Kyavalevi 26:39 - KITABU KITAKATIFU

³⁹ Avakeekeke ku munyi vatigara mwoyo, mu kivala cha avasigu vinyu valadedekera kigira uvwoni vwinyu vene kandi kigira uvwoni vwa vaguuga vinyu.

Kyavalevi 26:39 ပူးပေါင်းရင်းမြစ်များ

2 Kyetsinyinga 34:24

Yahova avoora ndi, “Nda kuya Jerusalemi yoosi harara na vandu vosi avamenyi mu, ni vilaamo kuli gang'odwa mu kitabu chi lilaga cha somwa imbiri wu mwami wi Ivuyuda.

Ezara 9:7

Kutura mu madiku ga vaguuga viitu kuduuka lero, kunyi avandu vovo, kwakora uvwoni vonene ligali. Kigira uvwoni vwitu, kunyi harara na vami viitu kandi avasaalisi viitu kumali kuvikwa mu zinguru zia vami vi vivala vigeni. Kumali kwitwa, kunuurwa kandi kuhilwa ihale kuli avahambe. Kumali kuvikwa mu zisoni ligali kali kuduuka na lero.

Nehemia 1:9

Navuzwa niiva mulirana ku inzi, nukuhulira malago gange, ahene yaho kali niiva avandu vinyu vasalanywa vaveeye ihale ligali ku keheri chi lirova, ndavavungiza kutura yo kandi mbaleete havundu ha inzi ndovoye nduuki kusigamirwa.’

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Kutwula 34:7

Inzi nduukizaa lisuuviriza liange kumakula na makura kandi samiiha uvudamanu nuvwoni; navuzwa ndahaana amageri ku avana kandi kuvisukululwi kuduuka kulikula lia kavaga kandi lia kane kigira vwoni vwa vababa vaavo.”

Isaya 14:21

Muleke liitwa litange! Avana vu mwami uyu valakuza, kigira uvwoni vwa avaguuga vaavo. Siaveeye ho kali mulala uliamiiha lirova mba anoho kwumbaka amadara amanene mu lirova mba.”

Isaya 24:16

Kutura ihale ku zinduru zie lirova kuhulira zinyimbu: “Vukumi voveeye ku oo mulungi wengine.” Navuzwa ndavoora, “Inzi mbeeye vuzwa, Inzi mbeeye vuzwa! O, vayaayi kivi keveeye ku inzi! Umugadi azaama! Nuvugaadi umugadi azaama!”

Jeremia 29:12

Maku mulanira ku inzi. Mulaza kusaala ku inzi, na inzi ndamuhulira.

Jeremia 3:25

Gakuduukiraa kogone hasi muzisoni kandi koleke lileganywa lietu likukuniki. Kunyi navaaguuga viitu kumali kwakora uvwoni ku Yahova Nyasaye wiitu haali kanyingi. Sikwatia malago geege mba.”

Jeremia 31:29

Lwa ing'inga yeyo iliduuka, avandu sivalivoolaku kandi, ‘Vivuli valia mazabibu jizisalulwa, Navuzwa avana vanyoola chafuunya zisalulwa.’

Lisyoma lya Jeremia 1:3

Avandu vi Ivuyuda vahiliywi mu lihaminywa kigira uvudinyu kandi lisalira. Kalunu vamenyi hagati hi zihiiri, navuzwa si vanyoola havundu hokososera mba. Avasigu vaavo vamali kuvaguuta hagati hu vudinyu vwavo.

Lisyoma lya Jeremia 4:9

Yavo aviitirwa mu vulwani vaali vulahi ligali kuvita yavo avakuza kigira inzara; vaang'aha kandi nivakuza kigira si vaali ni viukulia kutura mu mulimi mba.

Ezekieli 18:19

“Navuzwa ivi otevaa, ‘Kigira ki mwana asaliri kigira vwoni vwa baba weve?’ Amativuli gaveeye ndi, umwana yakola agaali amalungi kandi amalahi. Yalinda lilaga kandi naatia malago, kulwayago alamenya ligali.

