Kyavalevi 23:24 - KITABU KITAKATIFU

²⁴ avolere avandu va Isiraeli ndi: “Ku lidiku liukutanga liu mweli gwa saba mulava ni lidiku liokososa, lie livugana litakatifu, ilizuliza mu likuba ivisiliva.

Kyavalevi 23:24 ပူးပေါင်းရင်းမြစ်များ

1 Kyetsinyinga 15:28

Kunangwa vandu va Isiraeli vosi vazia harara ni Lisandugu lie Lilagana kuduuka Jerusalemi ni lihanzuka liu vusangali, ni vakuba visiliva, ling'alala kandi vikuli, kandi zinyimbu ziuvukana vwi migoye.

2 Kyetsinyinga 5:13

Lwa vakubi vi visiriva na viimbi vi zinyimbu vahambana harara mu Lizominya Yahova nu kuhaana Lisandiza, nu kwimba igulu harara ni visiliva, vikuli, kandi ni vindu vindi viosi viu kwimbira mu. Viimba nu kwizominya Yahova, nivavoora, “Yahova aveeye mulahi, kigira vuyanzi vwivwe vomenyaa mihiga ni mihiga.” Maku, Litembeli lia Yahova liizula lilesi,

Ezara 3:6

Kali niiva avandu vaali nivakikiri kutanga kwumbaka vuhia Litembeli, vatanga ku lidiku liukutanga liu mweli gwa saba kusamba visiuviliru ku Yahova.

Nehemia 8:2

Kunangwa musaalisi Ezira yaleeta kitabu chi Lilaga imbiri wi livugana lia vasaza, avakali na avana avaari vanyara kuhulira nukumanyiriza.

Zaburi 89:15

O, Yahova, vaveeye nuvugasu yavo avasigamiraa ivi ku liemba zinyimbu ziu kukwizominya, kandi avamenyaa mu vulavu vwu vulahi vuvwo;

Zaburi 98:6

Mukubi visiliva kandi zinziga, muhanzuki kigira uvusangari ku Yahova, mwami wiitu.

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Kyavalevi 23:23

Yahova yavolera Musa,

Kyavalevi 25:9

Maku, ku lidiku lielikomi liu mweli gwa saba, Lidiku liu kusamiiha uvwoni, mutumi umundu akubi kisiriva mu kivala chienyu choosi.

1 Vakorintho 15:52

Lwi kisiriva kilikubwa, avakuzu valakasimugukizwi, kandi sivalikuza kandi mba, na kunyi vosi kulakagilung'anywi.

1 Vatesalonike 4:16

Gulakave ho nu mwoyo munene gwu kulanga, kandi nu mwoyo gwe engelosi Munene, kandi nugwi kisiriva cha Nyasaye, maku Mwami mwene aliika kutura mwigulu. Yavo vaakuza nivasuuvira mu Kristo valakasimuguki kutanga.