Kyavalevi 26:19 - KITABU KITAKATIFU

¹⁹ Ndatuliza ho luyaayi lwi zinguru zienyu; imbura silavaho kandi mba kivala chiinyu kilava chuumu kandi kidinyu kuli kivia.

Kyavalevi 26:19 ပူးပေါင်းရင်းမြစ်များ

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 8:35

“Lwu ugumira imbura ivuli kukuba kigira vandu vovo vamali kokolera vwoni, ma kandi lwa viganira nokohenza Litembeli yili, nokokogonya nu mwoyo gwosi,

Isaya 2:12

Ing'inga yene yeyo, Yahova Wuvunyali alakagehize vosi avizingulu, kandi yavo vosi vikirage ni liegingira.

Isaya 25:11

Valanyira makono gaavo igulu kuli mundu agerizaa kwelema ku mazi, navuzwa Yahova alavagehiza ku ligehiza liegingira liavo, na makono gaavo galiyina musi vugira zinguru.

Isaya 26:5

Umali kugehiza yavo avaari avigingiri; umali kudiviza lidaala linene liavaamenyaa mu; umali kusambulanyia nukutuura madigi galio hasi mu luguki.

Isaya 28:1

O, vayaayi, kivi keveeye ku vwami vwa Isiraeli! Uvukumi vwavwo vukamulukaa kuli kimuli ku mitwi javimiliri vaavo vahambiku. Mitwi jaavo juluyayi jivakiywi maguta gafunyaa mwayu, navuzwa vaagoni hene yaho avahambiku kuvita kegero.

Jeremia 13:9

Yavoola, “Ni ndio nanzononyie liegingira lia vandu vi Ivuyuda kandi liegingira linene lia vandu va jerusalemi.

Jeremia 3:3

Yiki nicho chagira imbura nivula kukuba kandi imbura ying'inga yilisembera nivula kuuza. Kali muheezaa kuli avataveeye avasuuvirifu; muvura zisoni.

Ezekieli 24:21

mbolere munyi avandu va Isiraeli makuva yaga: munyi mwigingiraa kigira Litembeli liezingulu. Mwayaanza kulihenza kandi kuzia mulio, navuzwa Yahova azizaa kuliononyia. Avana vinyu avakaana na vayaayi avalitigala mu Jerusalemi valakitirwi mu vulwani ni kivavi.

Ezekieli 30:6

Yahova avoora, “Kutura Migidoli kolovega lwi Ivaale kuduuka Aswani kolovega lwi Isavaalu, avandu vakonya Egebeti vosi valakitirwi mu liihi ni kivavi. Iliihi liukwigingira lia Egebeti lilakadivizwi. Inzi Yahova Wuvunyali mali kovora.

Ezekieli 33:28

Ndakakole kivala kuva chere kandi hazwa. Zinguru ziamwigingira nazio zilakaduuki kukeheri. Vigulu via Isiraeli vilakatigale viere kali umundu sialakagende mu mba.

Ezekieli 7:24

Inzi ndaleta zihiiri zindamanu ligali hano, kandi ndazileka zivuguli zinyumba zienyu. Avasaza vinyu vizingulu navave avadedekere lwa nandeke zihiiri kwononya havundu ha mwasigamiraa misambwa.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Luka 4:25

“Mumbulirizi: gaveeye agiligali ndi vaali ho avakunzakali avanyingi mu kivala cha Isiraeli mu madiku ga Elija. Lwi imbura yavula kukuba ku mihiga jivaga ni mieli sita, inzara enene yaduuka mu kivala choosi.

Kwidzulitsa 11:17

Nimukora ndio, Yahova alavihirirwa nimunyi. Alahana ligulu imbura ivuli kukuba, nikivala kivuli kwama makuyu. Kunangwa mulakuzira yo vwangu kali kivala cha Yahova amuhezaa ni keveeye kilahi.

Kwidzulitsa 28:23

Imbura silakuba mba, na lirova lienyu lilava lidinyu kuli kivia.

1 Samweli 4:11

Lisandugu lie Lilagana lia Nyasaye liavugurwa, kandi avayaayi va Eli, Hofini na Finiasi vombi viitwa.

1 Samweli 4:3

Lwa avatigara mwoyo virana hokososa, aviimiliri va Isiraeli vateevana nivavoora, “Kigira ki Yahova naleka Vandu va Filisitia vakuguute lidiku lia Lero? Gendi kuzie koleta Lisandugu lie Lilagana lia Yahova kutura Shilo, kunangwa ave harara ni kunyi kandi akohonyie kutura ku vasigu viitu.”