Kyavalevi 3:1 - KITABU KITAKATIFU

¹ Lwu mundu woosi ahaanaa ku Yahova ndala ku zing'ombe zizie kuli kihanwa chi mirembe, gaduukanaa eve igiriki anoho erori itali nimbara.

Kyavalevi 3:1 ပူးပေါင်းရင်းမြစ်များ

1 Kyetsinyinga 21:26

Yumbakira Yahova vwali hene yaho kandi nahaanira ku vihaanwa viu kusambwa kandi vihaanwa vie mirembe. Yasaala, na Yahova yamutivulira natuma muliru kutura mwigulu ukusamba visiuviliru ku vwali.

Kutwula 20:24

Munombere uvwali vwamarova, na muhaaniri ku visiuviliru via amagondi ni zing'ombe kuva ivihaanwa viu kusambwa kandi kuli vihaanwa vie mirembe. Havundu hoosi hamutovolera kusigamira, ndaaza ku munyi nukumugaasiza.

Kutwula 24:5

Maku yatuma vasoleri ku avandu va Isiraeli, vasambiri Yahova visiuviliru vie zing'ombe kuva vihaanwa vie mirembe.

Kutwula 29:28

Yili lilaga liange litagirung'ana mba, lwa vandu vange vahaana kihanwa chimirembe, inyama yi kididiimo harara ni kinama viveeye via vasaalisi. Yiki ni kihanwa cha vandu ku inzi, Yahova.

Tsing'ano 7:14

“Mali kuhaana kihanwa change kalunu kandi mbeeye ninyama kutura ku visiuviliru.

Ezekieli 43:27

Lwa madiku yaga gamalilika, maku kutura ku lidiku lia munane, avasaalisi valahaana ku vwali vihaanwa viu kusambwa kandi vihaanwa vie mirembe. Maku inzi ndavavugilira. Inzi Yahova Wuvunyali mali kovora.”

Ezekieli 45:15

“Ligondi lilala lilahaanwa kutura ku vuli chayo cha magondi 200, munyumba ya Isiraeli. “Mulaleeta vihaanwa viu vuswage, vihaanwa viu kusambwa, kandi vihaanwa vie mirembe kunangwa muduuki kusamifwa uvwoni vwinyu. Inzi Mwami Munene Yahova mali kulaga yaga.

Kyavalevi 1:10

Niiva mundu zana ahaanaa ligondi lilala ku chayo chiche cha magondi anoho chi zimburi, kuduuka keve kekore kitaveeye nimbala.

Kyavalevi 1:3

Niiva ahaanaa ndala ku zing'ombe zizie kuva kuli kihanwa chu kusambwa, kuduuka ahaane igiriki itaveeye nimbara. Alageleeta ha vwingiliru wi Lihema liu kuvuganira mu YAHOVA, kunangwa Yahova aduuki kumuvugilira.

Kyavalevi 17:5

Kivuni chi lilaga yili keveeye ndi, avandu va Isiraeli kalunu valaleta ku Yahova zinyama zia vasinzira mu viguuti. Kalunu valazileeta ku Musaalisi ha vwingiliru vwi Lihema nukuzisinza kuli vihaanwa vie mirembe.

Kyavalevi 3:6

Niiva ligondi anoho imburi itumikiywi kuli kihanwa chi mirembe ku Yahova, kinyala kuva kekole anoho kisuveni, navuzwa kuduuka keve vugira imbara.

Kyavalevi 9:18

Haruni yasiinza igiriki ni ligondi limigu kuva kihanwa chi mirembe kigira avandu. Avayaayi veve vamuletera masahi, naye yaguuha ku zimbega ziosi ziu uvwali.

Kyavalevi 9:4

Na ulahaana igiriki ni ligondi limigu kuva kihanwa chi mirembe ku Yahova, harara ni kihanwa chu vuswage ni vuzuganyiywi mu na maguta. Kuduuka vakole ndio kigira Yahova alaloleka ku munyi kalunu.”

Amosi 5:22

Lwa muletaa ku inzi vihaanwa vienyu viokusambwa, kandi vihaanwa vienyu viu vuswage, sindavivugilira mba; kali sindavugilira vihaanwa vienyu vie mirembe vie zinyama zinolu mba.

Malaki 1:14

Kilaamo keveeye ku oyo mugaadi uhaanaa kisiuviriru chu mutugu mudamanu ku inzi, lwaveeye nu mutugu mulahi muchayo chiche gwayalaga kuhaana ku Inzi! Kigira mbeeye mwami munene, navandu vi zihiiri ziosi vaatia Inzi.”

Malaki 1:8

Lwa muletaa zinyama ziavakula anoho zialwala anaho zialema kuhaana kuli visiuviliru kuinzi, muganaganaa viveeye vilahi? Gelizi kuhaana inyama kuli yene yeyo ku Mwamihi! Alayanzizwa ni munyi anaho amuvugiliraa?”

Livalidza 15:8

Lwa muhaana igiriki eve kuli kihanwa chu kusambwa ku Yahova, noho kuli kihanwa chu kuduukiza liesuuha, anoho kihanwa chi mirembe,

Livalidza 6:14

ma ahaane ku Yahova zinyama zing'ano 3 zitaveeye nimbara: Kememe chi ligondi kimigu chu muhiga mulala keve kuli kihanwa chu kusambwa, kememe chi ligondi kisuveni chu muhiga mulala keve kuli kihanwa chu vwoni kandi limigu liduukanu live kuli kihanwa chi mirembe.

Livalidza 7:17

zigiriki 2, magondi mamigu 5, zimburi zikole 5 kandi vimeme via magondi vimigu 5 viu muhiga mulala vive kuli vihaanwa vie mirembe. Yivi viali vihaanwa via Nashoni muyaayi wa Aminadabu.

Livalidza 7:59

zigiriki 2, magondi mamigu 5, zimburi zikole 5, kandi vimeme via magondi vimigu 5, viu muhiga mulala vive kuli vihaanwa vie mirembe. Yivi viali vihaanwa via Gamalieli muyaayi wa padahizuri.

Kwidzulitsa 12:27

Muhaane visiuviliru vienyu viu kusambwa viduukana kusaambirwa ku uvwali vwa Yahova. Amasahi gi visiuviliru vienyu kuduuka guufwi ku vwali vwa Yahova Nyasaye winyu; navuzwa munyala kulia inyama.

Vakolosai 1:20

Kuvitira mu Mwana, Nyasaye yatovola koleta vilombe viosi viirane kuye umwene. Nyasaye yalomba mirembe kuvitira mu likuza lie sadaka yu Mwana weve ku musalaba; kandi ndio yaleeta vindu viosi ku lirova anoho mwigulu viirane kuye mwene.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

1 Yohana 1:3

Kunyi kumwilwaazira cha kwalola kandi cha kwahulira, kunangwa muduuki kuva mu lisanga ni kunyi, kandi lisanga lietu liveeye harara na Baba, nu umwana weve Yeso Kristo.

Vakalagi 20:26

Maku vandu va Isiraeli, avandu vosi, vanigira ha Bezeli niviikuuraa. Vahonga yo nivikaye imbiri wa Yahova vugira kali kulia ichukulia kuduuka hamugorova. Vahaanira Yahova kihanwa chukusambwa kandi kihanwa chi murembe.

Vakalagi 21:4

Umugamba gwalonda ku avandu vavuuka kale kandi nivumbaka uvwali, ma nivahaana ivihaanwa viu kusambwa harara ni vihaanwa viu mirembe.