Kyavalevi 23:27 - KITABU KITAKATIFU

²⁷ “Lidiku lie likomi lu mweli gwa saba liveeye Lidiku liukusamiiha uvwoni vwa avandu. Mulava ni livugana ilitakatifu muhonge lilia, na muleete ku Yahova kihanwa chukusambwa.

Kyavalevi 23:27 ပူးပေါင်းရင်းမြစ်များ

Ezara 8:21

Maku kumugera gwa Ahava ndahaana lilaga kukunyi vosi kohonga lilia kandi kusaala. Kunyi kwegehiza aveene kandi nikuteeva Nyasaye akwiranyie mu Jerusalemi ni mirembe harara navana viitu ni miandu jiitu josi.

Zaburi 35:13

Navuzwa lwa vaali avalwaye, inzi ndiviika zinguvu zia magunia kumanyia vovereri. Ndiisaaliriza ku lihonga lilia. Ndavasaalira ligali ninzinaminyi mutwi hasi,

Kutwula 30:10

Haruni alakola muruka gwu kutakasa uvwali ku liviika ku zinziga zine, amasahi ginyama yahaanwa kuli kisiuviriru chu vwoni vuli lulala ku muhiga. Yiki kilakolwa vuli muhiga ku zing'inga ziosi ziza. Uvwali yivu vulava vutakatifu ligali, uvwatakaswa kigira inzi, Yahova.”

Isaya 58:5

Lwa muhongaa lilia, mwisalirizaa aveene. Mwinaminyaa mitwi jinyu hasi kuli lulimu, kandi mwalahasia zinguvu zia magunia nukwuhula ku ligoke muduuki kogona ku. Agene yago nigo aga mulangaa lihonga lilia? Muganaganaa ndayanzizwa nagene yago goosi?

Kyavalevi 16:11

Lwa Haruni ava nasinzaa igiriki kuli kihanwa chu uvwoni vwivwe nuvwinyumba yeeye,

Kyavalevi 16:15

Niyakamara kokora ndio, alasinzira avandu imburi ekole yikihaanwa chu uvwoni kandi alaleeta masahi gayo havundu hatakatifu ligali nukuguuha ku kikuniku kandi imbiri wi Lisandugu lia malago kuli yakola na masahi gi giriki.

Kyavalevi 16:16

Munzira yiyi alakola muruka gwu kutakasa havundu hatakatifu ligali kutura ku vudamanu vwa vandu va Isiraeli kandi kutura muvwoni vwavo vwosi. Kuduuka akole ndio kandi ku Lihema liukuvuganira mu kigira liveeye hagati haavo na vaveeye vadamanu kolondekana nu muruka.

Kyavalevi 16:24

Kuduuka yisingiri havundu hatakatifu, ma yiviiki zinguvu zizie mwene. Inyima wa yaga, alatula kuzia ichova kuhaana kihanwa chukusambwa kutulizaho uvwoni vwivwe kandi uvwoni vwa avandu.

Kyavalevi 23:26

Yahova yavolera Musa,

Kyavalevi 23:28

Mutakola muyinzi kali mulala ku lidiku yilio mba, kigira liveeye Lidiku liu kusamiifwa uvwoni

Kyavalevi 25:9

Maku, ku lidiku lielikomi liu mweli gwa saba, Lidiku liu kusamiiha uvwoni, mutumi umundu akubi kisiriva mu kivala chienyu choosi.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Vikolwa 27:9

Kwamenya ho ing'inga indambi kuduuka lwa galoleka ndi uvuhiimwa vwali vonene lidiku lio kohonga ligali kuzizagilira nologendo mu liato. Kali kulwene yilwo, lidiku lie lisavo liu kwizuliza likunikwa liu vwoni, liali ni liviti. Kunangwa Paolo yaviganihiza,

Yakobo 4:9

Muve no vovereri, muliri kandi musiome! Liseka lienyu ligirung'anywi kuva lilira, lisangala lienyu live liverera.