Kyavalevi 26:32 - KITABU KITAKATIFU

³² Ndadiviza kivala chienyu ligali kali avasigu vinyu vamenyamu valagenya kigira lidiviza yilio.

Kyavalevi 26:32 ပူးပေါင်းရင်းမြစ်များ

1 Avami 9:8

“Litembeli yili lilagwa kitumi cha mang'anye, kandi vuli mundu mulala uvitira ho alegosa nokogenya. Alateeva, ‘Kigira ki Yahova naakora ndi ku kivala yiki kandi ku Litembeli yili?’

Isaya 24:1

Henza, Yahova azizaa kudiviza lirova nukulikola hazwa. Alagirung'anyia lirova nukusalanyia vandu vamenya mulio.

Isaya 5:6

Ndakeleka keve hazwa, kandi ndaleka indiva emere mu, sindakesemberera mba. Si ndahalurira zisia zie mizabibu mba, anoho si ndalima mu kandi mba. Navuzwa ndaleka amafwa kandi zindavati zimere mu nu kukunika kizabibu choosi! Kali ndigalila amalesi gavuli kukubiza imbura ku cho.”

Isaya 5:9

Inzi mali kuhulira Yahova Wuvunyali navoora, “Ligali zinyumba ziosi ziveeye zinene kandi zindahi ligali zilatigala mang'anye. Mundu sialamenya muzio kali mulala mba.

Isaya 6:11

Ndaateva, “O, Yahova, yaga galava kuli ndi kuduuka ing'inga ki?” Yativura, “Kuduuka lwa madaala manene gadivizwa ligali nokokorwa hazwa, kuduuka lwi zinyumba zitigala vugira mundu, kandi kuduuka lwi kivala chene kidivizwa ligali.

Isaya 64:10

Amadara googo amatakatifu gaveeye kuli changalangwi; Ziyoni imali kuva changalangwi, na Jerusalemi imali kuva hazwa.

Jeremia 12:11

Vamali kokekola ligendanyama; keveeye hazwa imbiri wange. Kivala choosi chaagwa changalangwi, siaveeyeho kali mulala okehendera mwoyo mba.

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 19:8

Inzi ndakaleete lidiviza liukutihiza ku lidaala yili na vuli mundu ulivitira mu lio alakegose nokogenya.

Jeremia 25:11

Kivala yiki choosi kilatigala amang'anye kilava kindu chokogenyia; zihiiri yizi ziratumikira mwami wa Babiloni ku mihiga 70.

Jeremia 25:18

Jerusalemi kandi na amadara manene goosi gi Ivuyuda, harara na avami kandi na aviimiliri vago, vanwi iwaini yiyi, kunangwa vaduuki kugwa changalangwi, chukutiihiza kandi chokogenyia, kunangwa avandu valatumikira amita gaavo kuva kuli kilaamo kuduuka lero.

Jeremia 25:38

Yahova amali koleka avandu veve kuli isimba elekaa uluhangaywa lwayo. Vutima vwa Yahova kandi litihiza linene lie liihi vimali kugirung'anyia kivala kugwa changalangwi.

Jeremia 33:10

Yahova yavoola, “Avandu vavoola ndi havundu hano haveeye kuli ichangalangwi, kandi avandu anoho zinyama si zinyala komenya havundu yaaha mba. Yaga gaveeye malungi, amadara gi Ivuyuda kandi zinzira zia Jerusalemi ziveeye hazwa; avandu anoho zinyama si zimenyi havundu yaaha mba. Navuzwa havundu hene yaaha mulahulira kandi

Jeremia 44:2

Yahova Wuvunyali, Nyasaye wa avandu va Isiraeli avoora, “Munyi aveene mumali kolola lidiviza liandaaleeta ku Jerusalemi kandi madaala gandi goosi gi Ivuyuda. Kali kuduuka kalunu ndi gaveeye vuzwa amang'anye, kandi sihaveeyeho nu mundu omenyi mugo mba,

Jeremia 44:22

Kuduuka kalunu ndi, kivala chiinyu keveeye amang'anye kandi mundu siamenyi mucho mba. Kimali kugwa havundu hu kutihiza, kandi avandu vaatumikira lieta liacho kuli kilaamo, kigira Yahova si yaali anyala kwikuzira uvuchamu vwinyu kandi vikolwa vienyu vidamanu mba.

Jeremia 9:11

Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Lisyoma lya Jeremia 4:12

Avami vi lirova si vaasuuvira, anoho mundu woosi ku vandu vikivala si vaasuuvira ndi, avasigu vaali vanyara kwingira mu virivwa via Jerusalemi.

Lisyoma lya Jeremia 5:18

Kigira kiguru cha Ziyoni kitigaa hazwa, kandi vivwi vwumuvulimu vigenda mumang'anye ga cho.

Ezekieli 5:15

“Munyi mulava mu manyego kandi mu likolerwa kehenyahenye, mu lieganihizwa kandi kindu chukutiihiza ku zihiiri ziveeye ahimbi na munyi lwa mbana amageri ku munyi mu vutima vwange kandi nu muligondoka.

Danyeli 9:18

Nyasaye hulira lisaala lietu, henza ku vudinyu vwa koveeye navwo, kandi vusaliri vwi lidaala liilio. Kusaala ku ivi kigira oveeye wi zimbavasi, navuzwa si gaveeye kigira kokora uvulungi mba.

Danyeli 9:2

Mu muhiga gwu kutanga gwi liamiiha lilie, ndaali ni soma vitabu vitakatifu kandi ninganagana ku mihiga 70 ji lidaala lia Jerusalemi liali live mulidivizwa kolondekana ku makuva ga Yahova yaali na mali kovoolera muporofeti Jeremia.

Habakuk 3:17

kali niiva misaala ja makuyu givula kulaviza kimuli, anoho makuyu gavuli kuva ku muzabibu, kali ndio mizeituni givuli kwama, kandi milimi givuli kwama vuswage, kali niiva viayo viosi via magondi vikuza, kandi vigo vivuli kuva ni mitugu,

Luka 21:20

“Lwa mulilora Jerusalemi nilikumbiriziywi namahi, mulamanye ndi lidivizwa lialio liveeye ahimbi.

Kwidzulitsa 28:37

Muvivala via Yahova alimusalanyira mu, avandu valegosa ku gamali kwekoleka ku munyi. Valamukolera kehenyahenye na manyego.