Kyavalevi 26:31 - KITABU KITAKATIFU

³¹ Ndakora madaala ginyu manene kugwa mang'anye, ndononyia havundu ahatakatifu hinyu hukusigamira vifananyi kandi ndasuura kuvugilira visiuviliru vienyu.

Kyavalevi 26:31 ပူးပေါင်းရင်းမြစ်များ

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

2 Avami 22:19

nu wiganira kandi nu wegehiza umwene imbiri wange, nutandula zinguvu zizio nu kulira, lwa wahulira kuli ndatihiza kuhaana mageri ku Jerusalemi kandi ku vandu valio. Ndakalikole live lio kutihiza mu zimoni ziavo, havundu ha vandu valitumikira lieta liaho kuli kilaamo. Navuzwa mali kuhulira lisaala nukwidoloka maliga (kukwo), lwa wahulira kuli ndatihiza kuhaana mageri ku Jerusalemi kandi ku vandu valio. Ndalikola live liokodegeriza kandi chukuhuga ligali ku yavo avehenza kuli havundu ha vandu vatumikira lieta lialio kuli kilaamo. Navuzwa inzi mali kuhulira lisaala liilio

2 Kyetsinyinga 36:19

Yasamba Litembeli lia Nyasaye kandi lidaala linene harara nizinyumba ziuvwami zialio, kandi nivononyia uvutugi vwalio naduya lidigi lie Lidaala.

Nehemia 1:3

Vambolera ndi, yavo avaahonona ku liadikizwa ni vatigara yengo, vaveeye mu kivi kenene kandi mu zisoni ligali. Lidigi lia Jerusalemi liasambulwa, na Ivirivwa vialio viamala kusambwa numuliru.

Nehemia 2:17

Navuzwa kalunu ndavavolera, “Muloraa ikivi cha koveeye mu, kigira Jerusalemi liveeye mang'anye, na ivirivwa vialio viamala kusambwa mumuliru. Gendi kwumbake vuhia madigi gi lidaala linene na koherizi zisoni zietu.”

Nehemia 2:3

na ndamuvolera, “Mwami ahindiri mihiga ni mihiga! Kigira ki mburi kuva novovereri lwi lidaala linene, ilia avaguuga vange vayavirwa mu, liveeye amang'anye na ivirivwa vialio viamala kusambwa numuliru?”

Isaya 1:7

Kivala chienyu kinganyiywi, madaala ginyu manene gasambiywi goosi nu muliru. Avageni vavugura kivala chienyu nukukidiviza ligali na munyi nimulolaa.

Isaya 6:11

Ndaateva, “O, Yahova, yaga galava kuli ndi kuduuka ing'inga ki?” Yativura, “Kuduuka lwa madaala manene gadivizwa ligali nokokorwa hazwa, kuduuka lwi zinyumba zitigala vugira mundu, kandi kuduuka lwi kivala chene kidivizwa ligali.

Isaya 63:18

Kunyi avandu vovo vatakatifu, kwavugula ahatakatifu hoho ku ing'inga ngekeeke, navuzwa avasigu viitu vaduvagira hasi Litembeli liilio.

Isaya 64:9

Kunangwa Yahova, utava nu vutima ni kunyi mba, anoho utizuliza uvwoni vwitu mihiga ni mihiga mba. Kunyi kwosi koveeye avandu vovo, okoveere zimbavasi.

Isaya 66:3

“Avandu vakora kuli vayaanza. Gaveeye malala meere kuvo, niiva vita igiriki kuli kisiuviriru anoho vavunanyie ligoti lie imbwa; niiva valahaana kihanwa chuvuswage anoho vahane masahi gi inguruvi; vahaana kimuli anoho vasaale ku kifananyi gaveeye malala meere kuvo. Yee, vasangalira mu zinzira ziavo ziukusigamira zielivihiliriza.

Jeremia 22:5

Navuzwa niiva simulatia malago gange, hene yaho, inze nzisuha ku munyi ndi, inyumba yu vwami yiyi ilagwa amang'anye. Inzi Yahova mali kovora.

Jeremia 26:6

Niiva mulazizagilira kuvula kutia, ndakora ku Litembeli yili aga ndakora ku Shilo, kandi izihiiri ziosi zielirova zilatumikira lieta lielidaala yili kuli kiramo.”

Jeremia 26:9

Kigira ki novoora mu lieta lia Yahova ndi, Litembeli yili lilava kuli Shilo kandi lidaala yili liradivizwa na siaveeyeho kali mundu ulimenya mu mba?” Maku avandu vizura nivangumberiza.

Jeremia 4:26

Kivala kigunamu chamala kugwa changalangwe madaala gacho goosi gaveeye amang'anye kigira vutima vwa Yahova vululu.

Jeremia 4:27

Yahova umali kovora ndi, lirova liosi lilava ligendanyama, navuzwa sialalidiviza ligali mba.

