Kyavalevi 26:22 - KITABU KITAKATIFU

²² Ndatuma zinyama zinduru hagati hinyu na zilita avana vinyu kandi ziladiviza mitugu jinyu. Zilamukola mutigale avakeekeke ligali kali zinzira zienyu zilatigala zinzere.

Kyavalevi 26:22 ပူးပေါင်းရင်းမြစ်များ

2 Avami 17:25

Lwa vaali ni vakitangira komenya yo, sivasigamira Yahova mba, na ndio yavatumira Zisimba ni ziita valala kuvo.

2 Avami 2:24

Vahaanzuka ni vavoola, “Tula hano vwangu, ivi wu gwavuusu! Tula hano ivi wu gwavuusu!” Elisha yagirungana navuumika kandi navalaama mu lieta lia Yahova. Ahene na hene yaho, ziduba zingali ziviri ziatula mu mulitu ni zitandulanyia avayaayi arubaini na mbiri kuvo mu vidonye.

2 Kyetsinyinga 15:5

Mu madiku yago, mundu kali mulala siyali unyala kuza makandi azie ni mirembe mba, kigira vwaliho uvudinyu ni kivihiri mu vuli kivala.

Isaya 24:6

Kunangwa Nyasaye umali kulandiza kilaamo ku lirova. Avandu valio vasalira kigira uvudamanu vwa mali kokora. Avamenyaa ku lirova vagehaa. Yee, avatigaye mwoyo ni vakekeeke vuzwa.

Isaya 33:8

Zimbarabara ziveeye nuvuhimwa ligali kali sihaveeye ho nogendanga kuzio mba. Vuhambani hagati hi vivala vutuliziywi ho, kandi livugilirizana liononywi. Siaveeye ho numulala ohevwa luyali mba.

Jeremia 15:3

Inzi Yahova, mali kotovola ndi, ndalaga vindu vine viukutihiza kokoleka kuvo: Valitirwa mu liihi; zimbizi zilatandula miviri jaavo; amanyonyi galalia miviri jaavo, kandi zinyama ziu mbulimu zilalia miviri jitigala.

Jeremia 42:2

ni vavoola, “Mwaza yaanza okole agakokoteeva! Ukusaviri ku Yahova Nyasaye wiitu. Ukusaaliri kunyi vosi avamali kutigala. Mulitanga kwaali avanyingi, navuzwa kalunu koveeye vuzwa avakeekeke avatigara kutura mu avanyingi, kuli ivi mwene ololaa.

Lisyoma lya Jeremia 1:4

Kalunu si haveeyeho nu mundu uzizaa mu Litembeli ku lidiku litakatifu ku sigamira Nyasaye mba. Avakaana viimba zinyimbu vaveeye mu vudinyu, kandi avasaalisi vaveeye vuzwa mulikenya vilivwa via Ziyoni viveeye iviere, kandi avandu va Ziyoni vaveeye mu vusaliri vululu.

Ezekieli 14:15

“Anoho niiva nyara kutuma zinyama ziu muvulimu kwita vandu, nokokola kivala kuva chere chu mundu avula kuvitira mu.

Ezekieli 14:21

Yaga nigo agu Mwami Munene Yahova avoora: “Ndahaana mageri malulu haali kane ku Jerusalemi; ndaleta iliihi, inzara, zinyama ziu muvulimu kandi uvulwaye vudamanu kudiviza vandu ni zinyama.

Ezekieli 33:28

Ndakakole kivala kuva chere kandi hazwa. Zinguru ziamwigingira nazio zilakaduuki kukeheri. Vigulu via Isiraeli vilakatigale viere kali umundu sialakagende mu mba.

Ezekieli 5:17

Ndaleta inzara kandi zinyama ziu muvulimu kwita vana vinyu, kandi ndaleta uvulwaye, kilage kandi iliihi kumwita. Inzi Yahova mali kovora.”

Kyavalevi 26:6

“Ndahana mirembe mu kivala chienyu kandi mulagona vugira kutia umundu woosi. Ndatulizaho zinyama ziuvuhimwa mukivala zana, kandi si halava ho nuvulwani kandi mba.

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Zekaria 7:14

Ndavasalanyia kuli kiihi nimbahila komenya muvivala vio vogeni. Kivala kilahi yiki chaalekwa chere vugira mundu komenya mucho.”

Kwidzulitsa 32:24

Valakuza kigira inzara kandi luhuuza. Valakuza kigira zinguzu ziu kutihiza. Ndatuma zinyama zinduru ziu mumulitu kuvingilira kandi zinzoka ziu vusungu vululu kuvaluma.

Vakalagi 5:6

Mu madiku ga Shamugari, mwana wa Anazi, mu madiku ga Jaeli, zimbalabala ziali vugira avandu, na avagendi vageenderaa ku kundulu.