Kyavalevi 5:17 - KITABU KITAKATIFU

¹⁷ Niiva mundu woosi alakola uvwoni nukuvunaga lilala ku malago ga Yahova yalaga vugira kusaavira, aveeye nilihiolo, na kuduuka ahaane mutungu gwu kuvunanyia lilago.

Kyavalevi 5:17 ပူးပေါင်းရင်းမြစ်များ

Zaburi 19:12

Si haali numulala unyala kolola mahiolo geege umwene; O, Yahova Ombonyie, kutura mu mahiolo giivisi!

Kyavalevi 4:13

Niiva navandu vosi va Isiraeli vaakora vwoni, nukugwa avahioli ku livunanyia lilala ku malago ga Yahova yavaha vugira kusaavira;

Kyavalevi 4:22

Niiva mwamihi akolaa uvwoni ma anyoleke uvunanyi lilala ku malago ga Yahova yalaga vugira kusaavira,

Kyavalevi 4:27

Niiva ni mulala ku avandu vandi vosi ukola uvwoni na aduuki kuhiola ku livunanyia lilala ku malago ga Yahova yalaga vugira kusaavira,

Kyavalevi 5:15

Niiva mundu woosi alakola uvwoni vugira kumanya ku livula kutunga vindu viveeye vitakatifu ku Yahova, alatungaa kihanwa chi ligondi likore anoho imburi ekore itaveeye nimbara. Vuguli vwayo vulamanyikana kolondekana nu vuguli vwavugilirwa.

Kyavalevi 5:18

Gamuduukira aleete ku musaalisi ligondi limigu anoho imburi vugira imbara. Gaduukanaa vuguli vwayo vumanyekane kolondekana na malago gaviikwaho. Musaalisi alamulombera kisiuviriru chukwogiza uvwoni vwivwe vwa yakola natamanyi na alasaamifwa.

Kyavalevi 5:19

Yiki keveeye kihanwa chu kutuunga vwoni vwa yakolera Yahova.

Luka 12:48

Navuzwa uyu uwavula kumanya aga yenyeka akole, ma akola agadukanaa lihevwa amageri, alakuywa hakekeke. Ku vosi uwahevwa vinyingi, alateevwa kuhaana vinyingi ligali. Na ku vosi uwa avandu vaheza kulinda vinyingi, kandi ndio alateevwa kuhaana vinyingi.

Varumi 14:23

Navuzwa umundu uhayahayiza ku chukulia cha alizaa, Nyasaye amukalagiraa lwa ava nalizaa ichukulia zana, kigira likora lilie sililondekanaa ni lisuuvira mba. Niiva kokora kindu ku choosi ikitalondekanaa ni lisuuvira, keveeye uvwoni.