Kyavalevi 8:35 - KITABU KITAKATIFU

³⁵ Kuduuka mumenye ha vwingiliru vwi Lihema liukuvuganira mu na Yahova mbasu nu vudiku ku madiku saba, na mukore ga Yahova amali kulaga. Ni mutakola ndio, mulakuza. Yaga nigo ga Yahova amali kundaga.”

Kyavalevi 8:35 ပူးပေါင်းရင်းမြစ်များ

1 Avami 2:3

na okole icha Yahova Nyasaye woovo akulagaa okole. Uhuliri malago geege goosi, ni miima jije, nilikalaga lilie liosi, kuli gang'odwa mu Lilaga lia Musa; kunangwa hoosi ha uzia uduuki kugasizwa mu viosi via okola.

Kutwula 29:35

“Okole miruka ju kutakasa Haruni na vayaayi veve ku madiku saba kuli mali kukulaga.

Ezekieli 43:25

Vuli lidiku ku madiku saba ulahaana imburi, igiriki kandi ligondi limigu kuva kuli visiuviliru viu vwoni. Viosi vive vugira imbara.

Ezekieli 48:11

Kidieli yiki na keve cha vasaalisi vatakaswa, avaveeye visukululwi va Zadoku: Yava vandumikira nu vusuuvirifu kandi si vahambana na vandu va Isiraeli mu likora uvudamanu, kuli avandu vi ihiiri ya Levi vaakora.

Kyavalevi 10:1

Avayaayi va Haruni, Nadabu na Abihu, sa mulala yavugula, kituva chiche, naviika mu amanda gumuliru, nameeda ku kimuli, ma nivahaana muliru gutaveeye mutakatifu imbiri wa Yahova, kigira Yahova siyaali naavalagi vaguhaane mba.

Kyavalevi 14:8

Oyo wenyaa kutakaswa kutura ku vulwaye alafuuya zinguvu zizie, avege liisu lilie liosi, kandi yisingi na mazi. Alava mulahi kolondekana ni miima. Inyima wa yaga, anyala kwingira mu hokososa, navuzwa alamenya ichova wi lihema ku madiku saba.

Kyavalevi 8:30

Musa yavugula malala ku maguta gukutakasa kandi ku masahi kutura ku uvwali naaguha ku Haruni nokuzinguvu zizie kandi ku vayaayi veve nokuzinguvu ziavo. Munzira yiyi, yatakasa Haruni harara na vayaayi veve kandi ni zinguvu ziavo.

Kyavalevi 8:34

Yahova yakulaga kokole ga kumali kolola kalunu, kunangwa kuduuki kutulizaho uvwoni vwinyu.

Kyavalevi 8:36

Kunangwa Haruni harara na vayaayi veve vaakora vuli kindu choosi cha Yahova yalaga kuvitira mu Musa.

Livalidza 19:12

Gaduukiraa mundu uyu yitakase na mazi gu kwitakasa ku lidiku lia kavaga no kulidiku lia saba maku alava mugasu. Navuzwa natitakasi ku madiku goosi, lia kavaga ne lia saba, sialava mugasu mba.

Livalidza 3:7

Valakole miyinzi ji Lihema liange kandi nokokolera avasaalisi miyinzi navandu vosi imbiri wi lihema liu kuvuganiramu.

Livalidza 9:19

Kali niiva malesi gakunikaa Lihema ku ing'inga indambi, avandu va Isiraeli vatizaa amalago ga Yahova ma vavura kwisunda havundu handi.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Kwidzulitsa 11:1

“Muyanze Yahova Nyasaye winyu, kandi mulonde malago geege goosi kazozo.

Vahebraina 7:28

Lilaga lia Musa litovolaa avandu vataveeye vadukanu kuva avasaalisi vanene; navuzwa lisuuvirizwa lia Nyasaye lia yakola kuliesuuha, liaza inyima wi Lilaga, limali kotovola Mwana, umali kokolwa muduukiru mihiga ni mihiga.