Kyavalevi 7:31 - KITABU KITAKATIFU

³¹ Musaalisi alasambira itinya ku uvwali, navuzwa kididimu kilava cha avasaalisi.

Kyavalevi 7:31 ပူးပေါင်းရင်းမြစ်များ

Kutwula 29:26

“Uvuguli ikididimo chi ligondi yili ukiviiki halovega kigira inzi kuva ikihaanwa lehagimwa. Ekedonye yiki kilava ichicho.

Kyavalevi 3:11

Musaalisi uva nakora muyinzi yigu, alavisaamba viosi ku uvwali, kuli kihanwa chi chukulia kihaanwaa chu muliru ku Yahova.

Kyavalevi 3:16

Musaalisi alavisaamba viosi ku uvwali kuli kihanwa chi chukulia, chu kuyanziza Yahova. Itinya yoosi eveeye ya Yahova.

Kyavalevi 3:5

Avasaalisi valasaamba yivi viosi ku uvwali harara ni Vihaanwa viu kusambwa. Lifunya mwayu gwi kihanwa chi chukulia yiki liveeye liu kuyanziza ku Yahova.

Kyavalevi 5:13

Musaalisi alahaana kisiuviriru chu uvwoni vwu mundu oyo yakola, kandi alasaamifwa. Uvusie vutigaye vwosi vulava vwu musaalisi, kuli gaveeye vuzwa mu ing'inga yu kuhaana vihaanwa viu vuswage.

Kyavalevi 6:16

Haruni harara na vana veve valalia vutigaye, navuzwa vulaliilwa havundu hatakatifu vugira kuzuganyia mu mamera hamugizi hi Lihema.

Kyavalevi 6:26

Musaalisi uhaanaa kisiuviriru yiki kigira uvwoni, alakilira havundu hatakatifu hu mugizi gwi Lihema liu kwaganira mu na Yahova.

Kyavalevi 7:34

Kididimu keveeye kihanwa kidukiru kandi kinama kilungi chi inyama keveeye kihanwa kidukiru. Cha Yahova avuguyi kutura ku avandu va Isiraeli nukuhaana ku avasaalisi. Yiki nicho cha avandu va Isiraeli vaduukana vahane ku avasaalisi zinyinga ziosi.

Kyavalevi 8:29

Musa yavugula inyama yi indasi nagihaana kuva kihanwa kidukiru ku Yahova: yiki chaali kedonye chi ligondi ichatakaswa, ichaduukana kuva cha Musa. Musa yakola vuli kindu kuli Yahova yaali naamulagi.

Livalidza 18:11

“Komeeda ku yivi, vindu viosi viatakaswa via vandu va Isiraeli valeta kuinzi vilava vienyu. Mbihaana kuivi, avayaayi vovo kandi avakaana vovo mu ing'inga yoosi yiza. Mundu woosi winyumba yooyo oveeye mutakase anyala kuvilia.

Livalidza 18:18

Inyama kutura kuvio ni yooyo kuli loveere kandi kinama chinyima chu mukono mulungi che kihanwa chu lugano lwa cho.

1 Vakorintho 9:13

Suuviraa mwamanya ndi vandu vayinziraa mu Litembeli vanyoola viukulia viavo kutura mu Litembeli; Kandi yavo avatumikaa kuhaana visiuviliru ku vwali vanyoola kidieli chavo kutura ku visiuviliru zana.

Kwidzulitsa 18:3

“Yiki kilava kidieli cha Avasaalisi kutura ku avandu avahaana vihaanwa niiva ni igiriki anoho ligondi, musaalisi alahevwa kinama chimbiri, ni zisaya ziombi, ni kifu.