Kyavalevi 6:11 - KITABU KITAKATIFU

¹¹ Ahene yaho alatuliza zinguvu zizie nukwivika zinguvu zindi, kandi alagiinga ligoke nukulihila ichova wa hokososa havundu haveeye halahi kolondekana nu muruka gwi idini.

Kyavalevi 6:11 ပူးပေါင်းရင်းမြစ်များ

Kutwula 29:37

Okole ageene yaga ku madiku saba. Maku uvwali vulava uvutakatifu ligali, ni ikindu choosi ikidiira ku vwali yivu kilava kitakatifu.

Ezekieli 44:19

Nivakikiri kutura ichova mu mugizi gwi chova, wa vandu vaveeye, kuduuka vatulizi zinguvu ziavo ziu vutumiki mu Litembeli nu kuziviika mu ving'oze vitakatifu. Valivika zinguvu zindi kunangwa zinguvu ziavo zindakatifu zivuli kusaliriza vandu.

Kyavalevi 16:27

Igiriki ni imburi, viatumikirwa kigira kihanwa chu uvwoni, via masahi gavio galeetwa havundu Hatakatifu ligali kutuliza ho uvwoni, vilahirwa chova wa hokososa nu kusambwa. Kesero, inyama na mala vilasambwa.

Kyavalevi 24:9

Migadi jiveeye ja Haruni ni visukululwi vivie, kandi valajilila havundu ahatakatifu, kigira yiki keveeye kedonye kitakatifu ligali chi chukulia chahaanwa ku Inzi Yahova kigira avasaalisi.”

Kyavalevi 4:12

agaveeye kovora, yoosi itigalaa. Alagiginga nukuhila chova wa hokososa haveeye halahi hokokolera miruka; ahiligoke lisundulwa, hene yaho, ulagisambira ho ku muliru gwi zingu.

Kyavalevi 4:21

Maku alahila vidonye vitigaye vie igiriki zana ichova wa hokososa na avisambiri yo, kuli asambaa igiriki ihaanwa kigira uvwoni vwivwe mwene. Yiki ni kisiuviriru chu kwogiza uvwoni vwa avandu.

Kyavalevi 6:10

Ahene yaho Musaalisi aliviika iganza yeeye yikatani kandi suruhali yeeye yikatani. Alavugula ligoke lizugani zitinya, litigalaa ku uvwali na alaliviika halovega lwu uvwali.

Kyavalevi 6:12

Muliru goveeye ku uvwali kuduukanaa guzizagiliri kwaduka vugira kusima. Musaalisi alameda zingu ku uvwali vuli mugambazuri, Alalohiza ku kihanwa chukusambwa vulahi na alasambira ku zitinya zie kihanwa chi mirembe.

Kyavalevi 6:20

kolondekana nu uvasaalisi vinyumba ya Haruni. Ku lidiku liu musaalisi aviikilwa ku makono, alahaana kihanwa ku Yahova kilo ndala yu vusie vunyuki eveeye kegero kilala chere ku kihanwa chu vuswage cha vuli lidiku, inusu yavwo ihaanwa ha mugamba na inusu yindi hamugorova.

Kyavalevi 6:22

Mundu woosi, waviikwa ku makono kuli Musaalisi Munene mu vogono vwa Haruni, alahaana kihanwa yiki ku Yahova mihiga ni mihiga. Vulasambwa kuli visiuviliru ku Yahova.

Kyavalevi 7:6

Musaza woosi kutura muzinyumba zia avasaalisi anyala kulia ku, navuzwa kuduuka kilivirwi havundu hatakatifu. Kigira keveeye kitakatifu ligali.