Likunula 10:6 - KITABU KITAKATIFU

⁶ Yisuha ku Nyasaye oveeye mwoyo mihiga ni mihiga, uwalomba ligulu ni lirova ninyanza ni vindu viosi viveeye mu. Engelosi oyo yavoola, “Lilindagira sililava ho kandi mba!

Likunula 10:6 ပူးပေါင်းရင်းမြစ်များ

Litanga 14:22

Aburamu yativulira mwami wa Sodoma ndi, “Inzi nzisuha ku Yahova, Nyasaye oveeye igulu ligali, mulombi wiligulu nilirova,

Kutwula 20:11

Ku madiku sita Inzi, Yahova, ndalomba lirova, ni ligulu, zinyanza, kandi vindu viosi viveeye mulio, navuzwa kulidiku lia saba ndaasosa. Yiki nicho chagira inzi, Yahova, ningaasiza lisabato nindikola litakatifu.

Kutwula 6:8

Ndamuleeta mu kivala cha ndasuuviriza ku chisuuhu kuha Aburahamu, Isaka, na Yakobo; kandi muliesuuha ndakihaana ku munyi kuli miandu jinyu aveene. Inzi mbeeye Yahova.’ ”

Ezekieli 20:5

Uvavoolere aga Inzi mboraa. Lwa ndaatovora vandu va Isiraeli, ndaalomba lilagana liange navo. Inzi mwene ndivuura kuvo mu Egebeti kandi nimbavolera: Inzi mbeeye Yahova Nyasaye wavo.

Danyeli 12:7

Engelosi uwaali niyiviiki inguvu yikatani yaginga makono gombi mwigulu kandi nilomba lilagana mulieta lia Nyasaye omenya mihiga ni mihiga. Ndaahulira navoora, “Gilakave mihiga givaga ninusu. Lwi lidambizwa lia vandu va Nyasaye liliduuka ku keheri, vindu yivi vilakave ni vie kooleki.”

Livalidza 14:30

Ndaamulaga komenya mucho, navuzwa siaveeyeho kali mulala ulimenya mucho nitali Kalebu muyaayi wa Jefune na Joshua muyaayi wa Nuni.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.

Likunula 12:12

Kunangwa musangare, munyi vilombe viosi vimenya mwigulu. O, vayaye, ikivi nu uvusaliri viveeye ku lirova nu kunyanza! Kigira, lidemoni umali kuuza ku munyi; aveeye nu uvutima vonene kigira umanyi aveeye ni ing'inga engekeeke vuzwa.”

Likunula 16:17

Engelosi ya saba yasundula ichaali mu bakuli yacho ku zimbuza. Mwoyo umunene gwa Nyasaye gwatura mu Litembeli, nigovoora, “Keheri kimali kuduuka!”

Likunula 21:6

Yambolera, “Gakoleywi! Inzi mbeeye Alufa na Omega, Litanga ne Keheri. Inzi ndaha uyu oveeye nuvuluhu ikisinukiruchaamazi gi livamwoyo, anwi vugira imituungu.

Likunula 4:10

Avakulundu sirini na ine yavo avagwizaa mamumama imbiri wa uyu wikala kondeve yu uvwami, kandi vasigamira uyu oveeye mwoyo mihiga ni mihiga. Vaviika izitaji ziavo hasi imbiri wendeve yu uvwami, ni vavoola,

Likunula 4:11

“Mwami oveeye Nyasaye wiitu! Ivi uduukani konyoora uvukumi, luyali, ni izingulu. Kigira ivi walomba ivindu viosi kandi kigira uvulariri vuvwo, vialombwa, kandi viahevwa ilimenya nu uvulamu.”

Likunula 4:9

Vuli ing'inga, ivilombe vine viveeye mwoyo zana yivio viambaa zinyimbu ziu kuhaana uvukumi, luyali ni lisandiza ku uyu uwikala ku Endeve yu vwami; omenya mihiga ni mihiga.

Likunula 6:11

Navo vahevwa vuli mulala inguvu yi ganza indavu kandi ni vavolerwa vasoose hakekeke kuduuka livaliza lia Vakrisitayo vache na avamwavo vaavo avenyekanaa viitwi iduuka, kuli yavo viitwa.