Kyavalevi 23:17 - KITABU KITAKATIFU

¹⁷ Vuli inyumba ilaleeta migadi giviri ma vajihaane ku Yahova kuli kihanwa kidukiru. Vuli mugadi gulalombwa ku zikilo ziviri ziuvusie, gwuminyiywi mumamera kandi gulahaanwa ku Yahova kuli kihanwa chukutanga chuvuswage vogeseywe.

Kyavalevi 23:17 ပူးပေါင်းရင်းမြစ်များ

Nehemia 10:37

Kulahilira Avasaalisi mu Litembeli viukulia viuvusi vialombwa kutura ku vuswage vwageswa kutanga vuli muhiga, kandi nivihaanwa vietu vindi vie iwaini, maguta ga muzeituni, kandi ni zing'ano ziosi zia makuyu. Kulahilira avandi va Levi, avavungizaa izaka mu tudaala twiitu twu vulimi, izaka kutura ku viukulia vietu ivimelaa mu kivala chietu.

Kutwula 22:29

“Muhaane kuinzi zisadaka zie ligesa lienyu, lie iwaini yienyu namaguta gamizeituni ginyu lwa muva nimwakagesa. “Muhaane ku inzi avana vayaayi vinyu vukutanga kwivulwa.

Kutwula 23:16

“Mulindi kandi mwizurizi lisavo lwa mutanga kogesa viukulia vienyu “Mulindi kandi mwizurizi lisavo lia madiri mu ing'inga yi ichuvwi, lwa muvungiza amakuyu ginyu kutura mu milimi jinyu je vizabibu.

Kutwula 23:19

“Vuli muhiga mulaleeta munyumba ya Yahova Nyasaye winyu vuswage vwukutanga kogesa. “Utasinzi kememe chi ligondi anoho imburi nikinuuna maveere ginyia mba.

Kutwula 34:22

“Mulinda nukwizuliza Lisavo lie Ligesa lwa mutanga kogesa viukulia viukutanga vie ingano, kandi mwizurizi nukulinda Lisavo lia madiri mu ing'inga ya muvungiza makuyu ginyu.

Kutwula 34:26

“Muleete munyumba ya Yahova iligesa liukutanga lievitagwa vienyu vuli muhiga. “Mutadekeri kememe nikikinuuna maveere ganyia mba.”

Kyavalevi 2:12

Kihanwa chukutanga chi ligesa kilaleetwa ku Yahova vuli muhiga, navuzwa kitasaambwa ku uvwali mba.

Kyavalevi 23:10

avooreraa avandu va Isiraeli ndi, “Lwa mwingira mu kivala cha muheezaa muve ni ligesa liacho, muleete ku musaalisi ligesa lia makuyu gukutanga guvuswage vwa ogesaa.

Kyavalevi 23:18

Kandi harara numugadi, avilidaala valaleta vimeme saba via magondi viumuhiga mulala, igiriki indala esoleri, na magondi mamigu gaviri gataveeye nimbala. Vilahaanwa kuli vihaanwa viukusambwa ku Yahova, harara nikihaanwa chuvuswage kandi kihanwa chiwaini. Lifunya mwayu gwi vihaanwa yivi viyanziza Yahova.

Kyavalevi 7:13

Komeeda ku kihanwa chiche chi mirembe chi lisandiza, alahaana milaango ji migadi gizuganyiywi mu mamera.

Livalidza 15:17

Yahova yavolera Musa,

Livalidza 18:12

“Mbana kuivi vindu viosi vilahi viukutanga muligesa lia avandu va Isiraeli vahaana ku inzi vuli muhiga: amaguta ga muzeituni, iwaini kandi vuswage.

Livalidza 18:13

Viosi ni vivyo; mundu woosi wi nyumba yooyo oveeye mutakase anyala kuvilia.

Livalidza 28:26

Ku lidiku liukutanga lie lisavo lio kogesa, lwa muleete kihanwa chu vuswage vuhia ku Yahova, muvugaane harara kusigamira Yahova na mutakola miyinzi mba.

Matayo 13:33

Yeso yavavolera lugano lundi: “Uvwami vwu mwigulu voveeye kuli amamera gu mukali yavugula nazuganyia mu kihinda chu vusie, kuduuka ni vugwa amamera vwosi ma nivuvimba.”

Varumi 8:23

Si viveeye vindu viosi vienyine ivikenyaa nilizunwa; navuzwa kali kunyi ava koveeye na Roho oveeye kuli vihaanwa via Nyasaye viukutanga. Kokenya aveene musi, nikulindirira Nyasaye akokole avana veve, kandi akovoholore mu liiva lietu liosi.

1 Vakorintho 15:20

Navuzwa agiligali gaveeye ndi Kristo umali kusimugukizwa kutura mu likuza, kandi aveeye kimanyiru ndi, yavo avagonaa mu likuza, kandi navo valakasimukizwi.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.