Kyavalevi 25:34 - KITABU KITAKATIFU

³⁴ Navuzwa mulimi gwu kwayiza mu ugwavodong'ana madaala manene ga avandu vi ihiiri ya Levi sigulagulizwa kali hakuzu mba. Jiveeye imiandu jaavo mihiga ni mihiga.

Kyavalevi 25:34 ပူးပေါင်းရင်းမြစ်များ

2 Kyetsinyinga 31:19

Na ku vana avayaayi va Haruni musaalisi, avaari mu milimi ji vivala vialiho, avaari na amadara manene gaavo, vaali mu avasaza vukuhaana vidieli ku vasaza vosi ku vasaalisi kandi ku vuli mundu woosi ku vandu va Levi uwang'odwa.

Ezekieli 48:13

Vandu va Levi valanyora kidieli chavo kilahi kolovega lwi Isavaalu wi kidieli cha vasaalisi. Kilagerwa uvuvambalaru zikilomita 12 ninusu, kutura Ivugwi kuduuka Imadioli, kandi zikilomita 5 kutura Ivaale kuduuka Isavaalu.

Ezekieli 48:14

Kidieli cha haanwa ku Yahova keveeye kilahi ligali kuvita vidieli viekivala chiosi. Mundu si alaguliza anoho kugirung'anyia kidieli yiki mba. Keveeye kitakatifu kandi ni cha Yahova.

Kyavalevi 25:23

Milimi jinyu jitagulizwa ku ligulizwa liemihiga ni mihiga mba; kigira kivala sikeveeye chiinyu mba; nichange, na munyi muveeye kuli avageni vuzwa avavugililangwa kukitumikira.

Kyavalevi 25:33

Niiva inyumba mu lilala ku madaala yaga igulizwa nu umundu wi ihiiri ya Levi na siyirana kugulwa mba, kuduuka yiranyirwi mwene yo mu Muhiga gwu kwilanyia, kigira zinyumba zia avandu vi ihiiri ya Levi vaveeye nazio mu madaala manene gaavo ziveeye imiandu jaavo mihiga ni mihiga hagati ha avandu va Isiraeli.