Kyavalevi 27:3 - KITABU KITAKATIFU

³ Kolondekana nu vuguli vwavugilirwa, musaza muhindira, wi mihiga sirini kuduuka sitini; alatungaa vidonye amusini vie ifeza.

Kyavalevi 27:3 ပူးပေါင်းရင်းမြစ်များ

2 Avami 12:4

Joashi yavolera avasaalisi. “Muvungize amabese goosi agaleetangwa mu Litembeli kuli vihaanwa vitakatifu, amabese gasololwaa kuli mabese ga vuli mundu akalagirwa kutunga kuli vusuuru, kandi amabese goosi agahaanwa nu vwihaani vwu mwoyo gwosi mu Litembeli lia Yahova.”

Kutwula 30:13

Vuli mundu uvalizwa kuduuka atuungi mutungu gwa mabese genyekaa, nigabimiywi kolondekana ku vuguli vwavugilirwa na vanene. Vuli mundu kuduuka atuungi yaga kuli kihanwa ku Inzi.

Kutwula 38:24

Izahabu yoosi iyaavikwa halovega ku vutumiki vwa Yahova kigira Lihema Litakatifu lia Yahova yaali zikilo elefu ndala, yabimwa kolondekana nikibimu chavugilirwa nuvwamiihi.

Kyavalevi 27:14

Niiva mulala ahaanaa inyumba yeeye ku Yahova, umusaalisi alaviika ku vuguli kolondekana nu vulahi anoho uvudamanu vwayo, nuvuguli yivwo vulava nivwo.

Kyavalevi 27:25

Vuguli vwosi vulalohizwa nukuviikwa ho kolondekana na yivwo vwavugilirwa na avasaalisi.

Kyavalevi 27:4

Mukali muhindira alatungaa vidonye salasini viefeza.

Kyavalevi 5:15

Niiva mundu woosi alakola uvwoni vugira kumanya ku livula kutunga vindu viveeye vitakatifu ku Yahova, alatungaa kihanwa chi ligondi likore anoho imburi ekore itaveeye nimbara. Vuguli vwayo vulamanyikana kolondekana nu vuguli vwavugilirwa.

Kyavalevi 6:6

Alaleeta ku Yahova kihanwa chiche kuvitira ku musaalisi keve kuli mitungu ku Yahova keveeye ligondi limigu, vuguli vwalio kolondekana nu vuguli vwavugilirwa na vasaalisi anoho imburi ekekore vugira imbara.

Livalidza 18:16

Lwa vana vava nivaveeye mweli mulala gavadukiraa viirane kugulwa ku mutungu gwi vidonye vitano vie ifeza kolondekana nekegero chu mulihema.

Livalidza 3:47

Ulatuunga vidonye 5 vie ifeza ku vuli mulala, kolondekana nuvuguli vwavugililwa.