Kyavalevi 25:48 - KITABU KITAKATIFU

⁴⁸ Inyima wu kwiguliza, akikiri nuvunyari kwirana kugulwa yilanywe. Mulala ku avamwavo veve,

Kyavalevi 25:48 ပူးပေါင်းရင်းမြစ်များ

2 Avami 4:1

Mukunzakali mulala ku vu muganda gwa vaporofeti yazia ku Elisha namuvolera, “Mwami wange, musaza wange yakuza! Kuli ivi umanyi, yaali mundu watia Nyasaye, navuzwa kalunu, umuvazi weve yaazaa kuvugura avayaayi vange vaviri kuli avatugwa veve.”

Nehemia 5:5

Koveeye avihiiri ndala nzere na Avayuda vache viitu. Avana viitu sivaveeye avalahi kuli avana vaavo? Navuzwa kunyi kumali kokora avana viitu avatugwa. Valala ku vakana viitu vamali kugulizwa ku muvutugwa. Sikoveeye niliekonya mba kigira milimi jietu ni milimi ja mazabibu jiitu jamala kuvugulwa na avandu vandi.”

Nehemia 5:8

Ndavavolera, “Kunyi lwa kunyaliza, kwiranyia avamwavo viitu Avayuda avaari niviguliza aveene kuvageni. Navuzwa kalunu munyi munigaa aviiko vinyu ukwiiguliza aveene ku munyi, Avayuda vache vaavo!” Aviimiliri zana vachiring'ana makiriri kigira vamanya ndi amakuva yaga gaveeye agiligali.

Kyavalevi 25:25

Niiva umundu wa Isiraeli alava mudaka, ma gamunigi kuguliza mulimi gwigwe, mwiko weve wa himbi ligali ave niye ugugula.

Kyavalevi 25:35

Niiva umundu wa Isiraeli wache omenyi himbi nivi naagwa mudaka, kandi avuli kwinyaliza mwene, kuduuka mumukonye; kuli munyala kokonya mugeni anoho mumenya, aduuki komenya nimunyi.

Kyavalevi 25:47

Nigakava umugeni omenya harara nimunyi alagwa mutugi, lwu umundu wa Isiraeli wacho agwa mudaka ligali, ma yigulizi mwene ku mugeni oyo anoho ku avandu vinyumba yu mugeni oyo,

Kyavalevi 25:49

anoho koza weve anoho musiala weve, anoho wundi ku avandu vinyumba yeeye wa ahimbi unyala kwirana kumugula, anoho mwene naava nanyoora mitungu jiduukanaa, anyala kwirana kwigura mwene.