Ezekieli 20:43

Maku mulakizulizi vindu viosi vie zisoni via mwakora kandi kuli mweyonogonyia. Mulakave ni livihiririzwa aveene kigira vindu vidamanu viosi via mwakora.

Ezekieli 24:23

Si mulakagende vugira virato anoho vugira zigudwa ku mitwi jienyu mba, anoho mutasioma anoho muliri mba. Navuzwa mulang'aha kigira uvwoni vwinyu, kandi mulakakenye aveene na vene.

Ezekieli 33:10

Yahova ya moloma na inzi. Yavoola, “Mwana wu Mundu, ovoolere nu kwilanira makuva ga avandu va Isiraeli vavoola: ‘Vwoni vwitu kandi uvudamanu vwitu vwa kumali kokora voveeye vuliduhu ku kunyi; Kunyi kung'aha. Kunyala ndi komenya?’

Ezekieli 36:31

Maku mulakizulizi likora lienyu lidamanu kandi vikolwa vienyu vitali vilahi. Mulakave ni livihirirwa aveene kigira uvwoni vwinyu kandi kivihiri chiinyu.

Ezekieli 4:17

Ndakora ndio kunangwa vaduuki kudaka umugadi kandi amazi. Valahenzana aveene naveene muvuti, kandi valadekerana kigira uvwoni vwavo.”

Ezekieli 6:9

uwa valimenya mu lihaminywa. Wene yeyo vaala kanzizulizi nukumanya ndi inzi mali kuvaha mageri nukuvaviika muzisoni, kigira mioyo jaavo jitasuuvila, valeka inzi kandi vayanzilira vifananyi. Valakavihilizane aveene ku aveene kigira zimbi ni ivindu viezisoni via vamali kokora.

Hosea 5:15

“Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”

Zekaria 10:9

Kali niiva ndaavasaalanyia hagati hi zihiiri, kali muvivala viehale, valakanzizulizi. Valakahononoke harara na vana vaavo, kandi valakilane yengo harara.

Livalidza 14:18

‘Inzi Yahova mbeeye wa galaha ku vutima: Manyia uvuyanzi vonene kandi vusuuvirifu vutaveeye ne keheri, kandi samiiha uvwoni kandi samiiha yavo vibaara. Navuzwa ndahaana mageri ku vana kandi aviisukulu kuduuka ku likula lia kavaga ni lia kane kigira uvwoni vwa vaguuga vaavo.’

Kwidzulitsa 28:65

Hagati hi zihiiri yizio, simulanyora mirembe havundu hoosi anoho vweremelizi kali hakuzu mba. Simulava na hokosoosizira zinduvatiru zienyu mba. Yahova alamukola munyangana mu zing'anagani, kandi zimoni zienyu zilaluha kulindilira, kandi mulakuza mioyo.

Kwidzulitsa 30:1

“Mali kumuha mutovola hagati hi ligasizwa ni kilaamo. Lwi vindu yivi viosi vimali kokoleka ku munyi, kandi mumenyi hagati hi zihiiri zia Yahova Nyasaye winyu umali kumusalanyia, mwilizulizi litovola lia ndamuha.

Kwidzulitsa 5:9

Mutinamiri vifananyi ku viosi anoho mukisigamiri mba, kigira Inzi mbeeye Yahova Nyasaye winyu, mbeeye Nyasaye wilikendeka uhaanaa mageri ku vana kigira vwoni vwa vababa vaavo. Mbana amageri ku yavo avandunyira kandi ku ivisukulurwi viavo kuduuka ku likula lia kavaga kandi lia kane.

Kwidzulitsa 8:20

Niiva simulahulira Yahova Nyasaye winyu, muladivizwa kuli zihiiri zia Yahova Nyasaye azizaa kudiviza lwa muva nimuzizagilira kuvaguuta.