Kyavalevi 21:15 - KITABU KITAKATIFU

¹⁵ Nigataveeye ndio, avana veve vaduukana vave avatakatifu; vatava avadamanu kolondekana ni miima mba. Inzi mbeeye Yahova, wamuvikaa halovega kuli Musaalisi Munene.”

Kyavalevi 21:15 ပူးပေါင်းရင်းမြစ်များ

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Ezara 2:62

Visukululwi yivi vienyeleriza mu vitabu viduuki konyoora amita ga vaguuga vaavo, navuzwa si vaali vanyara konyoora mba. Kunangwa, valekwa kutura mu vusaalisi kigira vaali avadamanu.

Ezara 9:2

Avasaza vaavugura vakana kutura mu zihiiri yizi kuva avakali vayaayi vaavo kandi avakali navana vaavo. Kali avandu va Nyasaye avatakatifu vazugana harara na vandu vi vivala yivi. Avanene vaavo aviimiliri kandi avamihi nivo vaakora uvudamanu vwu kumaliriza.

Kutwula 34:16

Avayaayi vinyu vanyara koleta avakali vageni, avanyala kuvakola vavuli kuva avasuuvirifu ku Inzi, kandi vasigamiri avanyasaye vaavo.

Kyavalevi 19:2

avolere avandu vosi va Isiraeli, “Muve avatakatifu kigira Inzi, Yahova Nyasaye winyu, mbeeye Mutakatifu.

Kyavalevi 20:7

Kunangwa mwitakase munyi vene kandi muve avatakatifu, kigira Inzi mbeeye Yahova Nyasaye winyu.

Kyavalevi 21:14

Ataleeta mukali mukunzakali, anoho uwakungwa nu musaza anoho muheyi mba. Kuduuka aleete mukaana mugima kutura mu avandu vinyumba yeeye.

Kyavalevi 21:16

Nyasaye yavolera Musa

Kyavalevi 21:8

Kuduuka avandu vavuguli musaalisi kuva aveeye umutakatifu, kigira ahaanaa vihaanwa vie viukulia ku Inzi; Inzi Yahova mbeeye mutakatifu kandi ngolaa avandu vange kuva avatakatifu.

Kyavalevi 22:16

ku lileka mundu woosi utaavugulirwa alie ku vihaanwa vitakatifu mba. Nigakava ndio, galaleeta lihiola namaduywa ku mundu kuli oyo. Inzi mbeeye Yahova kandi nombaa vihaanwa kuva vitakatifu.”

Malaki 2:11

Avandu vi Ivuyuda vamali kuvunaga lilagana lia Nyasaye kandi vakora vudamanu ligali mu Jerusalemi kandi mu kivala choosi. Vayonogonyia litembeli lia Yahova ya yaanza. Avasaza valeta vakali vasigamira vanyasaye avageni.

Malaki 2:15

Nyasaye yalomba munyi vosi kuva muviri mulala kandi Roho mulala. Lienya lilie liali ndi muduuki konyoora avana vaveeye vandu va giligali va Nyasaye. Kunangwa mulole ndi mutavunaga lilagana lienyu na vakali vienyu mba. Vuli mundu agumili lilagana lilie nu mukali weve.

Matayo 23:17

Avavoku vasiru munyi! Ekenene ku ni kiliha, izahabu anoho Litembeli likora izahabu eve indakatifu?

Varumi 11:16

Niiva kedonye chu kutanga chu mugadi kihanwa ku Nyasaye, kunangwa mugadi gwosi goveeye gwa Nyasaye, kandi niiva imiliju musaala jihaanwa ku Nyasaye, iziisia nazio ni zia Nyasaye.

1 Vakorintho 7:14

Musaza utasuviraa agirung'anywaa na Nyasaye kuvitira mu mukali weve; kandi umukali utasuviraa agirung'anywaa kuvitira mu musaza weve. Kigira yaga avana vaavo sivakaveeye avatakase imbiri wa Nyasaye mba. Navuzwa kuli gaveeye kalunu, yavo vaveeye vatakatifu imbiri wa Nyasaye.