Kyavalevi 3:17 - KITABU KITAKATIFU

¹⁷ Mundu wa Isiraeli woosi atalia ku itinya anoho masahi mba. Yili ni Lilago lia vandu va Isiraeli vosi vaduukana valindi madiku goosi havundu hoosi ha vava nivamenyi.

Kyavalevi 3:17 ပူးပေါင်းရင်းမြစ်များ

Litanga 9:4

Kindu kilala ichamutalia mba ni inyama eveeye mu na masahi. Inzi ngaya yaga kigira masahi gafananyiangwa ni livamwoyo.

2 Kyetsinyinga 29:35

Komeeda ku vihaanwa vinyingi ligali viu kusambwa, vialiho zitinya zie vihaanwa vie mirembe, kandi ni vihaanwa vie iwaini viazia harara ni vihaanwa viu kusambwa. Na ndio lisigamira lie Litembeli lia Yahova liatangizwa kandi.

Nehemia 8:10

Hene yaho Nehemia yavavolera, muzie yengo, mulombe lilia lilahi ligali kandi munwi iwaini indahi, na musange viukulia viavo na yavo avatali navio. Lidiku lia kalunu liveeye litakatifu ku Yahova wiitu; kandi mutaverera mba, kigira uvusangari vwa Yahova voveeye zinguru zienyu.”

Kutwula 27:21

Haruni na vayaayi veve valahambiza itaya mu Lihema liukuvuganira mu ichova winguvu yukukinga eveeye imbiri wi lisandugu lie lilagana. Ahene yaho, imbiri wange iladuuka kutura hamugorova kuduuka mugambazuri. Lilaga yili lilakolwa na avandu va Isiraeli nivisukululwi viavo mihiga ni mihiga.

Kutwula 28:43

Haruni na vayaayi veve kuduuka viviiki zisuruhali yizi kazozo lwa vazizaa mu Lihema liu kuvuganira mu, anoho lwa visunda ahimbi ku vwali kutumika kuli avasaalisi Havundu Hatakatifu, kunangwa vavuli kwitwa kigira kuva ni chahonyo. Yili liveeye lilago liukuhindira ku Haruni kandi visukululwi vivie.

Ezekieli 33:25

“Uvavoolere aga inzi, Yahova Wuvunyali mboraa: Munyi mulizaa inyama na masahi, musigamiraa ivifananyi, kandi mwita. Nikindiki kimukolaa nimuganagana ndi kivala keveeye chiinyu?

Ezekieli 44:15

Yahova Wuvunyali yavoola, “Avasaalisi vaveeye vi hiiri ya Levi kandi avaveeye visukululwi via Zadoku, vazizagilira kundumikira nu vusuuvirifu mu Litembeli lwa vandu vosi va Isiraeli vaagirung'ana kutura ku Inzi. Kulwayago, yava nivo avisunda ahimbi ninzi nu kundumikira kuhaana zitinya kandi masahi gi zinyama zie visiuviliru ku Inzi.

Ezekieli 44:7

Vamali kwonogonyia Litembeli liange, nokoleka avageni vataveeye avasuuvirifu, avandu vavura kutia kwingira mulio lwahaana vindu vinolu kandi amasahi gi visiuviliru ku inzi. Kunangwa avandu vange vamali kuvunaga lilagana liange mulikola vindu viosi viu kuvihiliriza.

Kyavalevi 10:15

Kinama chinyima chahaanwa ninyama yindasi kuduuka viletwe harara ni itinya yi vihaanwa vihaaniywi kumuliru ku Yahova kuli vihaanwa vie chukulia. Vilava vivio na avana vovo mihiga ni mihiga kuli Yahova yalaga.”

Kyavalevi 10:9

“Utanwa iwaini anoho choosi chukuhambikiza ivi na vayaayi vovo, lwa muva nimwingira mu Lihema mba, gase mulakuza. Lilaga yili lidukanaa lilondwe mihiga ni mihiga, ni visukululwi vivio viosi.

Kyavalevi 16:29

Yili lilava lilago lie mihiga ni mihiga ku munyi. Ku lidiku lie likomi liu mweli gwa Saba, avandu va Isiraeli vosi navageni vosi avamenyaa hagati haavo, kuduuka vahonge lilia kandi vatakola miyinzi josi mba.

Kyavalevi 16:34

Malago yaga galakolwa lulala vuli muhiga kutakasa avandu va Isiraeli kutura muvwoni vwavo vwosi. Kunangwa, Musa yakola kuli Yahova yamulaga.

Kyavalevi 17:7

Avandu va Isiraeli sivadukanaa vazizagiliri kuva vataveeye vasuuvirifu ku Yahova mba, ku lisinzira zinyama mu viguuti kuli vihaanwa nukuvihaana ku mademoni gi zimburi. Avandu va Isiraeli gavadukiraa valindi lilaga kuduuka ku makura gaaza.

Kyavalevi 19:26

“Mutalia inyama nikikirimu na masahi mba. Mutagerizi kokora vukumu vwu lugano lwosi mba.

Kyavalevi 23:14

Mutalia ku vuswage vuhia zana yivwo mba kali nivoveeye uvuvisi anoho uvukalangiywi kuva mugadi, kuduuka lwa mumala koleta kihanwa yiki ku Nyasaye winyu. Lilaga yili lilalondwa ni visukululwi vienyu viosi ku zing'inga ziza ziosi.

