Kyavalevi 26:30 - KITABU KITAKATIFU

³⁰ Ndononyia havundu hinyu hukusigamira ku vigulu, ndasambura uvwali vwinyu vwi kimuli kandi ndasiuva miviri jinyu mikuzu ku vifananyi vienyu viagwa. Mulivihilirwa liange linene.

Kyavalevi 26:30 ပူးပေါင်းရင်းမြစ်များ

Litanga 19:13

Kigira kuziiza kudiviza havundu yaaha. Yahova yamala kuhulira vindu vidamanu ligali via vandu va Sodoma vakora. Kulwayago yaakutumi kudivizi lidaala yili.”

1 Avami 13:2

Kolondekana ni lilaga lia Yahova, muporofeti zana oyo, yahanzuka kukalagira vwali navoora, “O, vwali! Vwali! Yaga nigo ga Yahova avoora, ‘Muyaayi alivulwa munyumba ya Daudi lieta lilie lilava Josia. Aliitira ku ivi vasaalisi vatumika ku vwali vwa vandu vasigamira misambwa kuli visiuviliru, kandi alasambira vigumba via vandu ku ivi.’ ”

1 Avami 13:32

Amakuva ga Yamoloma ku lilaga lia Yahova ku vwali ha Bezeli, kandi havundu hoosi hukusigamira mu madaala ga Samaria, galekoleka kuva giligali.”

2 Avami 23:16

Maku Josia yikivuka nalora vilindwa vilala iviali ku kiguru, yavavolera vatulizi mu vigumba nu kuvisambira ku vwali. Munzira yiyi, yononyia uvwali, nakora agu muporofeti yaali ni yaporofeta kale ing'inga yi lisavo lwu mwami Jeroboamu yaali nasingiyi himbi nu vwali. Mwami Josia yahenza nalora kilindwa chu muporofeti wavoola makuva gi liporofeta yili.

2 Avami 23:20

Yitira ku vwali yivu avasaalisi vosi vavura kumanya Nyasaye kandi nasambira ku vuli vwali ivigumba via vandu, ma ni yirana Jerusalemi.

2 Avami 23:8

Josia yaleeta mu Jerusalemi avasaalisi vosi kutura mu madaala manene goosi gi Ivuyuda kandi ni yononyia uvwali vwavo vwosi, kutura Geba kuduuka Beerisheba; kandi yasambulanyia hukusigamira haali mu vilivwa aha avasaalisi yavo vaali ni vasambira kimuli. Yasambula uvwali vwa mademoni gi imburi vwali himbi nu vwingiliru vwingira kuduuka ku kirivwa chumbakwa na Joshua waali mwami wi lidaala linene liali ku mukono mumosi gwi kirivwa kinene nu wingiraa mulidaala.

2 Kyetsinyinga 23:17

Avandu vosi vazia kuduuka ku Litembeli lia Baali ma nivalisambula; vaaduya uvwali vwosi ni Vifananyi viosi kandi niviita Matani musaalisi wa Baali imbiri wu vwali vwosi.

2 Kyetsinyinga 31:1

Lwa vaali nivakamara lilia lie Pasaka avandu vosi va Isiraeli vazia mu vuli madaala manene mu Ivuyuda ma nivononyia zitiru zia magina, nivatema vifananyi viu munyasaye wi kikali Ashera. Vononyia uvwali na havundu hukusigamira misambwa. Vaakora malala mere mu Ivuyuda yoosi kandi ni vivala viosi vie zihiiri zia Benjamini, Efuraimu, na Manase; maku viirana yengo vosi.

Zaburi 106:40

Kunangwa Yahova yaali nu vutima vonene ku vandu veve, kandi yavihilirizwa ligali navo.

Zaburi 89:38

O, Nyasaye, kalunu oveeye nu vutima nu mwami mutovole woovo, umali kumusuura nukumuleka.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Jeremia 14:19

Yahova, ivi umali kusuura Ivuyuda ligali? Umali kudunyira avandu va Ziyoni? Kigira ki ivi umali kusaliriza kunyi vudamanu ligali na si kunyala kohona mba? Kwahenzelera mirembe, navuzwa kindu kilahi si chekoleka mba. Kwegomba kohonywa, navuzwa mu vogono vwene yivwo litihiza liaza.

Jeremia 16:18

Inzi ndavakora vatungi haali kaviri kigira uvwoni vwavo nuvuchamu vwavo, kigira vamali kwononyia kivala change nivifananyi vitaveeye nilivamwoyo kuli avakuzu, kandi vamali kuviikamu avanyasaye vanyingi vuvugadi.”

Ezekieli 16:39

Maku na muviiki mu zinguru zia vayanze vinyu, kandi na vononyie havundu hamwakoleraa uvulaya nukusigamira ivifananyi. Na vamutulizi zinguvu zienyu kandi navavuguli magina ginyu guvuguli vudinyu ma navamuleke chahonyo ligali.

Ezekieli 43:7

yambolera, “Mwana wu Mundu, hano ni havundu he ndeve yange yu Vwami. Ndamenya havundu yaaha nu kwamiiha vandu vange Isiraeli mihiga ni mihiga. Avandu va Isiraeli, anoho avami vaavo si valonogonyia lieta liange litakatifu nu kusigamira avanyasaye anoho kuyavira miviri mikuzu ja vami vaavo havundu hano mba.

Ezekieli 6:13

Miviri jaavo mikuzu jilakasalanywi hagati hi vifananyi kandi ku vwali vwosi, najisalanywi ku vuli tugulu tutambi, kondongozi ya vuli kiguru, isi wumusala gwosi umuvisi kandi nu muduguyu gwosi munene, na havundu hoosi aha vasambira visiuviliru ku vifananyi viavo. Maku vuli mundu namanyirizi ndi inzi mbeeye Yahova.

Hosea 10:2

Avandu yavo, mioyo jaavo jiveeye ju vugadi; kalunu valasalirizwa kigira uvwoni vwavo. Nyasaye alavunanyia uvwali vwavo kandi aladiviza zitiru ziavo.

Kyavalevi 20:23

Mutalonda imiima ja avandu vamenya yo mba, Inzi nziza kuvakunga vatuli imbiri winyu kunangwa muduuki kwingira mu kivala yiki. Vamali kumbihiliriza ni vikolwa viavo ividamanu.

Kyavalevi 26:11

Ndamenya hagati hinyu mu Lihema liange litakatifu, kandi sindagirung'ana kutura ku munyi mba.

Kyavalevi 26:15

Niiva mulasuura kuhulira malago gange ni lilagana liange lia ndalomba nimunyi,

Amosi 6:8

Yahova Nyasaye Wanyala Viosi mu zinguru zizie umali kuhaana lieganihiza lie liesuha yili: “Mbihirirwa luyali lwa avandu va Isiraeli: Ndegelizaa zinyumba ziavo zie lielemeza. Ndahaana amadara gaavo manene harara na avandu vamenyi mugo ku avasigu vaavo.”

Amosi 7:9

Havundu hi visukululwi via Isaka vasigamira haladivizwa. Hatakatifu ha avandu va Isiraeli halakolwa chanyi. Ndaheriza vwamihi vwu mwami Jeroboamu mu vulwani.”

Kwidzulitsa 32:19

“Lwa Yahova yalora yaga, yavihilirwa kandi yasura vakana na vayaayi veve.