Kyavalevi 21:6 - KITABU KITAKATIFU

⁶ Kuduuka ave umutakatifu, kandi siaduukanaa yambiki muzisoni mba kigira ahaanaa vihaanwa vie viukulia ku Inzi Nyasaye wavo kuduuka ave umutakatifu.

Kyavalevi 21:6 ပူးပေါင်းရင်းမြစ်များ

Ezara 8:28

Ndavavolera, “Munyi muveeye avatakatifu ku Yahova, Nyasaye wa vaguuga vinyu. Viju viosi vie ifeza kandi vie zahabu viamumali koleta ku Yahova kuli kihanwa viveeye vitakatifu.

Kutwula 19:22

Kali avasaalisi avaazaa ahimbi ku inzi kuduuka vitakase, gase ndavaha amageri.”

Kutwula 28:36

“Olombe kibale chi isahani kutura ku izahabu indahi kandi uvake kuyo eve, kuli muhuri, ‘Iviikiywi halovega kulwu vutumiki vwa Yahova.’

Kutwula 29:44

Ndalomba Lihema liukuvuganiramu nu vwali kuva hatakatifu, na ndaviika Haruni na vayaayi veve halovega kundumikira kuli avasaalisi.

Isaya 52:11

Muzie! Muzie! Muturi hano; mutadiira kindu kitali kinifu! Muzie mutule hagati ha vandu va Babiloni! Mwitakase munyi avagingaa viju via Yahova.

Ezekieli 44:7

Vamali kwonogonyia Litembeli liange, nokoleka avageni vataveeye avasuuvirifu, avandu vavura kutia kwingira mulio lwahaana vindu vinolu kandi amasahi gi visiuviliru ku inzi. Kunangwa avandu vange vamali kuvunaga lilagana liange mulikola vindu viosi viu kuvihiliriza.

Kyavalevi 10:3

Maku, Musa yavolera Haruni, “Yiki nicho kindu cha Yahova yamoloma ku lwa yavoola, avandu vosi vandumikira, kuduuka vahane luyali ku vutakatifu vwange; inzi indavuula vukumi vwange ku avandu vange!” Navuzwa Haruni yachiring'ana.

Kyavalevi 18:21

Utahaana mulala ku avana vovo kuva kisiuviriru ku nyasaye ulangwa Moleki mba, kigira yago galaleta zisoni ku lieta lia Nyasaye.

Kyavalevi 19:12

Mutisuuhi liesuuha liuvugadi ku lieta liange nokwononyia lieta liange mba. Inzi mbeeye Yahova, Nyasaye winyu.

Kyavalevi 20:3

Niiva mundu woosi ahaanaa mulala ku avana veve ku Moleki no kolomba Lihema liange litakatifu kuva lidamanu no kuhaana zisoni ku lieta liange Litakatifu, ndamuleka kandi sindamuvaliza kuva mulala ku avandu vange mba.

Kyavalevi 21:17

avolere Haruni ndi: “Mu makura gaaza, atavaho na mulala ku visukululwi vivie oveeye novolema vwosi ku muviri gwigwe uhaana vihaanwa vie viukulia ku Inzi Nyasaye weve mba.

Kyavalevi 21:21

Kisukururwi chu Musaalisi Haruni keveeye ku novolema vwosi ku muviri kitahaana ku kihanwa chi viukulia ku Inzi mba,

Kyavalevi 21:23

Navuzwa kigira aveeye novolema ku muviri gwigwe, atiisunda himbi ni suka indakatifu mba kandi atiisunda himbi nuvwaali mba. Atonogonyia ivindu ivitakatifu viange mba; kigira Inzi mbeeye Yahova uvikolaa kuva ivitakatifu.”

Kyavalevi 21:8

Kuduuka avandu vavuguli musaalisi kuva aveeye umutakatifu, kigira ahaanaa vihaanwa vie viukulia ku Inzi; Inzi Yahova mbeeye mutakatifu kandi ngolaa avandu vange kuva avatakatifu.

Kyavalevi 3:11

Musaalisi uva nakora muyinzi yigu, alavisaamba viosi ku uvwali, kuli kihanwa chi chukulia kihaanwaa chu muliru ku Yahova.

Livalidza 16:5

kandi yavolera Kora harara nu muganda gwigwe gwosi ndi, “Lidiku lia mugamba, Yahova alamanyia mundu oveeye weve; kandi oveeye mutakatifu, wayatovola, na alamukola yisundi ahimbi naye ku vwali.

Livalidza 28:2

kuvolera vandu va Isiraeli koletera Nyasaye vihaanwa vie viukulia viu kumuyanziza ku ing'inga idukanaa kandi yatovolwa.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.