavoole, “Kumali kumuguuta.” Utaleka vasangaliri liigwa liange mba.

Zaburi 35:19

Utaleka avasigu valulu vange kusangalira liguutwa liange mba. Utaleka yavo avandunyira vugira kivuni vaangunukiri kigira liverera liange mba.

Zaburi 89:42

Umali kuhaana liguuta ku avasigu veve, kandi umali kuvakola vosi kuva nu vusangali.

Tsing'ano 24:17

Utayaanzilira lwu musigu woovo anyoora kivi mba kandi utasangala lwa yikigatiraa mba.

Jeremia 38:4

Maku vatumikiri vazia ku mwami ni vamuvolera, “Mundu uyu gaduukanaa yiitwi. Limoloma makuva kuli yaga liloomba avasikari mu lidaala kohenda mwoyo, kandi avoora makuva malala mere ku avandu vosi avatigara mu lidaala yili. Siagelizaa kokonya avandu mba, navuzwa agelizanga kuvasaliriza.”

Jeremia 50:11

Yahova avoora, “Avandu va Babiloni, munyi mwalanya kivala change. Munyi muveeye nuvuyanzi kandi nuvusangali, muzizaa yiyi na yiyi kuli eng'ombe esenasena vuswage anoho kuli muliviti gwi zibarasi,

Obadia 1:12

Ng'ano mwavura kohenzerera avamwavo vinyu lwa vaali mu kivi Ivuyuda. Ng'ano mwavura kusangalira lidiku lia vadivizwa: ng'ano mwavura koseka lwa vaali mu vusaliri.

Mika 7:8

Mutasangalira kivi change, O, muinyi avasigu viitu lwakugwa, kulavuuka kandi. Kali ninzikala mu kisundi, Yahova alava uvulavu vwange.

Matayo 10:22

Na avandu vosi valamudunyira kigira lieta linage. Navuzwa mundu uliekuzira kuduuka ku keheri, alakahonywi.

Yohana 16:20

Agiligali muvooleraa, munyi mulalira nu kusioma, navuzwa avumukivala valasangala; mulaverera, navuzwa ovovereri vwinyu vulagirung'ana kuva uvusangari.

Yohana 7:7

Avandu vu mu kivala sivanyala kuva ni kivuni chu kusuura nu kudunyira munyi mba, navuzwa vandunyiraa kigira mbavooleraa havulavu ndi miyinzi jaavo ni midamanu.

Vikolwa 5:33

Lwa avandu vosi avaari mu kiyaalo vahulira yaga, vavihilirwa ligali kali nivenya viiti vatumwa.

1 Vakorintho 13:6

Uvuyanzi sivusangaliraa vudamanu mba, navuzwa vusangaliraa agiligali.

Likunula 12:13

Lwo ogoyoka zana gwalola ndi gwaguluywi ku lirova, gwatanga kolondelera nu kuhigira mukali uwaali niyiivuuyi umwana muyaayi.

Likunula 13:14

Chagaada avandu vosi avamenyaa mu lirova kuvitira ku vilolekizu viachavugilirwa kokora imbiri wi king'ang'a chu kutanga. Iking'ang'a yicho chavoolera avandu vakelombere ikifananyi kuhaana luyali ku king'ang'a chaali ni zimbala zie kivavi iziali zinyala kuchita navuzwa si chaakuza mba.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 16:10

Engelosi ya katano yasundula ichaali ku bakuli yaho kondeve yu uvwami vwi king'ang'a. Kisundi chakunika uvwami vwivwe na avandu viluma zinimi ziavo kigira uvusaliri.

Likunula 3:10

Kigira walinda lilaga liange nuwikuzira ndakulinda mu ing'inga yo kogerizwa yiza ku lirova liosi kogeriza yavo avamenyaa mulio.