Kyavalevi 25:23 - KITABU KITAKATIFU

²³ Milimi jinyu jitagulizwa ku ligulizwa liemihiga ni mihiga mba; kigira kivala sikeveeye chiinyu mba; nichange, na munyi muveeye kuli avageni vuzwa avavugililangwa kukitumikira.

Kyavalevi 25:23 ပူးပေါင်းရင်းမြစ်များ

Litanga 23:4

“Inzi mbeeye vuzwa mugeni omenyi hano hagati hinyu. Muyanze munguliziri kedonye chu mulimi kunangwa nduuki kuyaviramu muviri gwu mukali wange.”

Litanga 47:9

Yakobo yativura, “Limenya liange liu kogenda genda liali mihiga 130. Mihiga yijo jali mikekeeke kandi ju vudinyu, kuvita mihiga ja vaguuga vange vaali mu ligenda genda.”

1 Avami 21:3

Nabozi yativura, “Inzi ndanyoora mwandu gwi kizabibu yiki kutura ku vaguuga vange. Yahova angaye mburi koleka ivi ove nacho.”

1 Kyetsinyinga 29:15

Ivi umanya vulahi O, Yahova, ndi kuvitiraa mu livamwoyo kuli avageni kandi avahaminywa imbiri woovo kuli avaguuga viitu vaakora. Madiku giitu mu lirova gaveeye kuli ichiriri kivitaa kandi si kunyala kohona ku likuza mba.

2 Kyetsinyinga 7:20

maku ndamutuliza mu kivala cha ndaamuha, kandi ndaleka Litembeli yili lia mali kutakasa kuli havundu ha sigamirwa. Avandu havundu hoosi valalichaya kandi valalikolera kehenyahenye.

Zaburi 119:19

Inzi mbeeye hano ku lirova ku ing'inga ngekeeke vuzwa; utavisa malago googo kutura ku inzi mba.

Zaburi 24:1

Lirova harara na viosi viveeye mulio viveeye via Yahova; kivala harara na vandu vosi avamenyi mu viveeye via Yahova.

Zaburi 39:12

O, Yahova, yaanza uhulirizi ku lisaala liange, kandi hulira lianira liange; hamba ongonye lwa mbeeye ni lilira linyingi. Mbeeye vuzwa mugeni woovo ku ing'inga engekeeke, kuli avaguuga viitu vosi vaali.

Zaburi 39:13

O, Yahova, yaanza utulizi amageri googo ku inzi, ombe zinguru kandi vusangali vwi zimbavasi zizio imbiri wa ngikiri kukuza nu kwivililwa ligali.

Zaburi 85:1

O, Yahova, Ivi waaveera avandu vovo zimbavasi ligali; Ivi umali kokora avandu va Isiraeli kuzizagilira komeedeka mu vugasu.

Kutwula 19:5

Kalunu, niiva mulambulira ligali nokolonda lilaga liange, mulava avandu vange. Lirova liosi liveeye liange, navuzwa munyi mulava avandu vatovole vange,

Kutwula 2:22

uwamwivulira mwana muyaayi. Musa yevoolera mwene ndi, “Ndamugulika Gerishomu, kigira mbeeye mugeni mu kivala kinu.”

Isaya 8:8

Galakavitiri mu lidaala linene lie Ivuyuda; galizula ligali kali kukunika vindu viosi.” Nyasaye aveeye harara ni kunyi! Zimbaha zizie ziavambuka zilakinga kivala.

Ezekieli 48:14

Kidieli cha haanwa ku Yahova keveeye kilahi ligali kuvita vidieli viekivala chiosi. Mundu si alaguliza anoho kugirung'anyia kidieli yiki mba. Keveeye kitakatifu kandi ni cha Yahova.

Hosea 9:3

Si mulamenya mu kivala cha Yahova mba, navuzwa mulirana mu kivala cha Egebeti, kandi mulalia viukulia vidamanu mu kivala cha Asiria.

Joeli 2:18

Kunangwa Yahova yavererela kivala chiche; yaali ni zimbavasi ku vandu veve.

Joeli 3:2

Ndavungiza zihiiri ziosi harara kandi ndazireta mu livona lia Jehoshafati liukukalagilwa. Hene yaho ndaavakalagira ku goosi agavakolera vandu vange. Vasalanyia Isiraeli muvivala vigeni kandi vagavulanyia Isiraeli, kivala change.

Kyavalevi 25:10

Munzira yiyi mulatakasa muhiga gwa amusini na mulandizi vovoholore ku avandu vosi vamenya mu kivala yicho. Mu muhiga yigu, ivindu viagulizwa viosi, vililanyirwa avaari vene vio militanga anoho visukululwi viavo, kandi umundu vosi uwaali naaguliziywi kuli mutugwa, alirana ku avandu vinyumba yeeye. Goveeye muhiga gwi lizuliza mihiga amusini.

Kyavalevi 25:24

Lwu mulimi gugulizwa, umundu uwaali ukutanga kugugula kuduuka gamanyikane.

Kwidzulitsa 32:43

“Zihiiri, kuduuka mwizominye avandu va Yahova ahaanaa mageri ku yavo vosi avaviita. Avanzaa kisaalia ku avasigu veve kandi asamiiha uvwoni vwa avandu veve.”

1 Petro 2:11

Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.