Kyavalevi 8:14 - KITABU KITAKATIFU

¹⁴ Maku Musa yaleeta kemoli kigiriki kuva kihanwa chu uvwoni; Haruni harara na vayaayi veve vaviika makono gaavo ku mutwi gwi kihanwa chu uvwoni.

Kyavalevi 8:14 ပူးပေါင်းရင်းမြစ်များ

Zaburi 66:15

Ndahaana amagondi gasambwa ku vwali vuvwo, ndahaana visiuviliru vie zigiriki kandi zimburi, na umwochi gulavuuya kuduuka mu malesi.

Isaya 53:10

Yahova avoora, “Vwali uvulariri vwange ndi aduuki kusalirizwa; likuza lilie liali kisiuviriru cho koleta uvusamiihi. Nandio alalola visukululwi vivie, alava ni livamwoyo lie mihiga ni mihiga, kandi kuvitira muye uvusaaviri vwange vuladukizwa.

Ezekieli 43:19

Avasaalisi vi ihiiri ya Levi, avaari visukululwi via Zadoku, yavo nivo veng'ine ava Inzi mbugilira vaze imbiri wange nukundumikira. Inzi Yahova Wuvunyali mali kulaga yaga. Ulavaha igiriki vahane kuli kisiuviriru chu vwoni.

Ezekieli 43:20

Uvuguli masahi gayo na uviiki ku zitiru zine ziu muzikona ziu vwali, kandi mu zikona ziukundulu kwu vwali, kandi ku vwikudumbu vwavwo. Mu likora ndio, ulanihiza uvwali nukuvutakasa.

Ezekieli 44:27

kunangwa yingiri mu mugizi gwu mugati gwi Litembeli nu kuhaana visiuviliru ku lietakasa liu vwoni vwivwe. Niyakakola ndio, anyala kutumika mu Litembeli kandi. Inzi Yahova mali kovora.

Kyavalevi 1:4

Mundu uhaanaa kihanwa zana, alaviika mukono gwigwe mulungi ku mutwi gwacho nacho kilavugilirwa kuli kisiuviriru chu kusamiiha vwoni vwivwe.

Kyavalevi 16:21

Alaviika makono geege gombi ku mutwi gwi imburi eveeye mwoyo nokwiyamira kuyo vwoni vwosi, kandi uvwibaali vwosi vwa avandu va Isiraeli, na alavuvika ku mutwi gwi imburi yeyo. Maku imburi zana ilakungwa izie mwigendanyama nu mundu uva natovoleywe kokora muyinzi yigwo.

Kyavalevi 16:6

Haruni alahaana igiriki kuli kihanwa chukwogiza uvwoni vwivwe mwene nu uvwoni vwa avandu vie inyumba yeeye.

Kyavalevi 4:15

Aviimiliri va vandu va isiraeli valaviika makono gaavo ku mutwi gwekemoli kigiriki, na kilasinzirwa hene yaho,

Kyavalevi 8:2

“Hila Haruni harara na vayaayi veve ha vwingiliru vwi Lihema liu kuvuganira mu na Yahova, na uvaleetaneri zinguvu ziavo ziu vusaalisi, amaguta gu kwivaka, kemoli kigiriki chi kihanwa chu uvwoni, magondi mamigu gaviri, ni kihinda chuvuchima vutaveeye mu namamera.

Livalidza 8:12

Maku ihiiri ya vandu va Levi valaviika makono gaavo ku mitwi ji zigiriki ziviri; na ivi ulavugula igiriki indala uhaane eve kuli kihanwa chu vwoni; niyindi uhaane eve kuli kihanwa chu kusambwa. Nandio, ulakola muluka gwu kutakasa uvwoni vwi ihiiri ya vandu va Levi.

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,