Kyavalevi 25:17 - KITABU KITAKATIFU

¹⁷ Mutagaada Avisiraeli vache mba; navuzwa mutie Inzi Yahova Nyasaye winyu.

Kyavalevi 25:17 ပူးပေါင်းရင်းမြစ်များ

Litanga 20:11

Aburahamu yativura, “Inzi ngoli ndio kigira ndaaganagana ndi havundu yaaha avulaho mundu watia Nyasaye, na valanzita ma vavuguli mukali wange.

Litanga 22:12

Yavoola, “Utasaliriza muyaayi anoho kokora kindu kuye mba. Kalunu inzi manya ndi ivi ohezaa Nyasaye luyali kandi utizaa Nyasaye, kigira umali kumanyia ndi uvugilira kuhaana muyaayi woovo wengine kuli kisiuviriru kuye.”

Litanga 39:9

Inzi mbeeye nuvunyari munyumba yiyi kuli oyo. Si keveeye ho ni kindu choosi cha yaavisa kutura ku inzi mba, nitaveeye ivi, kigira oveeye mukali weve. Inzi nyara ndi kokora uvudamanu ovonene kuli yivu kandi ukwonera Nyasaye?”

Litanga 42:18

Ku lidiku lia kavaga Josefu yavavolera, “Inzi mbeeye umundu watia Nyasaye, kandi ndamuhonyia ku kivuni kilala.

2 Kyetsinyinga 19:7

Kunangwa kalunu, muhaane ku Yahova luyali, mwilindi ku goosi aga mukoraa, kigira Yahova Nyasaye wiitu sialiikuzira ku lichaminya uvulungi, anoho liyanzilira magondo mu likalaga, anoho livugula vikukula.”

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Nehemia 5:9

Maku ndavoora, “Icha mukoraa keveeye kidamanu! Muduukana mutie Nyasaye na mukore agaveeye malungi. Maku simulahana ku avizihiiri kivuni choosi icha vakokolera kehenyahenye mba.

Zaburi 19:9

Iliitia Yahova liveeye lilahi, lihindiraa mihiga ni mihiga. Likalaga lia Yahova liveeye lirungi; liveeye lilahi kazozo.

Kutwula 20:20

Musa yavativulira navoora, “Mutatia mba; Nyasaye umali kuuza kumugeriza nukumukola muzizagiliri kumuhulira, kunangwa muvuli kokora uvwoni.”

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Tsing'ano 16:6

Utie kandi ove musuuvirifu na Nyasaye alakusamiiha vwoni vuvwo. Utie Yahova nu uvudamanu vwosi sivulekoleka ku ivi mba.

Tsing'ano 22:22

Utanula mudaka kigira aveeye mudaka mba, anoho utavadambiza mu kiyaalo mba.

Isaya 3:14

Alakalagira avakulundu kandi aviimiliri vavandu veve. Alombaa vivuni: “Mumali kulanya mulimi gwa amazabibu, kandi zinyumba zienyu ziizuye vindu via mwalanya kutura ku vadaka.

Jeremia 22:16

Yaali ni likalaga lirungi ku avadaka, kandi vwali vulahi kuye. Yiki nicho kivuni kumanya Yahova.

Kyavalevi 19:13

“Mutadambizi avatende vinyu anoho kuvanyaga ivindu viavo mba. Mutahaanda ku mitungu ja vatumikiri vinyu kali lidiku lilala mba.

Kyavalevi 19:14

Mutalaama mundu wahana matu kandi mutaviika kindu chu kwikagitiliza imbiri wu muvoku mba navuzwa mutie Inzi. Inzi mbeeye Yahova Nyasaye winyu.

Kyavalevi 19:32

“Mutie vasakulu kandi muhaane luyali kuvo. Mutie inzi, Inzi mbeeye Yahova winyu.

Kyavalevi 25:14

Kunangwa, lwa mugulizira Muisiraeli wache milimi, anoho muguli milimi kutura kuvo, mutadambizani mba.

Kyavalevi 25:36

Mutavugula madanyi anoho viambeti viulugano lwosi mba; navuzwa mutie Inzi Nyasaye na muleke umundu wa Isiraeli wache amenye nimunyi.

Kyavalevi 25:43

Mutavamiiha nu vululu mba, navuzwa mutie Inzi Nyasaye winyu.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Luka 12:5

Navuzwa, ndamumanyia uyu uwa muduukana kutia. Mutie Nyasaye, kigira niyakamara kwita, aveeye ni zinguru kusiuva mundu mu gehena. Yee, muvooleraa mutie umwene oyo.

Vikolwa 10:2

Yaali mundu watia Nyasaye. Oyo harara na avinyumba yeeye vosi vasigamira Nyasaye; yahaana zisadaka ku avadaka va Vayuda avanyingi, nasaara kazozo.

Vikolwa 10:35

Mundu wi ihiiri yoosi utizaa Nyasaye no kokora agaveeye amalungi avugilirwa naye.

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Varumi 11:20

Nagiligali! Ziahalulwa kigira livula kusuuvira liavo, navuzwa ivi usingiraa vudinyu kigira lisuuvira, utiyizominya mba, navuzwa wilindi.

Varumi 3:18

anoho siaveeye ni liitia Nyasaye mba.”

Kwidzulitsa 25:18

Sivaatia Nyasaye mba, kandi ndio vamutulira kutura inyima lwa mwaali ni muluhi kandi nimuveeye avadedekere, ni vita vandu vosi avaari ni vatigaye inyima nivaluhi.

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

1 Samweli 12:24

Mutie Yahova kandi mumutumikiri nu vusuuvirifu ni mioyo gwinyu josi. Mwizurizi vindu vinene via yamukolera.