Kyavalevi 26:33 - KITABU KITAKATIFU

³³ Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.

Kyavalevi 26:33 ပူးပေါင်းရင်းမြစ်များ

1 Avami 8:46

“Lwa vandu vovo vakokolera vwoni, kigira sihaveeyeho numundu utakola vwoni, na muvutima vuvwo oleka vasigu vaovo vavaguuti, nukuvahila kuli avahambe mu kivala kindi, kali niiva kivala kindi yicho keveeye ihale,

2 Avami 25:9

Yasamba Litembeli lia Yahova, inyumba yu vwami, harara ni zinyumba zia avandu vanene mu Jerusalemi,

2 Kyetsinyinga 7:19

Navuzwa niiva ivi harara na vandu vovo mulavula kuhulira malago gange ga mali kumuha, kandi musigamiri avanyasaye vandi,

Nehemia 1:3

Vambolera ndi, yavo avaahonona ku liadikizwa ni vatigara yengo, vaveeye mu kivi kenene kandi mu zisoni ligali. Lidigi lia Jerusalemi liasambulwa, na Ivirivwa vialio viamala kusambwa numuliru.

Nehemia 1:8

Mwaza ngusaala, yizuliza kalunu likuva lia walaga mutumikiri woovo Musa, noovoola, ‘Niiva munyi avandu va Isiraeli mulavula kuva avasuuvirifu ku inzi, ndamusalanyia hagati ha avandu vi zihiiri zindi.

Esther 3:8

Maku Hamani yavolera umwami, “Ihiiri ndala eveeye ho iyasalanywa mu vuli kivala cha ivi wamihaa. Amalago gaavo gaveeye lugano kutura ku aga vandu vandi. Kuvita goosi sivahulira amalago gu vwamihi mba. Kunangwa sivoveeye vulahi ivi wikuziri ku avandu yava mba.

Zaburi 106:27

nukusalanyia visukululwi viavo hagati ha vandu vatamanyi Nyasaye, nukuvaleka vakuziri muvivala vigeni.

Zaburi 44:11

Wakokola kuva kuli magondi agahilwa kwitwa. Wakusalanyia mu kivala cha vandu vi zihiiri.

Zaburi 44:12

Ivi umali kuguliza avandu vovo ku mabese makekeeke, na siwenya uvuguli vwi gulu kuvo mba.

Isaya 1:7

Kivala chienyu kinganyiywi, madaala ginyu manene gasambiywi goosi nu muliru. Avageni vavugura kivala chienyu nukukidiviza ligali na munyi nimulolaa.

Isaya 6:11

Ndaateva, “O, Yahova, yaga galava kuli ndi kuduuka ing'inga ki?” Yativura, “Kuduuka lwa madaala manene gadivizwa ligali nokokorwa hazwa, kuduuka lwi zinyumba zitigala vugira mundu, kandi kuduuka lwi kivala chene kidivizwa ligali.

Jeremia 13:24

Yahova alamusalanyia kuli mukuzi guhuuziywi ni mbuuza yumuchangalangwi.

Jeremia 15:4

Ndakora vandu vu mukivala choosi kuva nu vuti ovonene ligali kigira vindu vidamanu via Manase mwana wa Hezekia yakola mu Jerusalemi lwa yaali mwami wi Ivuyuda.”

Jeremia 31:10

Yahova avoora, “Zihiiri mumbulirizi, kandi mulandizi makuva gange muvisuru vie ihale. Inzi ndasalanyia avandu vange, navuzwa ndavavungiza kandi ndavalinda kuli mwayi alindaa chayo chiche.

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 7:34

Kivala yiki kilagwa ichangalangwe. Mu madaala amanene gi Ivuyuda kandi mu zinzira zia Jerusalemi, ndaheriza uvusangari kandi uvuyanzi vwa oyo osererwa kandi osereranga.

