Kyavalevi 23:28 - KITABU KITAKATIFU

²⁸ Mutakola muyinzi kali mulala ku lidiku yilio mba, kigira liveeye Lidiku liu kusamiifwa uvwoni

Kyavalevi 23:28 ပူးပေါင်းရင်းမြစ်များ

Isaya 53:10

Yahova avoora, “Vwali uvulariri vwange ndi aduuki kusalirizwa; likuza lilie liali kisiuviriru cho koleta uvusamiihi. Nandio alalola visukululwi vivie, alava ni livamwoyo lie mihiga ni mihiga, kandi kuvitira muye uvusaaviri vwange vuladukizwa.

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Kyavalevi 16:30

Ku lidiku yilio muruka gulakolwa gwukuvatakasa kutura muvwoni vwavo kunangwa vaduuki kuva valahi imbiri wa Yahova.

Kyavalevi 16:33

kandi akole muruka gwukutakasa havundu Hatakatifu ligali, Lihema liosi Liukuvuganira mu na Yahova, uvwali, avasaalisi, kandi avandu vosi.

Kyavalevi 16:34

Malago yaga galakolwa lulala vuli muhiga kutakasa avandu va Isiraeli kutura muvwoni vwavo vwosi. Kunangwa, Musa yakola kuli Yahova yamulaga.

Kyavalevi 23:27

“Lidiku lie likomi lu mweli gwa saba liveeye Lidiku liukusamiiha uvwoni vwa avandu. Mulava ni livugana ilitakatifu muhonge lilia, na muleete ku Yahova kihanwa chukusambwa.

Zekaria 3:9

Mbikaa imbiri wa Joshua ligina lilala liveeye ni zimoni 7. Ndang'ola kwigulu kwalio amang'oda, kandi mulidiku lilala ndakatulizi ho vwoni vwikivala yiki.

Vahebraina 10:10

Yeso Kristo yatwekiza vulariri vwa Nyasaye yenya akole, kunyi kwosi kutakasiywi kutura muvwoni vwitu ku kihanwa cha yihaana chu muviri gwigwe mwene lulala kandi lwokoheleriza.

Vahebraina 10:14

Kigira kisiuviriru kilala yavakola avadukiru mihiga ni mihiga yavo avatakaswa kutura muvwoni vwavo.

Vahebraina 9:12

Lwa Kristo yavitira mu lihema kandi niyingira, kuduuka Hatakatifu ligali lulala kandi lwokoheleriza, siyavugula masahi gi zimburi na gi zigiriki kugahaana kuli visiuviliru mba; navuzwa, yavugula masahi geege mwene kandi umali konyolera kunyi ovohonyi vwi mihiga ni mihiga.

Vahebraina 9:26

galava ndio, ngano Kristo yaali yakasaliyi haali kanyingi kutura lirova nililombwa. Mu vogono yivwo kalunu lwi zing'inga ziesunda ko keheri, umali kololeka lulala vuzwa kandi lwu kumaliriza, kutuliza vwoni kuvitira mu liehaana mwene kuli kisiuviriru.

1 Yohana 2:2

Kandi Kristo mwene aveeye kisiuviriru chu vwoni vwitu; kandi siaveeye ku vwoni vwitu kwenyine mba, navuzwa kandi nuvwoni vwa vumukivala vosi.

1 Yohana 4:10

Yivu nivwo uvuyanzi: Sikwaali ni kunyi avakwayaanza Nyasaye, navuzwa niyie wakuyaanza, natuma mwana weve kuva ikisiuviliru chu kutakasa uvwoni vwitu.

1 Yohana 5:6

Yeso Kristo niyie waza na amazi gi libatizwa lilie. Kandi namasahi gi likuza lilie. Siyaaza na amazi geng'ine, navuzwa na amazi kandi na masahi gilikuza lilie. Roho mwene niyie ololekizaa ndi yaga gaveeye agiligali kigira Roho aveeye giligali.