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 44:2

Yahova Wuvunyali, Nyasaye wa avandu va Isiraeli avoora, “Munyi aveene mumali kolola lidiviza liandaaleeta ku Jerusalemi kandi madaala gandi goosi gi Ivuyuda. Kali kuduuka kalunu ndi gaveeye vuzwa amang'anye, kandi sihaveeyeho nu mundu omenyi mugo mba,

Jeremia 44:6

Kulwayago ndaviika uvutima vwange uvululu ku madaala goosi gi Ivuyuda kandi kuzinzira ziosi zia Jerusalemi, kandi nimbambiza muliru kugo. Amadara yaga gaatigala hazwa vugira mundu komenya mugo, kuduuka na Kalunu.

Jeremia 52:13

Yasamba Litembeli, inyumba yu vwami, harara ni zinyumba ziosi zia avandu vanene mu Jerusalemi;

Jeremia 9:11

Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Lisyoma lya Jeremia 1:1

Henza kuli Lidaala linenelia Jerusalemi litigaye iliere, lidaala liali ni liizula avandu vanyingi! Lidaala liali liuluyali ligali hagati hi zihiiri, kalunu limali kugwa kuli mukunzakali. Lidaala liali kuli mukaana wu mwami hagati ha madaala, limali kugwa kuli mutugwa.

Lisyoma lya Jeremia 1:10

Avasigu vamali kuvanura ivindu viavo viosi viu vuguli ovonene. Valora zihiiri ni zingiraa mu Litembeli; avandu va Yahova yagaya vavuli kwingira mu Litembeli lilie.

Lisyoma lya Jeremia 2:6

Yasambula havundu haavo hokomenya hatigala kuli mulimi, kandi yakola havundu haavo havatovola hukuvuganira kuva amang'anye. Yamali koheriza lidiku liavo lie lisavo kandi lisabato mu Ziyoni; yamali kuviika vutima vwivwe vululu ku avami kandi avasaalisi.

Lisyoma lya Jeremia 2:7

Yahova amali kusura uvwali vwivwe kandi yamala koleka Litembeli lilie Litakatifu; yaleka avasigu kusambula madigi gi zinyumba ziavo ziu vwami. Vahaanzuka nokokola liyoga mu Litembeli kuli lidiku lie lisavo.

Ezekieli 12:20

Amadara manene agaveeye kalunu na vandu vanyingi nangadivizwi, kandi kivala nakigwi mwigendanyama. Maku navamanyirizi ndi, inzi mbeeye Yahova.”

Ezekieli 21:15

Yaga gakoraa avandu vange kogeeha vuluviliri kandi kwikigatira. Inzi ndihizaa avandu vi lidaala liavo ni kivavi kehemahemaa kuli loheni kandi chetegeki kwita.

Ezekieli 21:7

Lwa vakoteeva kigira ki okenyaa, uvavoolere ndi nikigira amakuva mageni gaazaa. Lwa nagaaze, navave nuvuti ligali, makono gaavo nagave madedekere, valavula kuva nu vuluviliri kandi amalu gaavo galadegera. Ing'inga imali kuduuka; eveeye hano.” Yahova Wuvunyali umali kovora.

Ezekieli 24:21

mbolere munyi avandu va Isiraeli makuva yaga: munyi mwigingiraa kigira Litembeli liezingulu. Mwayaanza kulihenza kandi kuzia mulio, navuzwa Yahova azizaa kuliononyia. Avana vinyu avakaana na vayaayi avalitigala mu Jerusalemi valakitirwi mu vulwani ni kivavi.

Ezekieli 6:6

Amadara goosi ga Isiraeli galadivizwa, kunangwa vwali vwavo vwosi kandi ivifananyi viavo vilavunaganywa mu vidonye, vwali vwavo vwi vifunya mwayu viladegerizwa, na vuli kindu chavalomba kilagota.

Ezekieli 9:6

Mwiti avasaakulu, avayaayi avasoleri kandi avakaana vasoleri, avakali kandi avana vakekeeke. Navuzwa mutadiiri ku mundu woosi oveeye ni kelolero ku vweni vwivwe mba. Mutangili hano mu Litembeli liange.” Kunangwa vatanga kwita aviimiliri vaali nivasingiyi ha Litembeli.

Danyeli 2:46

Maku mwami Nebukadineza yinama kuduuka kumalova kandi nahaana malago ndi, visiuviliru ni vihaanwa vihanwe ku Danieli.

Amosi 7:9

Havundu hi visukululwi via Isaka vasigamira haladivizwa. Hatakatifu ha avandu va Isiraeli halakolwa chanyi. Ndaheriza vwamihi vwu mwami Jeroboamu mu vulwani.”

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Zefania 3:6

Yahova avoora, “Inzi mali kutulizaho zihiiri ziosi, mali kudiviza madaala gaavo nokoleka madigi galio kandi minaara jalio kuva mang'anye. Madaala gamali kolekwa; zinzira ziago ziatigala hazwa si aveeyeho nu mundu uvitira muzio mba.

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Vikolwa 6:14

Kwamuhulira navoora ndi, ‘Yeso uyu wa Nazareti giasambula Litembeli, kandi alatuliza ho imiima ja kwavugula kutura ku Musa.’ ”

Vahebraina 10:26

Niiva kotovola kokora uvwoni inyima wi limanya agiligali, sihaveeyeho ni kisiuviriru chatigara kutuliza vwoni mba.