Jeremia 8:3

Avandu vi ihiiri indamanu yiyi avatigara, valakamenye havundu aha ndavasalanyira hoosi ahamali kuvahila; valakenye kukuza muvogono vwu kuzizagilira komenya. Inzi Yahova Wuvunyali mali kovora.”

Jeremia 9:16

Ndavasalanyira muzihiiri ziayavo kali avaguuga vaavo vakiri kuzihulira ku, kandi ndavatumira amahi gavingiliri kuduuka lwambadiviza ligali.”

Lisyoma lya Jeremia 1:1

Henza kuli Lidaala linenelia Jerusalemi litigaye iliere, lidaala liali ni liizula avandu vanyingi! Lidaala liali liuluyali ligali hagati hi zihiiri, kalunu limali kugwa kuli mukunzakali. Lidaala liali kuli mukaana wu mwami hagati ha madaala, limali kugwa kuli mutugwa.

Lisyoma lya Jeremia 1:3

Avandu vi Ivuyuda vahiliywi mu lihaminywa kigira uvudinyu kandi lisalira. Kalunu vamenyi hagati hi zihiiri, navuzwa si vanyoola havundu hokososera mba. Avasigu vaavo vamali kuvaguuta hagati hu vudinyu vwavo.

Lisyoma lya Jeremia 4:15

Avandu vavahanzukira nivavoora, “Muzie ihale! Muzie ihale!” “Mutakudiiri ku mba!” Kunangwa vazia ni vagendagenda hagati hi zihiiri, na vandu va vaavoolera ndi si mulamenya nikunyi kandi mba.

Lisyoma lya Jeremia 4:16

Yahova mwene umali kuvasalanyia, sialavaganagana ku kandi mba; Avasaalisi si vahevwa uluyali mba kandi avakulundu sivayaanzirirwa mba.

Ezekieli 12:20

Amadara manene agaveeye kalunu na vandu vanyingi nangadivizwi, kandi kivala nakigwi mwigendanyama. Maku navamanyirizi ndi, inzi mbeeye Yahova.”

Ezekieli 20:23

Kunangwa ndalomba lilagana lindi navo mwigendanyama. Ndisuuha ndi ndakavasalanyiri hagati hi zihiiri muvivala viosi.

Ezekieli 22:15

Inzi ndasalanyia avandu vinyu mu vuli kivala kandi ihiiri kandi ndaheriza vikolwa vienyu vidamanu.

Ezekieli 5:2

Lwi likumberiza lie lidaala lihera, uvuguli kedonye chukutanga ma ukisambiri hagati hi lidaala zana yili. Uvuguli kedonye chakaviri okikalanyie ni kivavi lwa ovodongana ichova wi Lidaala yili. Usalanyie kedonye cha kavaga kunangwa imbuza iduuki kukiduminya, na ndakelondelera ni kivavi change.

Hosea 9:6

Lwikivi kiduukaa, munyi vosi mulasalana, na vandu va Egebeti valamuvungiza harara, kandi valayavira miviri jinyu mu kivala cha Mefisi! Amafa kandi zindavati zilakunika mavikiru ginyu gi ifeza kandi zilakunika zinyumba zienyu zia mumenyaamu.

Amosi 9:4

Kali niiva avasigu valavavugula mu kuva mu vuhambe ndalaga viitwi. Mali kotovola kudiviza ligali nu kuvula kuvakonya.”

Zekaria 7:14

Ndavasalanyia kuli kiihi nimbahila komenya muvivala vio vogeni. Kivala kilahi yiki chaalekwa chere vugira mundu komenya mucho.”

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Kwidzulitsa 4:27

Yahova alamusalanyia hagati hi zihiiri zindi, uwa avakeekeke vuzwa ku munyi valatigala mwoyo.

Yakobo 1:1

Inzi Yakobo, Mutumikiri wa Nyasaye kandi wu Mwami Yeso Kristo: Nduma mirembe jange ku munyi, zihiiri likomi na ziviri zia avasalanywa mu kivala choosi.