Kyavalevi 26:42 - KITABU KITAKATIFU

⁴² Ndizuliza lilagana liange na Yakobo na Isaka kandi na Aburahamu, kandi ndalomba vuhia lisuuvirizwa liange kuha avandu vange kivala.

Kyavalevi 26:42 ပူးပေါင်းရင်းမြစ်များ

Litanga 15:18

Ku lidiku liene yilio, Yahova yalomba lilagana na Aburamu; Yavoola, “Inzi ndagaa kuhaana ku visukululwi vivio kivala yiki choosi kutura ku lwako lwu mugera gwa Egebeti kuduuka ku mugera gwa Efurate,

Litanga 26:2

Yahova yaali naloleki ku Isaka namuvooleye, “Utazia Egebeti mba; omenye mukivala yiki, uwa inzi ngovolera omenye.

Litanga 26:24

Ku vudiku yivwo Yahova yaloleka kuye kandi navoora, “Inzi mbeeye Nyasaye wa baba woovo Aburahamu. Utatia mba. Mbeeye harara nivi. Ndakugasiza kandi ndakuha visukululwi vinyingi kigira lilagana liange kumutumikiri wange Aburahamu.”

Litanga 26:5

Ndakagasizi ivi, kigira Aburahamu yatia kandi yalonda malago gange.”

Litanga 28:13

Havundu hene yaho, yalora Yahova nasingiyi halovega. Yavoola, “Inzi mbeeye Yahova, Nyasaye wa Aburahamu kandi Nyasaye wa Isaka. Ndakahaane ku ivi kivala chogoniku yiki, harara ni visukululwi vivio.

Litanga 28:15

Wizulizi, Inzi ndava harara na ivi kandi ndakukukingi havundu hoosi ha uzia; kandi ndakakwiranye mukivala yiki. Si ndakakoleke mba, kuduuka lwa ndakaduukizi goosi aga mali kukulaga.”

Litanga 35:11

Nyasaye yavolera Yakobo, “Inzi mbeeye Nyasaye Wuvunyali; ove nu lwivulu lunyingi. Zihiiri zilanyooleka kutura ku ivi, kandi avami valanyooleka kutura ku ivi.

Litanga 35:12

Ndahaana ku ivi kivala cha ndahaana ku Aburahamu na Isaka, kandi ndahaana ku visukululwi vivio iviizaa inyima woovo.”

Litanga 9:15

ndakizulizi lilagana liange ku munyi kandi ku zinyama ziosi ndi migelera jamazi si jilikadivizi ku kandi vindu viosi viveeye mwoyo mba.

Litanga 9:16

Lwa kisaahi kililoleka mu malesi, inzi ndakakelole kandi ndakizulizi lilagana lihindira mihiga ni mihiga hagati ha inzi nivindu viosi viveeye mwoyo ku lirova.

Esther 4:14

Niiva ulachiring'ana ku ing'inga kuli yiyi, ovokonyi vulatula muligulu ku Avayuda, na valahonywa, navuzwa ivi ulakuza, navinyumba ya baba woovo valaherizwa. Nitali ni vwaha umanyi hawundi ivi wakolwa mukali wu mwami ku kivuni keveeye ho ing'inga yinu!”

Zaburi 106:45

Yahova yizuliza lilagana lilie lia yalomba navo. Yaavaverera kigira uvunyingi vwu vuyanzi vwivwe vutaveeye ne keheri.

Zaburi 136:23

Yahova siyivilira kunyi lwa kwaali ni kuguutiywi mba; kigira uvuyanzi vwivwe vuhindiraa mihiga ni mihiga.

Kutwula 2:24

uwahulira likenya liavo ma niyizuliza lilagana lilie lia yalomba na Aburahamu, Isaka na Yakobo.

Kutwula 6:5

Kalunu mali kuhulira likenya lia vandu va Isiraeli ava vandu va Egebeti vamali kuvakola avatugwa na mali kwizuliza lilagana liange.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Ezekieli 16:60

Navuzwa nambane luyali ku lilagana liandalomba ni munyi lwa mwaali nimukikiri vasoleri. Nanombe lilagana ni munyi liaza lihindiri mihiga ni mihiga.

Joeli 2:18

Kunangwa Yahova yavererela kivala chiche; yaali ni zimbavasi ku vandu veve.

Luka 1:72

Yavoola alaveera avaguuga viitu zimbavasi nukwizuliza lilagana lilie litakatifu.

Kwidzulitsa 4:31

Aveeye Nyasaye wiliverererwa. Sialamuleka anoho kumudiviza, kandi sia alivilira lilagana lia oyo umwene yalomba na avaguuga vinyu ku liesuuha mba.

Kwidzulitsa 9:27

Wizulizi avatumikiri vovo, Aburahamu, Isaka na Yakobo. Utahenza uvuchamu vwa avandu yava anoho uvudamanu vwavo, anoho uvwoni vwavo mba.

Vakalagi 2:1

Engelosi wa Yahova yatura Giligali kuzia Bokimu, kandi navolera avandu va Isiraeli: “Ndaamutuliza Egebeti nimuleeta mukivala chandaalagira avababa vinyu. Ndavoora, sindivunanyia lilagana liange ni munyi mba.