Kyavalevi 23:19 - KITABU KITAKATIFU

¹⁹ Kandi mulaleeta imburi ekole kuli kihanwa chu uvwoni, ni vimeme vimigu via magondi viviri viumuhiga mulala kuli vihaanwa vie mirembe.

Kyavalevi 23:19 ပူးပေါင်းရင်းမြစ်များ

Kyavalevi 16:15

Niyakamara kokora ndio, alasinzira avandu imburi ekole yikihaanwa chu uvwoni kandi alaleeta masahi gayo havundu hatakatifu ligali nukuguuha ku kikuniku kandi imbiri wi Lisandugu lia malago kuli yakola na masahi gi giriki.

Kyavalevi 23:18

Kandi harara numugadi, avilidaala valaleta vimeme saba via magondi viumuhiga mulala, igiriki indala esoleri, na magondi mamigu gaviri gataveeye nimbala. Vilahaanwa kuli vihaanwa viukusambwa ku Yahova, harara nikihaanwa chuvuswage kandi kihanwa chiwaini. Lifunya mwayu gwi vihaanwa yivi viyanziza Yahova.

Kyavalevi 23:20

Musaalisi alahaana migadi harara ni vimeme via magondi viviri kuli kihanwa kidukiru ku Yahova kigira avasaalisi. Vihaanwa yivi viveeye vitakatifu.

Livalidza 15:24

kandi niiva yaga galakolwa vugira vandu kumanya, maku valahaana igiriki esoleri eve kuli kihanwa chu kusambwa, keveeye ni lifwunya liu mwayu mulahi guyaanzizaa Yahova. Mulahaana harara ni kihanwa chu vuswage kandi kihanwa chiwaini. Komeedaku, mulahaana kandi imburi ekole eve kuli kihanwa chu vwoni.

Livalidza 28:30

Kandi muhaane imburi ekole indala kuli kihanwa chu vwoni. Munzira yiyi mukore mwima gwu kwitakasa kigira vandu.

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.