Kyavalevi 4:20 - KITABU KITAKATIFU

²⁰ Musaalisi munene oyo alakola ku igiriki yiyi kuli akolaa ku igiriki yi kihanwa chu uvwoni. Munzira yiyi, musaalisi alahaana kisiuviriru chu vwoni vwavo, na avandu yavo valasamifwa.

Kyavalevi 4:20 ပူးပေါင်းရင်းမြစ်များ

Kutwula 32:30

Kunangwa lidiku lialondaku Musa yavolera avandu, “Mumali kokora uvwoni ovonene ligali. Navuzwa kalunu ndanigira kuzia mukigulu ku Yahova; mbula ndanyoora lisamiifwa kigira vwoni vwinyu.”

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Kyavalevi 1:4

Mundu uhaanaa kihanwa zana, alaviika mukono gwigwe mulungi ku mutwi gwacho nacho kilavugilirwa kuli kisiuviriru chu kusamiiha vwoni vwivwe.

Kyavalevi 12:8

Niiva mukali oyo sianyala konyoora kememe chi ligondi chumuhiga mulala, alaleeta makuulu matugi gaviri anoho makuulu gu muvulimu gaviri; lilala kuva kihanwa chiche chukusambwa, na lindi kuva kihanwa chiche chuvwoni. Na musaalisi alamulombera chukutulizaho uvwoni vwivwe, naye alatakaswa.

Kyavalevi 14:18

Alaviika maguta gatigaye ku kigalo chiche ku mutwi gwa oyo utakaswa. Munzira yiyi musaalisi alalombera mundu oyo muruka gu kusamiiha uvwoni imbiri wa Yahova.

Kyavalevi 15:15

Musaalisi alahaana lilala kugo kuli kihanwa chu uvwoni ni lindi kuli kihanwa chukusambwa. Munzira yiyi musaalisi alamulombera muruka gwukwogiza uvwoni vwivwe.

Kyavalevi 19:22

Musaalisi alatumikira ligondi yili kokora muruka gwu kutakasa uvwoni vwu musaza oyo, na Nyasaye alamusamiiha.

Kyavalevi 4:21

Maku alahila vidonye vitigaye vie igiriki zana ichova wa hokososa na avisambiri yo, kuli asambaa igiriki ihaanwa kigira uvwoni vwivwe mwene. Yiki ni kisiuviriru chu kwogiza uvwoni vwa avandu.

Kyavalevi 4:26

Maku, alasamba itinya yayo yoosi ku uvwali, kuli akolaa ku itinya yi kihanwa chi mirembe. Munzira yiyi, musaalisi alahaana kisiuviriru chu uvwoni vwu mwami naye alasaamifwa.

Kyavalevi 4:35

Maku alatuliza mu itinya yayo yoosi, itinya itulizwa mu ligondi lisinziywi kigira kihanwa chi mirembe. Musaalisi alagisaamba harara ni vihaanwa vie viukulia vihaanwa ku Yahova. Nandio musaalisi alahaana kisiuviriru chu uvwoni vwu mundu kandi naye alasaamifwa.

Kyavalevi 4:8

Musaalisi Munene oyo alatuliza itinya yoosi kutura ku kemoli kigiriki, eveeye ku vindu viosi viu munda,

Kyavalevi 5:10

Maku alahaana linyonyi lia kaviri kuli kihanwa chu kusambwa kolondekana na malago. Munzira yiyi, musaalisi alahaana kisiuviriru chukwogiza vwoni vwu mundu oyo, naye alasaamifwa.

Kyavalevi 5:13

Musaalisi alahaana kisiuviriru chu uvwoni vwu mundu oyo yakola, kandi alasaamifwa. Uvusie vutigaye vwosi vulava vwu musaalisi, kuli gaveeye vuzwa mu ing'inga yu kuhaana vihaanwa viu vuswage.

Kyavalevi 5:16

Kuduuka ahaane mitungu jayavula kuleeta ku Yahova kandi ameede kidieli cha sirini ku mia moja chi mitungu yijo. Alakihaana ku musaalisi umanya ahaane kuli kisiuviriru chu uvwoni vwu mundu oyo naye alasaamifwa.

Kyavalevi 5:18

Gamuduukira aleete ku musaalisi ligondi limigu anoho imburi vugira imbara. Gaduukanaa vuguli vwayo vumanyekane kolondekana na malago gaviikwaho. Musaalisi alamulombera kisiuviriru chukwogiza uvwoni vwivwe vwa yakola natamanyi na alasaamifwa.

Kyavalevi 5:6

kandi mutungu kigira uvwoni vwivwe vwa yakola, kuduuka aleete ku Yahova kememe kisuveni chi ligondi anoho imburi kuli kihanwa chu uvwoni. Musaalisi alahaana kisiuviriru zana yicho kwogiza uvwoni vwu mundu oyo.

Kyavalevi 6:7

Musaalisi alahaana ku Yahova kisiuviriru zana kigira uvwoni vwu mundu oyo kandi alasaamifwa.

Livalidza 15:25

Musaalisi alakola muluka gwu kukunika vwoni vwa vandu va Isiraeli. Valasamifwa, kigira gaali mahiolo ga vaakora vugira kumanya, kandi vamali koleta vihaanwa viavo viu vwoni, kandi vihaanwa viu kusambwa imbiri wa Yahova.

Livalidza 15:28

Musaalisi alakola muluka gwu kutakasa uvwoni vwu mundu uyu ku vwali, naye alasaamifwa.

Varumi 5:11

Si gaveeye yaga geng'ine, navuzwa kandi kusangara mu Nyasaye kuvitira mu Mwami wiitu Yeso Kristo, umali kukuhambanyia na Nyasaye.

Vagalatia 3:13

Kristo yakohonyia kutura mu kilaamo chi Lilaga lwa yagwa kilaamo kigira kunyi; kuli Mang'oda Matakatifu gavoora, “Mundu woosi usungwa ku musaala Nyasaye amulaami.”

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vahebraina 2:17

Kigira yaga, gamuduukira ave kuli avamwavo veve munzira yoosi, kunangwa aduuki kuva Musaalisi Munene wavo wi zimbavasi kandi wu vusuuvirifu mu vutumiki vwivwe ku Nyasaye, kunangwa aduuki kusamiiha avandu vwoni vwavo.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.

1 Yohana 2:2

Kandi Kristo mwene aveeye kisiuviriru chu vwoni vwitu; kandi siaveeye ku vwoni vwitu kwenyine mba, navuzwa kandi nuvwoni vwa vumukivala vosi.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege