Kyavalevi 26:13 - KITABU KITAKATIFU

¹³ Inzi, Yahova Nyasaye winyu, ndamuleeta kutura Egebeti kunangwa muvuli kuzizagilira kuva vatugwa vaavo mba. Ndaavunanyia zinguru zia avasigu vienyu kandi nimuleka mugende no vovoholore.”

Kyavalevi 26:13 ပူးပေါင်းရင်းမြစ်များ

Zaburi 116:16

O, Yahova, inzi mbeeye mutumikiri woovo; ngutumikiraa vuzwa kuli mama wange yaandumikira. Ivi umali kombonyia kutura mu likuza.

Kutwula 14:8

Yahova yadinyia mwoyo gwu Mwami, nalonderera vandu va Isiraeli, avaari nivaturaa Egebeti kuli avaguuti.

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 6:7

Ndamukora muve avandu vange, kandi ndava Nyasaye winyu. Mulamanya ndi Inzi mbeeye Yahova, Nyasaye winyu ulwa mala kumukola avavoholore kutura mu vutugwa mu Egebeti.

Isaya 51:23

Ndanwehiza avadambizi vinyu kekombe yicho. Yavo avamukola mugone hasi mu zinzira. Ni vakora migongo jinyu kuli lirova, kandi kuli inzira yaavo yukuvitira ku.”

Isaya 9:3

Yahova ivi umali kuvaha uvusangari vonene ligali; uvakoli kuva nuvuyanzi. Vasangalira mu cha umali kokora; kuli avandu vasangala lwa vagesa vuswage vwavo, anoho lwa vagavulana vilaanye.

Jeremia 2:20

Mwami Munene Yahova avoora, “Munyi avandu va Isiraeli, madiku ga kale mwasuura zinguru ziange; mwasuura kutia kandi nu kusigamira inzi. Yee, ku vuli vigulu vitambi, kandi isi wa vuli musaala gwa amatu amavisi, mwasigamira avanyasaye.

Jeremia 28:2

Yahova Wuvunyali, Nyasaye wa avandu va Isiraeli avoora: “Inzi mali kutulizaho zinguru ziu mwami wa Babiloni.

Jeremia 28:4

Kandi ndilanyia Jehoyakini muyaayi wa Jehoyakimu mwami wi Ivuyuda, harara na avandu vosi vi Ivuyuda avaazia mu lihaminywa mu Babiloni. Yee, ndavunaga zinguru ziu mwami wa Babiloni. Inzi Yahova mali kovora.”

Ezekieli 30:18

Kisundi kilakakuniki Tahapanesi lwa ndakakole avandu va Egebeti kuva vugira zinguru kandi nokoheliza zinguru ziavakola kuva niligingira. Kisundi nakikuniki Egebeti, kandi avandu vamadaala gacho vosi navahilwi muvuhambe.

Ezekieli 34:27

Misaala jilakame makuyu, milimi jilakame vitagwa, kandi vuli mundu alakamenye mu mirembe mu kivala chiche mwene. Lwa nambunanye minyororo ja vandu vange nu kuvavoholola kutura ku yavo avavakola avatugwa, maku navamanye ndi, Inzi mbeeye Yahova.

Hosea 11:4

Ndaavaleta nizimbavasi kandi nuvuyanzi. Ndaatuliza inara ku mavega gaavo, kandi nimbaliihiza.

Kyavalevi 25:38

Inzi mbeeye Mwami Nyasaye winyu wamutuliza mu kivala cha Egebeti, kunangwa nduuki kumuha kivala cha Kanaani kandi mbe Nyasaye winyu.

Kyavalevi 25:42

Avandu va Isiraeli vaveeye vatugwa vange, kandi ndavatuliza mukivala cha Egebeti. Vatagulizwa mu vutugwa mba.

Kyavalevi 25:55

Umundu wa Isiraeli sianyala kuva mutugwa mihiga ni mihiga mba kigira avandu va Isiraeli vaveeye avatugwa vange. Ndaavatuliza mukivala cha Egebeti, Inzi mbeeye Yahova Nyasaye winyu.

Nahum 1:13

Kalunu ndaheriza zinguru zia vandu va Siria ku munyi, kandi ndatuliza ku munyi vuliduhu vwavo.”