Kyavalevi 23:29 - KITABU KITAKATIFU

²⁹ umundu woosi ulia kindu choosi ku lidiku yilio sialavalizwa kandi kuva mulala ku avandu vange mba.

Kyavalevi 23:29 ပူးပေါင်းရင်းမြစ်များ

Litanga 17:14

Vuli musaza utakevwa sialava mulala ku vandu vange mba, kigira siyalindi lilagana liange mba.”

Ezara 8:21

Maku kumugera gwa Ahava ndahaana lilaga kukunyi vosi kohonga lilia kandi kusaala. Kunyi kwegehiza aveene kandi nikuteeva Nyasaye akwiranyie mu Jerusalemi ni mirembe harara navana viitu ni miandu jiitu josi.

Kutwula 30:33

Mundu woosi olomba maguta kuli yaga, anoho utumikira maguta yaga ku mundu woosi utaveeye musaalisi, sialavalizwa kuva mulala ku avandu vange mba.’ ”

Isaya 22:12

Mwami munene, Yahova Wuvunyali yamulanga muduuki kulira kandi musiome, muvege amasu ginyu kandi mwiviki zinguvu ziamagunia.

Jeremia 31:9

Avandu vange vazavirane nivalira, nivasaara lwa nambe nimbimilira mulirana. Inzi nambimiliri kuduuka ku migera jiamazi, kunzira inungi yavalivulaa kwikigatira. Mbeeye kuli baba uvandu va Isiraeli kandi Efuraimu nu muyaayi wange wu kutanga.”

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Kyavalevi 13:46

Alava mudamanu kolohoono lwaveeye nuvulwaye yivwo, kandi kuduuka amenye ichiova wa ahokososa, ihale kutura ku vandi.

Kyavalevi 23:27

“Lidiku lie likomi lu mweli gwa saba liveeye Lidiku liukusamiiha uvwoni vwa avandu. Mulava ni livugana ilitakatifu muhonge lilia, na muleete ku Yahova kihanwa chukusambwa.

Kyavalevi 23:30

Kandi niiva umundu woosi akolaa muyinzi ku josi ku lidiku yilio, Inzi mwene ndamwita.

Kyavalevi 23:32

Kutura hamugorova gwi lidiku lia tisa kuduuka hamugorova gwi lidiku lielikomi liumweli zana, mulaliinda lidiku yili kuli lidiku lidukiru liokososa. Ing'inga yiyi, umundu atalia ikindu choosi mba.”

Kyavalevi 7:20

Navuzwa mundu woosi utaveeye mulungi nalia kuinyama yi vihaanwa vie mirembe viveeye via Yahova, kuduuka atulizwi hagati havandu veve kigira siavalizwa kuva mundu wa Nyasaye mba.

Kyavalevi 7:21

Kandi niiva mundu woosi adiira kindu kidamanu, anoho nivuva vudamanu vwu mundu, anoho inyama indamanu, anoho kindu choosi kidamanu nichukivihiliriza, ma alie ku inyama yi kihanwa chi mirembe cha Yahova, mundu uyu alatulizwa hagati ha vandu veve kandi sialavalizwa kuva mundu wa Nyasaye mba.

Livalidza 5:2

“Volera avandu va Isiraeli vakungi vuli mundu woosi oveeye nu vulwaye vwo vogere vatuli hokososa. Vakungi kali vuli mundu woosi oveeye ni liguli anoho vuli mundu woosi oveeye mudamanu kigira udiiyi ku muviri mukuzu.

Vikolwa 3:23

Ku vosi uvula kuhulira muporofeti oyo alahulwa kutura mu vandu va Nyasaye, kandi aladivizwa.’