Kyavalevi 22:18 - KITABU KITAKATIFU

¹⁸ Moloma ku Haruni, na avayaayi veve na vandu va Isiraeli uvavoolere ndi: “Niiva mundu wa Isiraeli anoho mugeni umenyi mu Isiraeli aleetaa kihanwa chukusambwa ku Yahova, kuduukiza liesuuha anoho kuli kihanwa chuvwihaani kuduuka mutugu gove vugira imbara.

Kyavalevi 22:18 ပူးပေါင်းရင်းမြစ်များ

2 Kyetsinyinga 31:14

Kore muyaayi wa Imuna mundu wa Levi waali musikari munene ha kirivwa chi Ivugwi chi Litembeli, yasingilira vihaanwa vialetangwa ku Yahova, kandi niye wasingira ligavulwa lia vio.

Zaburi 116:14

Ndatunga cha ndalaga ku Yahova, imbiri wa vandu veve vosi.

Zaburi 116:18

Ndahaana viandalagana na Yahova, imbiri wa vandu veve vosi,

Zaburi 22:25

Ndakwizominya mu livugana linene niliizuyi kigira aga umali kokora. Ndahaana visiuviliru via ndalagana imbiri wa Yavo avasigamiraa ivi.

Zaburi 56:12

O, Nyasaye ndahaana ku ivi icha ndalagana. Ndahaana ku ivi vihaanwa viange vie lisandiza.

Zaburi 61:5

O, Nyasaye, Ivi umali kuhulira liesuuha liange, kandi ivi umali kuhaana ku inzi miandu ja yavo avakutizaa.

Zaburi 61:8

Kunangwa ndakwimbira zinyimbu zie liizominywa kazozo, lwa mbana ku ivi ivia ndisuuha kuhaana.

Zaburi 65:1

O, Nyasaye, gaveeye vulungi ku kunyi kwizominyira ivi mu Ziyoni; nuladukiza malagano giitu ku ivi,

Zaburi 66:13

Ndaleta mu Litembeli liilio vihaanwa viu kusambwa; ndahaana ku viandalagana nivi.

Kutwula 12:5

Munyala kotovola ligondi anoho imburi, navuzwa kuduuka eve neveeye muhiga mulala vuzwa kandi isaza itaveeye nimbala.

Kohelethu 5:4

Kunangwa lwa olomba lilagana na Nyasaye, uduukizi lilagana liilio vwangu kuli ganyalika. Nyasaye siaveeye no vokonyi na vasiru mba. Okole kuli walaga.

Kyavalevi 1:10

Niiva mundu zana ahaanaa ligondi lilala ku chayo chiche cha magondi anoho chi zimburi, kuduuka keve kekore kitaveeye nimbala.

Kyavalevi 1:2

amolome ku vandu va Isiraeli, avavoolere ndi: Lwu mundu woosi aleetaa kihanwa chiche chu mutugu ku Yahova, alaleeta Kihanwa chiche keveeye kilala ku mitugu, kuli ku zing'ombe zizie anoho ku magondi gege anoho ku zimburi zizie.

Kyavalevi 17:10

Niiva mundu woosi, wa Isiraeli anoho mugeni umenyi hagati hinyu alalia inyama nikikiri mu na masahi, anoho ulia masahi goosi, ndamutuliza hagati ha avandu vange

Kyavalevi 17:13

Niiva mundu woosi, wa Isiraeli anoho mugeni umenyi hagati haavo uhima inyama anoho linyonyi liveeye lilahi kuduuka atahiziri masahi galio ku lirova ma agakuniki nuluguchi.

Kyavalevi 22:17

Yahova yavolera,

Kyavalevi 23:38

Amasavo yaga gaveeye gokomeeda ku masabato ga kazozo, kandi vihaanwa yivi viveeye viokomedaa ku vihaanwa via kazozo, vihaanwa vienyu viamuleetaa mulitwekiza liesuuha, kandi vihaanwa vienyu via muhaanaa nu mwoyo gwu vuyanzi ku Inzi Yahova.)

