Kyavalevi 26:26 - KITABU KITAKATIFU

²⁶ Ndatulizaho chukulia chiinyu kunangwa vakali likomi valatumikira lihiga lilala kolomberaku migadi josi javaveeye najo lwa muva nimwakagilia josi, mulava nimukikiri inzara.

Kyavalevi 26:26 ပူးပေါင်းရင်းမြစ်များ

2 Avami 6:25

Kuli mativuli gi likumbiriza yilio, ovogeheru vwi viukulia mu lidaala linene yilio vwali vunyingi ligali, kali mutwi gwi ibunda gwagulika vidonye samanini viefeza, na iziguramu miambili zia masilingoko ga makuulu gagulika vidonye vitano viefeza.

Zaburi 105:16

Nyasaye yatuma inzara ku kivala chavo, kandi niyononyia viukulia viavo viosi.

Isaya 3:1

Kalunu Yahova, Yahova Wuvunyali, aveeye ahimbi kutulizaho ivindu viosi kandi vandu vosi avahaana ovokonyi ku vandu va Jerusalemi ni Ivuyuda; Azizaa kutulizaho avandu vosi avahaanaa ovokonyi ku Jerusalemi kandi Ivuyuda. Alatulizaho viukulia viavo viosi kandi na amazi gaavo goosi,

Isaya 5:10

Mulimi gwi zihekita 10 ugwama amazabibu galatuliza zilita 8 vuzwa ziewaini zieng'ine. Na zikilo 180 ziu vumwu zilatuliza zikilo 18 ziu vuswage.”

Isaya 9:19

Kigira Yahova Wuvunyali uvihiliriywi, lihaana mageri geege lisaamba kuli muliru mu kivala choosi kandi vudiviza avandu, na sihaveeye ho numundu overereraa amwavo weve mba.

Isaya 9:20

Havundu hoosi mu kivala avandu vanuraa nukulia ichukulia choosi cha vanyara konyoora, navuzwa sivigutaa kali hakuzu mba. Kali valiza avana vaavo vene!

Jeremia 14:12

Kali niiva valahonga lilia, nu kwanira ku inzi, si ndahulira lilira liavo kigira ovokonyi mba. Kali niiva valahaana vihaanwa viu kusambwa kandi, vihaanwa viu vuswage ku inzi, sindayaanzizwa navio mba. Navuzwa nditira avandu yava mu muvulwani, kandi ninzara enene ligali nuvulwaye.”

Ezekieli 14:13

“Mwana wu Mundu, niiva vandu valakola uvwoni kandi vavuli kuva vasuuvirifu ku inzi, ndahaana mageri kuvo nukwononyia linyola lie viukulia viavo. Ndatuma inzara kwita vandu harara ni zinyama.

Ezekieli 4:10

Umugadi gwa ulia ku lidiku lilala gulagerwa ziguramu 230 ulagulia kuduuka lidiku lilonda ku.

Ezekieli 4:16

Nyasaye yameda kombolera, “Ivi Mwana wu Mundu, ndatulizaho viukulia viu mugadi mu Jerusalemi. Avandu valava ninzara yi chukulia, kandi valava nichukulia kekekeeke kandi mazi makekeekego kunwa.

Ezekieli 4:17

Ndakora ndio kunangwa vaduuki kudaka umugadi kandi amazi. Valahenzana aveene naveene muvuti, kandi valadekerana kigira uvwoni vwavo.”

Ezekieli 5:16

Ndatuliza yavo avahaana chukulia ku munyi na mulakuza kigira inzara. Mulahulira vuzunu vwi inzara kuli mivano juvuta miugi jilasiywi kumudiviza.

Hosea 4:10

Munyi numulie viukulia navuzwa simuliguta mba. Munyi mulasigamira avanyasaye vulwivulu navuzwa, simulanyora avana mba, kigira mumali kondeka na murondaa avanyasaye vandi.”

Kyavalevi 26:27

“Niiva kali inyima wa yaga goosi mulazizagilira kuhing'ana ninzi nukusuula kumbulira,

Mika 6:14

Mulalia, navuzwa si muliiguta mba, kalindio mulava nimukikiri ninzara. Mulatuliza ivindu ichova, navuzwa simulavihonyia mba, kandi kindu choosi cha muhonyi ndakidivizira mu vulwani.

Haggai 1:6

Mwamiza vuswage vunyingi, navuzwa ligesa lienyu liveeye likekeeke. Muveeye ni chukulia, navuzwa si kimuduukaa mba. Muveeye ni iwaini, navuzwa si muhambikaa mba! Muveeye ni zinguvu, navuzwa si zimuheza luya mba. Munyoolaa mitungu, navuzwa mujiviikaa mu zimuya ziafuduka.