Kyavalevi 23:21

Ku lidiku yilio mutakoli miyinzi jinyu ja vuli lidiku kali mulala mba; navuzwa muvugane harara kigira lisigamira Yahova; Visukululwi vienyu vilalonda lilaga yili mihiga ni mihiga hoosi hamuva nivamenyi.

Kyavalevi 24:3

Vuli hamugorova, Haruni alazihambiza nukuzilomba ziake kuduuka vuchi imbiri Yahova ichova wi isuka yukukinga imbiri wi Lisandugu lie Lilagana, liveeye havundu ahatakatifu ligali. Lilaga yili lilalondwa muzing'inga ziosi izizaa ku visukululwi vienyu.

Kyavalevi 24:9

Migadi jiveeye ja Haruni ni visukululwi vivie, kandi valajilila havundu ahatakatifu, kigira yiki keveeye kedonye kitakatifu ligali chi chukulia chahaanwa ku Inzi Yahova kigira avasaalisi.”

Kyavalevi 3:16

Musaalisi alavisaamba viosi ku uvwali kuli kihanwa chi chukulia, chu kuyanziza Yahova. Itinya yoosi eveeye ya Yahova.

Kyavalevi 4:1

Yahova yalaga Musa,

Kyavalevi 6:15

Musaalisi alavugula luhi lulala lwu vusie vunyuki vwi kihaana, na maguta, kandi kimuli choosi keveeye ku kihanwa chuvuswage, alakisambira ku vwali kuli kidieli chukwizuliza ndi choosi kihaaniywi ku Yahova. Lifunya lie kihanwa yiki lilayaanziza Yahova.

Kyavalevi 6:18

Avasaza vosi, ku kisukururwi cha Haruni, vanyara kulia kuvuswage vusambiywi ku muliru yigu kigira Yahova kuli gaalagwa kumakula goosi mihiga ni mihiga. Mundu wundi woosi udiira ku kihanwa chi chukulia yiki, alasalirizwa.

Kyavalevi 6:22

Mundu woosi, waviikwa ku makono kuli Musaalisi Munene mu vogono vwa Haruni, alahaana kihanwa yiki ku Yahova mihiga ni mihiga. Vulasambwa kuli visiuviliru ku Yahova.

Kyavalevi 7:23

kigira avandu va Isiraeli. Itinya yizing'ombe, magondi, anoho zimburi italiivwa mba.

Kyavalevi 7:34

Kididimu keveeye kihanwa kidukiru kandi kinama kilungi chi inyama keveeye kihanwa kidukiru. Cha Yahova avuguyi kutura ku avandu va Isiraeli nukuhaana ku avasaalisi. Yiki nicho cha avandu va Isiraeli vaduukana vahane ku avasaalisi zinyinga ziosi.

Kyavalevi 7:36

Ku lidiku lia vavakwa maguta, Yahova yalaga avandu va Isiraeli vahane ku avasaalisi kuli kidieli chavo cha vuli kazozo mu visukululwi viavo viosi.

Livalidza 19:21

Gamuduukira mulindi malago mu zing'inga ziza. Mundu wuhaa mazi gu kwitakasa gamuduukira afuuyi zinguvu zizie, na uyu udiira ku mazi yaga alava mudamanu kuduuka ha mugolova.

Matayo 16:24

Hene yaho Yeso yavolera aviigi veve, “Mundu ku vosi ni yenya yanonde, gamudukira yigaye umwene, ma avuguli umusalaba gwigwe anonde.

Matayo 26:28

yaga na masahi gange, agaveeye umuhuri gwi lilagana lia Nyasaye, agasundurwa kigira ilisamiifa liu uvwoni vwa vanyingi.

Vikolwa 15:29

Mutalia viukulia vihaaniywi ku misambwa mba; mutanwa amasahi mba; mutalia inyama yu mutugu gumigiywi mba; na mwiyahuli ku voheyi. Mulava nimukoli vulahi niiva mulaleka kokora vindu yivi. Nyasaye amugasizi.”

Vafeso 1:7

Kuvitira mu masahi ga Kristo, kunyi konyooye livoholorwa, agaveeye kovora ndi, uvwoni vwitu vusamiihiywi. Nindio voveeye ovonene vwu vutugi vwi zimbavasi zia Nyasaye

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

Kwidzulitsa 12:16

Navuzwa mutatumikira masahi gazio kuli chukulia mba; kuduuka mugasundule ichova ku marova kuli amazi.

Kwidzulitsa 12:23

Mutalia inyama na masahi gakiri mu mba, kigira livamwoyo liveeye mu masahi; kandi mutalia livamwoyo harara ninyama mba.

Kwidzulitsa 12:24

Mutalia masahi yago mba. Mugasunduli ichova ku marova kuli amazi.

Kwidzulitsa 15:23

Navuzwa mutanwa amasahi mba, kuduuka mugasunduli ichova kuli amazi.

Kwidzulitsa 32:14

Yavaha isiagi, maguta namaveere kutura ku mitugu jaavo; zing'ombe ni zimburi ziavo ziahaana maveere manyingi. Vaali na magondi mamigu zimburi, nizing'ombe zindahi ligali kandi, viayo vie mitugu ja Bashani. Ingano indahi ligali kandi vanwa iwaini imbia.