Kyavalevi 19:31 - KITABU KITAKATIFU

³¹ “Mutateevi zing'anagani kutura ku avandu vaveeye nilihambana na roho midamanu ja vakuzu mba. Niiva mulakola ndio, mulava vadamanu kolondekana ni miima. Inzi mbeeye Yahova winyu.

Kyavalevi 19:31 ပူးပေါင်းရင်းမြစ်များ

2 Avami 17:17

Vahaana avayaayi vaavo ku vanyasaye kuli visiuviliru.

2 Avami 21:6

Yahaana muyaayi weve kuli kihanwa chu kusambwa, kandi nakora uvulaguli nu vukumu, kandi nahaambana na vasigitiri kandi vavuuli. Yaakolera Yahova vwoni vonene ligali kandi yavuukiza vutima vwivwe.

2 Avami 23:24

Kuhaana zinguru nu kudinyiriza Lilaga liang'odwa mu kitabu chu Musaalisi Munene Hilikia yaali nanyooye mu Litembeli, mwami Josia yaatuliza mu Jerusalemi harara ne Ivuyuda yoosi avasigitiri, avakumu, avanyasaye vu muzinyumba, vifananyi, harara ne viju viosi viukusigamira misambwa.

1 Kyetsinyinga 10:13

Kunangwa Saolo yakuza kigira livula kuva musuuvirifu ku Yahova. Yatinguha malago ga Yahova. Yageriza konyoora zing'anagani kutura ku roho wa vakuzu

2 Kyetsinyinga 33:6

Yahaana avayaayi veve kuli visiuviliru viukusambwa mu Livona lia Hinomu. Yakola uvusigitiri, uvukumu, uvulaguli. Yakola uvudamanu vunyingi mu zimoni zia Yahova kandi naavukiza uvutima vwivwe.

Kutwula 22:18

“Mukali woosi okolaa uvukumu adukanaa yiitwi

Isaya 29:4

Jerusalemi lilava kuli kigingi kegerizaa komoloma kutura musi mu marova, umwoyo gwu kung'ung'ula ugutulaa mu luguchi.

Isaya 47:13

Munyi simuveeye novokonyi ni zing'anagani zia muyoolaa kutura kuvasigitiri mba. Mwaniri ovokonyi kutura ku vandu vaveeye ni limanya lie zing'ereng'ani mu ligulu, kandi avanyala kumuvuulira vuli mweli agazizaa kwekoleka ku munyi.

Isaya 8:19

Navuzwa avandu valakovolera oteeve amakuva kutura ku vasigitiri, na valaguli kandi visohoro ni viganda. Valavoora, “Kali ndio avandu gavadukiraa vateeve amakuva kutura ku miroho midamanu kandi veenye zing'anagani kutura ku vakuzu muvogono vwayavo avaveeye mwoyo.”

Kyavalevi 19:26

“Mutalia inyama nikikirimu na masahi mba. Mutagerizi kokora vukumu vwu lugano lwosi mba.

Kyavalevi 19:3

Vuli mulala ku munyi kuduuka ahuliri mama weve na baba weve, na kandi kuduuka alindi lisabato liange kuli ngulaga. Inzi mbeeye Yahova Nyasaye winyu.

Kyavalevi 20:27

“Umundu woosi, musaza anoho umundu mukali uzizaa ku vakumu kuduuka alaswe magina akuzi. Umundu woosi okolaa ndio, sialadula umundu kigira likuza lilie mba.”

Vikolwa 8:11

Vamuhuliriza ligali, kigira yavagenyia nu vusigitiri vwivwe ku ing'inga indambi.

Vagalatia 5:20

ukusigamira vifananyi, ovologi, uvusigu, ovolembani, embodoka, uvutima, uvwimani, amahangari, ukwavukana, ukwikala vidieli,

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

1 Samweli 28:3

Kalunu Samweli yaali yakuza na avandu va Isiraeli vosi vaali nivamali kumusiomera nukumuta mu lidaala linene lilie mwene lia Rama. Saolo yaali niyamali kuniga avasigitiri na vulaguli vi limanya vatuli mu Isiraeli.