Kyavalevi 7:16

Niiva mundu alaleeta kihanwa chi mirembe ku liduukiza lilagana lie liesuuha, anoho kihanwa chu vuyanzi vwi lilarira lilie mwene, kitaliivwa choosi lidiku lia keleteywe ku mba, navuzwa inyama yikisiuviliru yakava nitigaye, ilaliivwa lidiku lilonda ku.

Amosi 4:5

Muhaane kisiuviriru chu kusandiza chi migadi ja mamera, na mulandizi amakuva gi vihaanwa viumwoyo gwu kwihana nu vuyanzi. Mulandizi kigira yivi nivio vindu via muyanzaa kokora. O, munye avandu vi kivala cha Isiraeli!”

Jona 1:16

Yiki chakola aveeremi kutia Yahova ligali, kali nivahaana visiuviliru, nivalaga kumutumikira.

Jona 2:9

Navuzwa ndimba zinyimbu zie lizominywa ku ivi; ndahaana ku ivi kisiuviriru, kandi ndakora agaamali kulaga. Ovohonyi vuturaa ku Yahova!”

Nahum 1:15

Henza, mutumwa yaazaa kutura ku kiguru; aveeye na makuva malahi! Yaazaa kulandiza mirembe! Mulombe amasavo munyi avandu vi Ivuyuda, kunangwa muduuki ku twekiza lilagana lienyu na Nyasaye. Avandu vachamu sivalaza kwingilira kivala chiinyu kandi mba. Vosi vamali kudivizwa ligali!

Malaki 1:14

Kilaamo keveeye ku oyo mugaadi uhaanaa kisiuviriru chu mutugu mudamanu ku inzi, lwaveeye nu mutugu mulahi muchayo chiche gwayalaga kuhaana ku Inzi! Kigira mbeeye mwami munene, navandu vi zihiiri ziosi vaatia Inzi.”

Livalidza 15:3

Vahane ku Yahova igiriki, ligondi limigu, ligondi noho imburi vinyala kuhaanwa kuli vihaanwa viu kusambwa, noho vihaanwa viu kuduukiza liesuuha anoho kihanwa chu vuyanzi anoho kihanwa chi lisavo lia kazozo. Lifunya liu mwayu mulahi gwi vihaanwa yivi lilayaanziza yahova.

Vikolwa 18:18

Inyima wa yaga, Paolo yaazizagilira komenya na vandu avasuuviraa mu Korinzo madiku manyingi. Inyima yavasivula, naniina mu liato kuzia Siria harara na Berisila na Akwila. Naveeye mu Kengurea, yavega liisu lilie kigira yaali na aviiki lilagana liokwisuuha ku Nyasaye.

Kwidzulitsa 12:17

Mutaliira ku vihaanwa via muhaanaa ku Nyasaye mu madaala ginyu aha mumenyi mba: kali niiva izaka yuvuswage vwinyu anoho iwaini yinyu, anoho ya maguta gamuzeituni, anoho mitugu jitanga kwivulwa jie zing'ombe anoho magondi, anoho vihaanwa via mwalagana na Yahova anoho vihaanwa vienyu viu vuyanzi anoho vihaanwa vienyu vindi.

Kwidzulitsa 12:6

Mulahila yo visiuviliru vienyu viu kusambwa nivisiuviliru vienyu vindi, nezizaka zienyu nevihaanwa vienyu viduukiru, nevihaanwa viamwalagana na Yahova, vihaanwa viuvwihaani kandi vihaanwa viukutanga ivivulwa mu viayo vienyu vie zing'ombe kandi viamangodi.

Kwidzulitsa 16:10

Maku mulombe lisavo lie Ligesa kuhaana luyali ku Yahova Nyasaye winyu ku limuleetera kihanwa chu vwihaani kolondekana ku vugasu vwa Yahova Nyasaye winyu amali kumuha.